¹ Ale nje oPawulo omubuwe wa oYesu Kristo edi Apapaati . ² Nkusubira nka mwawuliire obuwanika bwa kisa kya Kanca kye yampaire oku lwa nnywe, ³ Engeri ekyaama ekyo jekyantegezeibwe omukuswekurwa, nka ninawandikire omu bigambo ebidooli. ⁴ Nimubisoma muyinza okwetejja okumanya kwange okwa kyaama kya Kristo ⁵ . Ekyo ekitategezeibwe abaana ba bantu omu mirembe ezaira, nka atu buni nikiswekulibwe olwa mwooyo abakwenda baamwe abaikiiri na ⁶ Niyo engeri abapaati je basikira amwe amwe erate aba mubiri ogumwei, abaisa ekimwei omu bisuubizoomu oYesu Kristo olwa njiri, ⁷ eni jenafookeire omuwereza waayo, nka ekirabo ekya kisa kya Kanca nikiri kyeyampaire nka okukola kwa maani gaamwe nikuli. ⁸ Nje omuto okusinga abato abomubakiiri bwoona bwoona, nawereibwe ekisa kinu okukoberanga abapaati obuguuda bwa Kristo obutaswagikika. ⁹ N'okumolekeryanga bwoona bwoona babone entegeka ya kyaama kini nikiri, ekyakwekeibwe eirai neirai omu Kanca eyatondere byoona byoona ¹⁰ Atu buni okwakala omu kanisa, abamasazza naba buyinza omu bifo ebyo’mwigguru bategeezebwe amagezi aga oKanca agangeri ezinji. ¹¹ Kini yakitegekere eirai nairai, nakiriirya omu Kristo oYesu omukama waiswe ¹² omuye nimwo tutoola obuvumu okusemberera no bugumu olwa kwikiririza omu ye ¹³ Nikyo nzwiire nsaba muleke kwiira mabega olwa bibonyobonyo byange okulwa nnywe, ebyo nikyo kitinisya kya nnywe. ¹⁴ Nikyo zwa nfukamiira oitaiswe wa Mukama waiswe oYesu Kristo, ¹⁶ Erate abawerye nnywe, nka obuguuda bwa kitinisya kyaamwe nikiri, okunywezebwa na maani omu muntu wa munda. ¹⁵ .buli kika ekya mwigguru ne kya kunsi kwe kitoola eibara. ¹⁷ OKristo aikalenge omu myooyo ja nnywe olwa kwikiriza; mubbenge n'emmizi, munywezebwenge omu kwendya. ¹⁸ Musobole okuweebwa amaani okukwatanga na magezi amwei na baikiriiri bwoona bwoona obugazi no bulai no bugungumuki no kwaaba ansi ni biri. ¹⁹ No kwetejja okwendya kwa Kristo okusinga okutegeerwa; musobole okwizuura kimwei okwikiriira kwa Kanca. ²⁰ Ale oyo osobola okukola omuno okusingira kimwei bye tusaba ne byetulowooza nka amaani agakoora omwiswe. ²¹ Awebwenge ekitinisya omu Kanisa omu Kristo oYesu okwica emiijo ne miijo ezitawaawo Amiina.