¹ Okhuchaka khwenjiri ya Yesu Kurisito, omwana wa Were. ² Nga ni syawandiikiwa mu nnabbi Yisaaya siiti: “Wona, nja okhuntuma wamuwaanda wange mumoni chawo, olitereesa engira yawo;” ³ Ekono lyaye alomalomera amukulu mu sibbarara ati, “Mutereese engira y’Omwami, mukololose engira chaye.” ⁴ . Yokanakeecha, nabatisiranga musibbarara nasomesa okhubatiisiwa khwokhweyolobya,olw’okhulekherwamo ebibi. ⁵ Manu esyalo syoosi esye Wuyudaaya nende abe Yerusalemi boosi boosi batulayo beecha yaali. Kababatiisa mumwaalo kwa Yoludaani, nibatuumbula ebibi byaawe. ⁶ Ne Yokanakambalanga enguwo chowooya we ‘nsukhiri, n’olukhoba olwesero musiwuno syaye, kalyaanga ensike nowuukhi wenjukhi cho’mulukaka. ⁷ Kawuuliranga nawoola ati, “Owiicha enyuma wange nje owuunkhira amaani, ata sinkhoyera okhuguunama nafundukhulula olusiya lwebiraato byaye.” ⁸ Ese mbabatiisa nende amaachi, naye oyo alibabatiisa nende Omwoyo Omwolerefu. ⁹ Awo mundaalo echo, Yesu katula e Nasaaleesi esye Ggaliraaya kaacha okhubatiisiwa nende Yokanamu Yoludaani. ¹⁰ Nga Yesu nikali natula mu maachi, kawona ekulu nirikukhire n’omwoyo naali nga ewuusi namwiikhakho. ¹¹ Manu ekono lyaatula mukulu niriwoola liiti, “Niiwe omwana wange yindakha, yisangaalira lukali.” ¹² Wangu wene Omwoyo kamusindikha mu sibbarara, ¹³ eyo mu sibbarara kamalayo endaalo amakhumi kane, nakhemewa sitaani. Kaaba alala nebisolo byo'mulukaka, nende bamalayika nibamukholera. Okhulangiwa Khwa Abeeki Bamberi ¹⁴ . Olunyuma nibamalire okhuta Yokanamu jera, Yesu keecha e Ggaliraaya, nawuulira emboosi ndayi echa Were. ¹⁵ . Nawoola ati, “Esikha syolire Owen’engo wa Were wusudire, mweyolobye mufukiirire enjiri!” ¹⁶ . Yesu nikali nabita nkhutulo w’enyanja eye Ggaliraaya, kawona Simoni, nende Andereya mwanaaηηina wa Simoni nibasukuna enjero mu nyanja, olwokhuba bali ba’naabi. ¹⁷ . Yesu kabawoola ati, “Mwiiche, munonde, nja okhubakalukhaniya mube abanaabi ba batu.” ¹⁸ . Wangu wene balekha awo enjero chaawe bamulonda. ¹⁹ . Nikasudakho mumoni wutono, kaawona Yakobo omwana wa Sebbedaayo nende Yokanamwanaaηηina bombi bali mulyato, nibonga enjero. ²⁰ . Wangu wene kabalaanga, balekha awo ssaawe Ssebbedaayo nali mulyato nende abo abakholera omusaara, baacha naye. Yesu Keerusya Dayimoni Mubi ²¹ . Yesu nende abeeki baye bengira e Kaperunawunu, ne khu ludaalo lwa sabiiti nilwola, Yesu kengira mu sinaggogi kachaka okhusomesa. ²² . Abatu bawuka olwokhusomesa khwaye, olwokhuba kabasomesa nga nje omwene wunyaala si nga abekesa bamalako. ²³ . Awene awo mu Sinaggogi mwalimo omusacha owalikho dayimoni mubi, kakhumula, ²⁴ nawoola ati, “Otufaambya siina, Yesu owe Nasaaleesi? Wichire okhutusikhirisa? Nkhumanyire ewe, ewe oli mwolerefu wa Were!” ²⁵ . Yesu kamukhamukhira nawoola ati, “Yakamira awo, mutulekho.” ²⁶ . Dayimooni kamumaanyakula kaalira mukono ekali kaamutulakho. ²⁷ . Bosiboosi baawuka khandi bateeba baati, “Siina sino? Okhusomesa khuyaakha! Alagira nende owunyala dayimooni nibamuwulira.” ²⁸ . Wangu wene enfuma yaye niyiswaniya esyalo syosi esyetolooye Ggaliraaya. Yesu Awoniya Bangi ²⁹ Nibatula bati mu Sinagoogi, bacha nende Yakobbo nende Yokanamu nyuumba ya Simoni nende Andereya. ³⁰ . Awene awo masalaaηηene Simoni kali muwuuliri nimulwaye wo’musujja, wangu wene bawoolera Yesu nga lwaali. ³¹ Nolwesyo, kacha yali kamudiira khu mukhono kamusiingisa. Omusuujja kwamuwaakho kachaka okhubakholera. ^{34 32} Engolobe eyo, eryuba nirikwiye, baletera Yesu boosi abalwaye nende abo abalikho dayimooni. ³³ Esiko syoosi syewuusira khu mulyango, 34 manu Yesu kawoniya bangi abali nendwaye chitali nasirala. Khandi kerusya dayimooni bangi, ne sikabakanya okhulomaloma olwokhuba bali bamumanyire. Yesu Asabira Mu sifwo Syo Wekisi ^{37 35} Ne echuli wene, akherema nikhasiirikho, Yesu kasiingira, katula mu nyumba kaacha mu sifwo syowekisi, kasabira eyo. ³⁶ Simoni nende abasye batula okhucha okhumumukonya, 37 ne nibamuwukana, bawuka: bamuwoola baati, “Wuli otula akhukonya!” ³⁸ Yesu kabawoola ati, “Khuche awutu wandi__ khulukongo olwawambi ano__ nkhonyale okhuwuulirirayo yosi. Nje esikirire necha ano.” ³⁹ Manu kakenda mu Ggaliraaya yosi yoosi, nawuulira mu Sinaggogi chawe nga kerusya ba dayimooni. Omusaacha We’bikeenge ⁴⁰ Omusaacha we’bikeenge kecha yaali kamusigamira namwekalikhira namuwoola ati, “Nokanya, onyala okhundabya.” ⁴¹ Nikechuuye okhusasira, Yesu kayira omukhono kwaye kamudiirakho kamuwoola ati, “Ndakha, laba.” ⁴² Awo nawo ebikeenge byamuwaakho kalaba. ⁴³ 43 Kamuchwichwisa lukali awo nawo kamutuma; ⁴⁴ kamuwoola ati, “Wona otawoolerakho omutu yeesi, naye cha weyekese eyiri khawona, oweyo ebyo’khuwona khwawo Musa bikalagira okhuba owujulirwa yibali.” ⁴⁵ Naye katulawo, nachaaka okhusilangirira lukali, no’khusasaaniya emboosi. Esyatulamo, Yesu kali syanyala okhwiingira khandi musiko alafu ne kabanga entulo mu bifwo bikalingimo yeηηene. Ne lwosi abatu bechanga yaali nibatula wosi woosi.