¹ .Baitu, okukumbbaniryanga ebintu abaikiiri , nka ninalagiire Amaramyo age Galatiya, nanywe mukolenge mutyo. ² . Oku lunaku olukusoka omu Ssabiiti buli muntu omu nywe abbengaku kya kubiika ewaamwe nka akusinzira okubusobozi bwaamwe, ebintu bireke okusorozebwa lwe ndiiza. ³ . Erate nindiika be mulisiima omu bbaluwa abo nibo ndituma okutwaala ekisa kyanywe omu Yerusaalemi. ⁴ . Erate nikiboneka nka kikwetagisya njeena okwaaba,ndyaaba nabo. ⁵ . Baitu ndiiza jimuli ni ndibba mmaare okwakala omu makedoni. ⁶ Baitu erate ndibba nanywe ekiro kidooli. n’okumala ndi malayo ebiro bya bufuki byonkai, nnywe leke munsibiire yoona yoona jindyaaba. ⁷ Olwakubba tikwendya kubabona ati nka nkwakala mbbe, nkusuubira okulwaayoku jimuli Omukama waiswe nali ikkiriza. ⁸ Baitu nkyaluku ani omu Efeso okwiica oku pentekoote; ⁹ Olwakubba olwiigi olukooto erate olwe mirumo eziingi lunyigulirwewo, baitu abananzigu bainji ¹⁰ . Baitu oTimoseewo naliiza, mubone nka mu kumuyamba abbe nanywe owataali kutiina;olwakubba yeena akola omulumo gwa Mukama waiswe erate nka nje. ¹¹ Ale omuntu yeena yeena tamugayanga. Baitu mu musibiire nemirembe, aizze jendi, ¹² . Baitu oku bya Apolo owaluganda,namwegayirire muno okwiiza ji muli amwe nabaluganda; natayenderye kimwe kwiiza mwibbanga eryo,baitu aliiza nalifuna eibbanga. ¹³ . Mulolenge, mugumirenga omu kwikiriza, mubbenge basaiza.Basaiza ba maani. ¹⁴ . Byoona byoona bimukola, bikolebwenge mukwendya. ¹⁵ . Baitu nkubegayiira, ab'aluganda mu maite nka enyumba ya Suteefana, nibo basookere okwikiriza omu Akaya, erate nka betegekeire okuweereza abaikiiri, ¹⁶ . nanywe muwuurenge abakwiisana nka abo, nabuli muntu akoora amwe naiswe afuba. ¹⁷ . Erate ndimusemeeri olwa kwiiza kwa Sutefana no Folutunaato no Akayiko; olwakubba ebyabuure oku lwanywe babikiriirye. ¹⁸ . Olwakubba bawumwirye omwooyo gwange n’ogwanywe, ale mwikirizenge abali nka abo. ¹⁹ Amairamyo aga mu Asiya gabalamukirye.Akula n’oPulisika babalamukirye muno omu Mukama waiswe, ne iramyo eriri omu nyumba yaabwe. ²⁰ Ab'aluganda boona boona babalamukirye. mulamukyengane n’okwevuubata okwikiiri. ²¹ . Nje oPawulo, kunu nikwo kulamkya kwange mpandikire, n’amukono gwange. ²² . Omuntu yeena yeena natayendyanga mukama waiswe, akolimirwenge. Omukama waiswe akwiiza. ²³ Ekisa kya Mukama waiswe oYesu Kristo kibbenge nanywe. ²⁴ . Okwendya kwange kubbenga nanywe, nywena nywena omu Kristo oYesu. Amiina.