¹ OPawulo eyayeteibwe okubba omukwenda wa Yesu Kristo olwa kwendya kwa Kanca, n’osossene owaluganda, ² edi e’Iramyo lya Kanca eriri omu Kkolinso, edi abo abatukuziibwe omu Kristo oYesu,abeyeteibwe okubba abaikiiri,amwe ne boona boona abeeta eibara lya Mukama waiswe oYesu Kristo omu buri kifo,niye Mukama waabwe erate owaiswe. ³ Ekisa kibbenga jimuli ne mirembe ejizwa edi oKanca oitaiswe, no Mukama waiswe oYesu Kristo. ⁴ Neebalya oKanca wange buliizo okulwa nywe olw’ekisa kya Kanca kya kimwaweweibwe omu Kristo oYesu; ⁵ olwakubba omu buli kigambo mwaguduwalire mu niye omukusimoola koona koona n’omu kweteja koona koona. ⁶ nka okumanyisya kwa Kristo nikwanywezeibwe omu nywe; ⁷ Nywe obutawebuukanga omu kisimo kyoona kyoona nka mukuuma okubonekerwa kwa Mukama waiswe oYesu Kristo; ⁸ erate alibagumya okwica okunkomeero, obutabbaaku kya kunenyezebwa oku lunaku olwa Mukama waiswe oYesu Kristo. ⁹ OKanca mwesigwa,eyabeteserye okwingira omu kubba obumwe olwa mwaana waamwe oYesu Kristo omukama waiswe. ¹⁰ . Baitu nkubegayiira abaluganda,olwa ibara lya Mukama waiswe oYesu Kristo, mwikiriziganyenge nywenkai na nywenkai, okwawukana kulemenge okubba omunywe,baitu mugaiturwenga omu magezi gamwe, n’okulowooza kumwe. ¹¹ Olwakubba nakobeirwe ebifa edi nywe,abaganda bange, abo aba munyumba ya Koloowe, nka waliyo okunenengana omu nywe. ¹² kinsimoire nikyo kiini, buli muntu omu nywe asimoola ati; Nje ndi wa Pawulo; nanje wa Apolo, nanje wa Keefa; nanje wa kristo. ¹³ OKristo ayawuliibwemu? oPawulo yakomererweku okulwa nywe? obate mwabatiziibwe kwingira mw’ibara lyaamwe. ¹⁴ . Neebalya oKanca olwakubba timbatizanga muntu yeena yeena omu nywe, wazira oKulisipo n'oGaayo. ¹⁵ omuntu yeena yeena alemenge okusimoola nka mwabatiziibwe kwingira mw’ibara lyange. ¹⁶ Erate nabatiize ne nyumba ya Sitefani,erate timaite obate walowo omuntu owondi gwe nabatiize. ¹⁷ . olwakubba oKristo tiyantumire kubatiza,wazira okubuliira enjiri: ti mu magezi ga bigambo, omusalabba gwa Kristo gulemenge okubba ogwa bwereere. ¹⁸ . Olwakubba ekigambo kya musalabba ni bwo busirusiru edi abo ababuure, baitu edi iswe abacungwirwe, nigwo maani ga Kanca. ¹⁹ olwakubba kya wandikiibwe kiti, ndizikiirya amagezi gabagezigezi, n'obugwaagwa bwabagwagwa ndi busanyaawo ²⁰ Ale omugezigezi alai? omuwandisi alai? omuwakanya ow'omulembe guni alai? oKanca tiyasiwaize magezi ga munsi munu? ²¹ . Olwakubba oKanca omu magezi gaamwe, yaboine nka ensi tesobola kumweteja nka ekwakala omu magezi gaayo, oKanca nikyo yazwiire okwakala omubusirusiru, okubuulira enjiri okucungula abo abaikiriza. ²² . Olwakubba Abayudaaya basaba obubonesyo, n’Abayonaani baswagana amagezi: ²³ .Baitu iswe tubuulira Kristo eya komereirwe, edi Abayudaaya nkonge n'edi abapaati basirusiru; ²⁴ . Baitu edi abo abeete, Abayudaaya erate n'Abayonaani,oKristo maani ga Kanca erate magezi ga Kanca. ²⁵ . Olwakubba obusirusiru bwa Kanca busiinga abantu amagezi; n'obunaki bwa Kanca busiinga abantu ammaani. ²⁶ . Olwakuba, mulorere okwetebwa kwa nywe,abaluganda nka aba magezi ga mubiri tibainji abeyeteibwe, aba maani tibainji, aba kitinisya tibainji: ²⁷ . baitu oKanca yalondere ebisirusiru ebye’nsi; akwatisye aba maani ensoni; erate oKanca yalondere ebinaki ebya’nsi akwatisye aba maani ensoni ²⁸ . N’ebiseegi bya nsi n'ebinyomebwa oKanca yabilondere erate n'ebitalowo, atoolewo ebirowo. ²⁹ . wagaane okubbaawo omuntu yeena yeena eyekinkiniza omu maiso ga Kanca. ³⁰ . baitu okubw'oyo nywe muli mu Kristo Yesu eyafookere amagezi jituli; okuzwa edi oKanca, erate n'obwikiriiri, n'okwikiirya,n'okucungurwa: ³¹ . nka nikyawandikiibwe kiti; eyenyumiirya ye nyumiiryenge mu Mukama.