¹ OPaul omukwenda owa oYesu Kristo nk'okulagira kwa Kanca omucunguli waiswe nikuli n'okwa Kristo oYesu eisuubi lyaiswe. ² Edi Otimoseewo omwana wange geregere olwakwikiriza. Ekisa, nemirembe bibbenge jjoli ebizwa edi OKanca oitaiswe no Kristo oYesu omukama waiswe. ³ Nka ni nakulambire okubba omu efeso, ninaali nka nkwaba, e Makedoni, olagirenge abamwei obutayegesyanga buundi. ⁴ Gonze okulowoozanga enfumo n'ebigambo ebya bubyaale ebitakoma ebireeta empaka omu kifo kya kya kwegesya kw'abwa Kanca okuli omu kwikiriza. ⁵ Ekigenderwa kya kiragiro kyaiswe nikwo kwendya okuzwa omu mwoyo omusairiri. ⁶ Ebyo abantu abamwei babiwunjukiramu ni bakyamira omu bigambo ebitalumu. ⁷ Nka bakwendya okubba nka abegesya bamateka nka tiba kweteja bye bakusimoola gonze bye bakwekakasa. ⁸ . Baitu tetumaite nka amateeka agasai, omuntu na kolesya omu butuufu bwago. ⁹ Nka tu kwetejja kini, amateeika tigateleebwawo lwa muntu omwikiriiri bataibwe abatalibayikiriri n'abatengu, abattiina O'Kanca n'abalina ebibbi, abatali baikiriiri n'abatyobola OKanca, abaitta abaitaawe n'abamaabwe baiti b'abantu. ¹⁰ Abasiani, abalya ebisiyaga abanyagi b'abantu, ab'abeyegi, abalaira obwerere, n'ebihindi byonai ebiwakana n'okwegesya okwa boomi. ¹¹ Nk'enjiri neeri eyakitinisya kya Kanca esiimwe gyi nabikisiibwe. ¹² Mwebalya oyo eyampaire amaani niye Kristo OYesu mukama waiswe olwakubba yandowoize nka ndi mwesigwa, niyanteire omu buweereza. ¹³ Olwekereire ni naali omuzumi erate nasasirwe erate owa kyejo; baitu nasaasirwa olwakuba nakolanga nka timaite omu butaikiriza. ¹⁴ Ekisa kya Kanca omukama waiswe ni kyeyongera munno gyendi amwei n'okwikiriza n'okwendya okuli omu Kristo OYesu. ¹⁵ Ekigambo kyesigwa erate ekisaanire okwikirizibwa kwonai nti OKristo OYesu naiza omu nsi okucungula abalina ebibbi: omu nibo nije eyekerereire. ¹⁶ Baitu kye nazwire nsasirw oyesu kristo alyoke abonekesye omunje okuguminkiriza kwaamwe kwoona, okubanga eji abo abakwaba okumwiiki olwa bwoomi obutawaawo. ¹⁷ Erate omukama owa miijo ne miijo, atawaawo, ataboneka, OKanca omwe, awebweenge eittendo n'ekitinisya emirembe nemirembe. Amiina. ¹⁸ Ekiragiro kini nkikubikisya, mwana wange OTimoseewo, nk'ebigambo bya balangi ni byali bye bakusimoireku eirai, leke olwanirenge omweyo olutalo olusai. ¹⁹ Nk'ogumya okwikiriza n'omwoyo ogusai, abandi gwe basindika erate nebawendekerwa okwikiriza kwabwe: ²⁰ Omwabo nimwe muli Kumenayo no Alegezanda: be nawaire Ositaani, leke begesebwe obutazumanga.