¹ Ebikusembayo, abaluganda, tubeegayirire era tubabulirire omu mukama waiswe OYesu, nga mwa twiyireku nka ni kibasanira okutambulanga nokusiimibwanga OKanca, ate nka ni mutambula, mweyongerenge mutyo. ² Olwakubba mumaite ebiragiro nka mbiri bye twabawaire kubwa Mukama waiswe OYesu. ³ . Olwakubba ekyo OKanca nikyo ayendya, okwikirya kwannywe, okwewaalanga okwendekuza; ⁴ Buli muntu oku nnywe ateekwa okumanyanga okutaka omubiri gwamwe wanyenere omu bwikiriiri no mu kitinisyo. ⁵ . Temufugibwanga amairu gakinegomba, ate nka amawaanga agatamaite Kanca. ⁶ . Omuntu yena yena alekekenge kusisa mugande wamwe gonze okumukola, akabi omukigambo, kubba omukama waiswe awalana eigwanga orwebyo byoona, ate nka ntwasokere okusimola no kubakoobera kimwe. ⁷ Olwakubba OKanca teyatweteire bugwagwa, wazila okubba mu bwikiriri. ⁸ Ale taagana muntu, wazila OKanca, abawa omwoyo gwamwe ogwikiriiri. ⁹ Okubba ebikwata kubya kwendyangana abaluganda, temwetaga muntu yeena-yeena kuwandiikira, olwakubba nnywe nnywenkai mwayegesebwe OKanca kwendyangana; ¹⁰ Okubba ddala mwendya abalugunda bona aba’mu Makedoni yoona. Okubba tubakoobera abalugand, okweyongeranga okwakalirirye; ¹¹ Elate mwegombe okwiraikana, nokukolanga emirimu ni mikono jjannywe, nka ni twabagire. ¹² Leke mubenge nekitinisha edi abanzai, nka temuluku kye mukandya. ¹³ Baitu tinkwendya nnywe obutamaanya baluganda, ebyaba abaasirye, mulekenge okwenatira, ate nka abamwe abatalina ssuubi. ¹⁴ Olwakubba ni twikiriza nti OYesu yaitirwe na yeemboka, ate OKanca alimwiirya nimwoo abaasirye olwa oYesu amwe nayee. ¹⁵ Olwakubba ekyo kye bakoobere omukigambo kya Mukama waiswe, nti iswe aboomi abasigairewo okwiika okwiiza kwa Mukama waiswe telibeekera abaasirye. ¹⁶ Olwakubba omukama waiswe wannywe aliza okuzwa omwiguru no nokusimola aiguru eiraka lya malayika, omukulu ne kondeere lya Kanca naabo abaafirire omu Kristo nibo balisooka okuyiimboka. ¹⁷ Naiswe abalibba bakyali aboomi leke tutwalibwe amwe nabo omwiguru okusanga oMukama waiswe omwibbanga; baitu nimwo twabbanga no Mukama waiswe ennaku zonna. ¹⁸ Baitu musanyukirenganenge nnywenkai nannywenkai nebigambo binnu.