² Wunaanu omusaacha mulema okhutula nikeewulwa kakingiwaanga okhuyiriwa khu mulyango kwe nyumba ya Weere okulangiwa kuuti Omulayi, yibamutaanga wuli ludaalo okhusabirisa okhutula khwaabo abengiraanga mu nyumba ya Weere. ³ Nikawona Petero nende Yokana nibali ambi okhwiingira, kabasaba bamuwe erubbya. ¹ Oludaalo lundi Petero nende Yokana bali bacha mu nyumba ya Weere mubikha byokhusaba esaawa mwenda eche'ngoloobe. ⁴ Petero kamukhadaasa emoni, Yokana yeesi atyo. Ne Petero amala awoola ati, “Tutingaale!” ⁵ Manu omusaacha kabatekeeresa, nga asuubira okhubafunakho esiitu. ⁶ Ne Petero amala awoola ati, “Efeesa oba e Saabbu mbuma, naye khankhuwe siindi nasyo. Muliita lya Yesu kurisito owe Nasaleesi, keenda.” ⁷ Kamusiingisa namudiiye omukhono kwaye omulungi, kamuyeeda asiingire. Wangu wene amakulu ko’musaacha nende ebidyengedye byafuna amaani. ⁸ Katuuma khumakulu kaye kachaaka okhukeenda. Namala acha nabo mu nyumba ya Weere, nakeenda khandi natuumattuma, khandi nakiniya Weere. ⁹ Abatu boosi nibamuwona nakeenda khandi nakiniya Weere, ¹⁰ bamumanyirisa nga nj’e omusaacha omwene ola owekhelaanga amulyango kwe’nyumba ya Weere na’sabirisa okulangiwa Omulayi, manu bechusiwa okhuwuka no’khutya olwe syali nisimwekholekhirekho. Petero Alomalomera Abatiingaasi ¹¹ Omusabirisi nikali nasikhayiye khu Petero nende Yokana, abatu boosi bawuka khandi beecha nibeerukha nibacha yibali mu sifwo esilangiwa esya Sulemaani. ¹² Petero nikawona sinno, kabawoolera ati: “Basaacha ba Yisirayiri, lwasi sinno sibawukya? Lwasi mutwekhalirisa khwaba oti fwana khulwamaani kefwe oba owa were wefwe nje owakira omusaacha ono kakeenda? ¹³ Weere wa Yibbulaimu, Yisaaka nende Yakobo, Weere wa bakuuka yefwe, nje oweresise omukhosi waye Yesu oluyaali. Mwamuwayo okhwiitiwa, mwamwekaana mu’moni cha Pirato, ate nga kali akhengirewo okhumulekhuula. ¹⁴ Mwekaana omwolerefu khandi omulungifu mwene manu mwasaba omwiiti okhulekhuliwa. ¹⁵ Mweeta omuchakirisi wo’wulamu, naye Weere kamusingisa okhutula mubafu. khuli bajjulisi basinno. ¹⁶ Nende enfukiirira mu liita lya Yasu, omulema ono yimuwona khandi yimumanyire kayeresewa amaani. Khandi enfukiirira yaye mu Yesu nje’yikholire omusaacha ono yimuwona kaaba omulamu mwene nga mwesi lumuwona. ¹⁷ Wunaanu, baana befwe, manyire nti mwakholera muwutamanya, nasirala nga abemeresi benywe. ¹⁸ Naye siityo nje Weere lukoseresa bikali nalomalomeeye mu ba nnabbi boosi nawoola ati, Kurisito waye kakhasaande. ¹⁹ Mweyolobye, manu, khandi mukowole eyiri Weere, kho ebibi byenywe binyala okhusanguliwawo, kho ebikha byokhukowola wuyaakha binyale okhutula ewa Weere, ²⁰ . khandi khwanyale okhutuma Kurisito, owangaliwa khu lwenywe__ ata Yesu. ²¹ Atekwa okhusikala mwikkulu okhwoola ebikha lubyakhoole nga Weere nikasuubisa khalekhale nabitira mu ba nnabbi baye abolerefu. ²² Olwokhuba Musa kawoola ati, “Omwami Weere wenywe alibasingisira amukulu nnabbi nga esse okhutula mu batu benywe bene; muteekwa okhutekeresa byoosi byabawoola. ²³ Oyo yeesi otamuekeeresa alikawulirwa erala okhutula khu batu baye.’ ²⁴ “Masima keene, ba nnabbi boosi okhutula khu Samwiiri na’bandi, nga abangi lubabilomaloma, balakula khu'ndaalo chinno.” ²⁵ Khandi muli basikha ba nnabbi khandi abe ndakano ya Weere eyakholewa nende bakuuka yenywe. Kawoolera Yibbulayimu ati, ‘Okhubitira mu lwiwulo lwawo abatu boosi mu syalo baliwewa enkhabi.’ ²⁶ Weere lukasiingisa omukhosi waye, kasookha kamutuma yimuli abawe enkhabi nga’bakalukhaniya syamulala khwinywe okhubatusa mu’ngira chenywe embi.” EBIKHOLWA