¹ Ni tutasobweire kwongera kugumiinkiriza, nitulowooza kisai iswe okusigala omu Asene iswenkai, ² nitutuma OTimoseewo omuganda waiswe ate omuweereza wa Kanca omu njiri ya Kristo, okubagumya no kubasanyusa olwakwiikiriza kwa nnywe; ³ Omuntu yeenayeena atasagasagana omu kubonabona kunu; lwakubba nnywe mumaite nka nikyo kye twatereibweewo. ⁴ Lwakubba mazima, nitwaalin gyemuli twabakobeire omuntandikwa nka tukwaaba okubonabona, ate nimwo nikyaali kityo nka nimumaite. ⁵ Olwansonga enu, nintasobweire kugumiinkiriza nikyo nazwiire ntuma nsobole okweitejja okwikiriza kwa nnywe nikuli nga nkutiina nti akkema yabakere okwekalangura kwaiswe nikubba kwa bweerere. twiribwaamu amaani olwa kwikiriza kwa nnywe. ⁶ .OTimoseewo niyaizire jetuli nga akuzwa jemuli yatuleteire ebigambo ebisai ebya kwikiriza no kwendya kwa nnywe, ate nka mukutwizukira kusai ebiro byoona nka mukutulumiirwa okutubona, ate nka iswei nitubalumiirwa nnywe. ⁷ N'olwekyo aboluganda, omubujune n'okubonabona kwaiswe kwona kwona, ⁸ . Olwakubba atibuuni, nnywe nimwemeera nga muli bagumu omu mukama waiswe. ⁹ Olwakubba kwebalya kutyai kwetusobola okuwa oKanca oku lwa nnywe, olwa olwakusemeerwa kwe kwetusemeerwa oku lwa nnywe omumaiso ga Kanca waiswe. ¹⁰ Emisana no bwiire nka tukusaba munno okubona okumaiso ga nnywe, nokwikikirya ebikyabulaku omu kwikiriza kwa nnywe. ¹¹ oKanca omwenyenere era oiteiswe, no Mukama waiswe oYesu atereza enzira yaiswe eiza jemuli. ¹² Nnywena omu Mukama waiswe abongerengeku ate abatumbiirye okutakangana abantu boona boona, ate nka naiswe nitubataka nnywe. ¹³ Asobole okugumya emyoyo gya nnywe nga tiziruku kamogo omubwekiiriri, omu maiso ga Kanca waiswe ate oitaiswe, omukwiza kwa Mukama waiswe oYesu amwe na baikiriiri baamwe boona-boona.