Okhwingira khwo Luyaali ¹ Ne nibali ambi okhwoola e Yerusalemi boola e Besufage nende e Besaniya khu lugulu lwa Seyituni, Yesu katuma khu beeki baye babiri, ² kabawola ati, “Muche mulukoongo olubali mu moni, wangu wene nimwakhengira omwo, munawone omwana kwe nsukhiri okuwoyirwe, okutaniinwaangakho mutu nawutono. Mukuwoolole mukuleete ano. ³ Omutu nabateeba ati, ‘Lwasiina mukhola sino?’ mu’muwoolera muuti, ‘Omukhongo wefwe nje okudakha ne acha okhukukowosa wangu wene.’” ⁴ Bamala bacha bakaana omwana kwe nsukhiri erwaanyi khungira, nikuwoyirwe khu mulyango. Nibali nibakuwolola, ⁵ balala khwabo abali nibemire awo bateeba baati, “Mukhola si, okhuwoolola omwana kwe nsukhiri?” ⁶ Babakowoolamo nga Yesu nikabawoola, abatu bala babalekha baacha. ⁷ Ne nibaleeta omwana kwe nsukhiri eyiri Yesu bakusukunakho enguwo chawe, Yesu kakuniinakho kakwikhalakho. ⁸ Abatu bangi baala enguwo chawe khu ngira, abandi baala amasaga ka amasafu ke misaala kabatema mundalo. ⁹ Abali nibatangisiisemo nende abali nibaloondakho emukoongo balomalomera amukulu baati, “Hosaana!” “Ayeresewe enkhabi owiicha mu liita lyo Omwami!” ¹⁰ Wuwereseewe enkhabi owene’ngo wiicha owa kukka yefwe Daudi!” “Hosaana mwikulu lukali!” ¹¹ Yesu koola e Yerusalemi kengira mu nyumba ya Weere. Nikamala okhuwodokhaniya emoni okhuwona byoosi, ne olwo’khuba owiire wali wumalire okhwiira, katula kaacha e Besaniya nende ekhumi na’babiri. Yesu Atereesa Enyumba Ya Weere ¹² Oludaalo lwa’londakho nibali nibatula e Besaniya, Yesu enjala yamuluma. ¹³ Kawona omusaala kwentuli akhanayiro nikwechulla amasaafu, kacha awone nikulikho esyamo. Manu nikakwolakho, sikawonakho siitu okhutusakho amasaafu, olwokhuba sibyali bikha byentuli okhwaama. ¹⁴ Manu kawoola omusaala ati, “Omutu yesi yeesi atalyanga khu syamo syawo emyaka ne myaaka.” Abeeki baye bawulira bi’kalomaloma ebyo. ¹⁵ Manu ni boola e Yerusaalemi, Yesu kengira mu nyumba ya Weere katangira kerusya abali nibakusa nende abali ni’bakula. Kafuniikha emeesa chaba funjisa erubya nende ebisaala byaabo abali nibakusa nawuruku, ¹⁶ sikakanya omutu okhubisya esyamakusi syosi syoosi mulwanyi we’nyumba ya Weere. ¹⁷ Kasomesa nawoola ati, “Sisyaandiikiwa siiti: “’Enyumba yange yi’nalangiwenge enyumba yo’khusabirangamo eyiri ebyalo byoosi?’ Ne enywe muyikalukhaniisye okhuba ‘eηηungu ya ba nyakka.’” ¹⁸ Ba khawona bakhulutu nende abaandiisi ba malako nibasiwulira bakhenga amakesi nga lubanamwiite, olwokhuba bamutya, khulwokhuba ebikaanda byoosi byawuka olwokhusomesa khwaye. ¹⁹ Manu engolobe niyoola, batula erwanyi we’siko. Omutuli Kwe Wotta ²⁰ Manu niwanukha echuli, nibali nibabita, bawona omutuli ni kwewottire okhutula khu’misi. ²¹ Petero kakhewulira kawoola Yesu ati, “Rabbi, wona! Omutuli kuwawaaba kwe’wottire!” ²² Yesu kakowolamo ati, “Mube no’khufukiirira mu Weere.” ²³ “Masima mbawola nti, ni abaawo omutu yesi yeesi kawoola olugulu luno ati, ‘Ttulawo, wesukune mu nyaanja,’ natakanakana mu mwoyo kwaye ne nga afukiirira ati syalomaloma sirikholewa, siri’mukholerwa. ²⁴ Nolwesyo mbawoola nti, nawuli syosi syoosi simusaba mu saala, mufukiirire muuti musifunire, ne khandi siriba syenywe. ²⁵ Manu nimunemeenge mukhusaba, nimunabenge ne’mboosi khu’mutu yeesi, mu mulekherengemo, kho mberi senywe oli mwikulu abalekheremo ebibi byenywe.” ²⁶ ( Ne nimutalekheramo, atta nende Bbaabba wenywe oli mukulu syali balekheramo ebibi byenywe.) Owunyala Wa Yesu Wutebewakho ²⁷ Khandi boola e Yerusalemi, manu Yesu nikali nakenda alwanyi we’nyumba ya Weere, ba khawona aba’khulutu, abekesa bamalako nende abakhulutu be’bikha becha akali. ²⁸ Bamuteeba baati, “Wunyala siina owukhukhosa bino?” “Ne nanu owakhuwa owunyala okhukhola bino?” ²⁹ Manu Yesu kabakowoolamo ati, “Sseesi khambateebe esiteebo sirala. Mungowolemo, seesi khu’mbawoolere yintusa owunyala wunkhosa bino. ³⁰ Okhubatiisa khwa Yokana__ khwatula mwikulu nawo mu’batu? Mungowolemo!” ³¹ Batebana abene nabeene nibawoola baati, “nikhuwoola khuti khwatula mwikulu, anawoole ati, ne siina esyabakaniya okhu’mufukiirira? ³² Ne nikhunaawole khuti, ‘khwatula mu batu’……” (Batya abatu, olwo’okhuba boosi bamanya baati Yokana kali Nnabbi.) ³³ Bakowola mu Yesu bamuwoola baati, “Sikhumanyire.” Yesu kabawola ati, “Siityo seesi sinda’bawoolere owunyala nga niwuli owunkhosa bino.”