¹ Omu mwaaka gwa kasatu omu miijo za Berusazza omukama,okwolesebwa nikunyizira,nje oDanyeri okwaiririire kudi okwasookere okunyizira. ² Nimbona omw'ebyo binayoleseibwe,nka biri biti,naali mu kigo kya Susa omu lubiri lwa Eramu: nimbona omw'ebyo binayoleseibwe,erate, nka naaliku mwiiga Ulaayi. ³ Ale ninyimusa amaiso gange aigguru,nimbona erate, bona,ontaaama omusaiza eyaalina amembe abiri nayemeera okumabbali ga mwiiga,n'amembe ago abiri gaali galai,baitu,erimwe lyaali rirai okulindi. ⁴ Nimbona ontaama omusaiza nk'akusindika edi ebugaisana,needi obukiika obwa gumoso needi obukiika obwa guryo :baitu, ndoowo bisolo bindi ebyasoboire okw'emeera omu maisa gaamwe.erate,ndooyo eyasoboire okutamba omu mukono gwaamwe.Baitu,yakoorenge nka nayayendyanga,niyegulumirya. ⁵ Ninaali nka nky'abirowozaaku,nimbona,ombuli omusaiza nazwa ebugaisana,n'aiza nk'ekwiruka nk'ekwakala aigguru wa nsi yoona yoona,netaike kwitakali.Erate,ombuli yaalina eiyembe erirai akati wa maiso gaamwe. ⁶ Neiza edi ontaama omusaiza eyaalina amembe abiri gw'enaboine nka ayemereire oku mabbali ga mwiiga,ombuli nairuka nalumba ontaama n'amaani gaiji. ⁷ Nimubona nka asembereire ontaama omusaiza,nk'amusunguwaliire,n'akubba ontaama omusaiza,n'awenda amembe gaamwe abiri:erate, n'ontaama omusaiza tiyaalina maani,okwemeera omu maiso gaamwe.Baitu nabbanda ontaama omusaiza n'agwa ansi n'amuniniira.Erate ndoowo eyasoboire okutamba ontaama omusaiza omu mukona gwaamwe. ⁸ Ale ombuli omusaiza niyegulumirya muno baitu,niyeyongeire amaani eiyembe erirai niriwendeka,erate, omu kifo kyaalyo nimumeramu amembe anai agandi agabonekere omuno nka galoleire empewo einai ez'amwiggulu. ⁹ N'omulimwe okwaago nimumeramu eiyembe erindi erimpi,baitu,nirifooka erirai nka riroore obukiika obwa guryo,n'edi ebuzwaisana,n'edi ensi y'akitinisya. ¹⁰ Nirifooka rirai nirirwaana n'eiye erya mwigguru;n'ebimwe okwiye n'obunyenyenzi obumwe niibinnaga ansi,niribininiira. ¹¹ Nimwo mbbe,niryekulya lyonkai,erate okwiika oku mukulu waiye;nirimwiyaku ekiwebwaayo ekyocebwa eky'annaku zoona zoona,ne kifo ya waikiiri waamwe, nikinnagibwa. ¹² N'eiye niriweebwayo edi eyembe ly'ambuli amwe n'ekiwebwaayo ekyocebwa eky'annaku zoona zoona olw'akusiisa.Eiyembe lirinnaga amananu ansi okwiakali,erate,riribona omukisa omu buli kimwe kiririkola. ¹³ Nimpuura omwikiiri nk'akusimoola,n'omwikiiri owondi n'akoba oyo eyaali asimoire ati,ebikoleseibwe ebya'akukiweebwayo ekyocebwa eky'annaku zoona zoona biriicaayi okubbaawo,n'okusiisa okuzikiirya okuwaayo omwikiiri,erate,neiye okuniniirwa n'amagulu? ¹⁴ Nankoba ati,biriica amambya n'amawungeera 2,300':awaikiiri niwalyooka niwalongoocebwa. ¹⁵ Ale ,nje oDanyeri, ninaboine binu eby'anjoleseibwe,ninswaga oku by'eteja:erate,bona,niwemeera omu maiso gange ekiisani nk'ekya muntu. ¹⁶ Nimpuura eiraka ly'amuntu akati wa mwiiga gwa Ulaayi nka likweeta,nirikoba liti Gabulyeri,kobera omusaiza oyo ebimoleseibwe. ¹⁷ Ale nasembera we naali nyemereire:erate,niyaizire,nintiina,ninkutamya amaiso gange; baitu,nankoba ati,"Weteje,we,omwaana w'amuntu:olwakubba ebyayoleseibwe bya kiseera kiseera ky'ankomeero." ¹⁸ Ale niyaali nk'akyasimoola nanje,nimbasya otulo twiinji nka nkutamye amaiso gange ansi.baitu, n'ankwataku, n'anyemeerya. ¹⁹ Nankoba ate,bona,n'akukobera ebiribbaawo oku nkomeero,omu kiseera kya kiruyi,olwakubba bya kiseera ky'ankomeero eky'atekeibweewo. ²⁰ Ontaama omusaiza guwaboine nk'eruku amembe abiri,nibo bakama b'Abumeedi n'Obuperusi. ²¹ N'ombuli omusaiza niye mukama wa Buyonaani:n'eiyembe erirai eriri akati wa maiso gaamwe niye mukama ey'ekereire. ²² N'eryo eriwendekere,n'omu kifo kyaalyo nimwemeeramu anai,obukama bunai bulizwa omw'iyanga ly'amwe,bulyemeera baitu,nka tibulina buyiinza bwaamwe. ²³ N'omu kiseera eky'ankomeero eky'abukama bwaamwe,abasiisi nk'abaikiriire,omukama w'amaiso agakambwe,erate, ey'eteja ebigambo eby'akyaama,aly'emeera. ²⁴ N'obuyiinza bwaamwe bulibba bwiinji,Baitu,buyiinza nka tibwaamwe kulwamwe.Alizikiirya muno,erate, alibona omukisa,erate,alikola by'akwendya:erate,alizikiirya ab'ammanga n'abantu abaikiiri. ²⁵ Erate,olw'amagezi gaamwe alyeirya enkwe omu mukono gwaamwe,erate,aly'egulumirya omu mutima gwaamwe,erate,alizikiirya bainji nka bakulowooza nti mirembe. Erate,alyemeera okulwanisya Omukama w'Abakama,baitu,aliwendeka awataali mukono gw'amuntu yeena yeena. ²⁶ Erate, ebikoleseibwe eb'amambya,n'amawungeeri ebibuliibwe by'amananu.Baitu,tta akobonesyo okubikoleseibwe,olwakubba by'annaku eziri alai. ²⁷ Nanje oDanyeri, ninzirika,nindwaala okumala ennaku ziinji:ninyimuka,ninkola emirumo za mukama.Baitu,nineewunya eby'anjoleseibwe erate,ndoowo yaby'etejerye.