¹ 1 Ninsimoola ennumi za bantu ne za bantumwa, baitu nka tindina kwendya, mbba nka ekidde ekivuuma,n’omukebe ogukusaala. ² . Erate nimbba n'oburanji ni neteja ebyaama byoona byoona n’okweteja kwoona kwoona,erate nimbba n’okwikiriza kwoona kwoona, nokwiyawo ninyiyawo ensozi, baitu nka tiinina kwendya mbba tindi kintu. ³ . Erate nimpaayo bye nnina byoona byoona edi abawooro, erate nimpaayo omubiri gwange okwokyebwa, baitu nka tinnina kwendya, mbba tindiku kye ngasire. ⁴ . Okwendya kugumiinkiriza, erate kuliina ekisa, okwendya tikubba nabwiiya; okwendya tikwekudunbalya,tikwegulumirya. ⁵ . Tikukola bitakusaana, tikutolya byaakwo,tikugongera mangu, erate tikusiba kibbi ku mwooyo; ⁶ . tikusemererwa nabitali bya bwikiriri, baitu kusemererwa amwe na mananu; ⁷ . kugumira byoona byoona, kwikiriza byoona byoona,kusuubira byoona byoona,kuzibinkiriza byoona byoona. ⁸ . Okwendya tikuwaawo emijo joona joona: Baitu obate burangi, bulizwaawo; obate nnumi, zirikanga,obate okweteja,kulizwaawo. ⁹ . Olwakubba, twetejaku kitundu, erate n’oburangi bwaiswe bwa kitnndu; ¹⁰ . Baitu ebikiriiri nibiriza, eby'akitundu birizwaawo. ¹¹ . Ninaali omuto nasimoolanga nka omuto, netejanga nka omuto,nalowoozanga nka omuto: ninakuure,nindeka ebya buto. ¹² . Olwakubba ati tubonera mu ndabirwaamu ebitaboneka kusai, baitu omu biro bidi tulibibonera kimwe kusai maiso ku maiso.Ati nkwetejaaku kitundu; baitu omu biro bidi ndyetejerya ka kyarumwe, erate nka nimaitiibwe oKanca. ¹³ . Baitu ati walowo ebintu bisatu, okwikiriza, okusubira, n'okwendya, baitu okwebyo, ekisiinga obukulu kwendya.