¹ Oludaalo lwa pentekoote nilwoola, boosi bali alala nibewusiise mu sifwo sirala. ² Wangu wene ekkono lyaduma nga embunga ya’maani nga yitula mukulu yechula enyumba yibali bekhaayemo. ³ Bawona ebyali nibifwana ng’enimi cho’muliro echakawukhana chamala chakwa khuwuli otula. ⁴ Bosi boosi bechusiwa nende omwoyo omwolerefu bachaaka okhulomaloma mu nnimi chiindi nga omwoyo oyo lukabanyalira. ⁵ Wunaanu mu Yerusalemi mwalimo Abayudaaya abatyanga Weere okhutula mu wuli syalo assi we kkulu. ⁶ Nibawulira ekkono linno, esidiikha syeecha alala nisiwukka, olwokhuba nawuli syamulala babawulira nibalomaloma nawuli otula mu lulimi lwaye. ⁷ Besindukha bawuka lukali, bateeba baati: “Manu abasaacha balomaloma banno boosi si Bagaliraaya? ⁸ Ne wunaanu lwaasi nawuli otula khwiifwe abawulira bibalomaloma mu lulimi lwawe lwene? ⁹ Abapaazi, Abameedi nende Aberamiti; abekhali bo mu Mesopotamiya, wu'Yudaaya nende Kapadokiya, Ponto nende Asiya, ¹⁰ Fulugiya nende Panfuliya, Misiri nende ebitundu bya Libya ambi nende Kuleeno; abakeni okhutula e Romma ¹¹ (Bombi Abayudaaya nende abachusiwa mu Wuyudaaya); Abakulete nende Abarabbu__ khuwulira nibalangirira ebyamakana bya Weere mu nnimi chefwe chene!” ¹² Bawuka khandi bateηηeηηala, batebana abene nabeene baati, “sinno syekesa ssi?” ¹³ Abandi, bafwotekheresa nibawoola baati, “Abo banyweye omwenge mungi.” Petero Alomaloma Eyiri Esidiikhar ¹⁴ Manu Petero keecha keema nende ekhumi namulala, kasiingisa ekkono lyaye kalomalomera esidiikha ati: “Bayudaaya basyange nende enywe mweesi abamenya mu Yerusalemi, khambanyonyole sinno; mutekeerese wulayi bimboola. ¹⁵ Abasaacha banno sibameeye, nga lumubasa. Chiri wusa esaawa chidatu eche chuli! ¹⁶ Bbe, sinno nje esyalomwalomwa nende nnabbi Yoweeri nawoola ati: ¹⁷ “’Mundaalo echisembayo, Weere awoola ati, Nja okhuchukha Omwoyo wange khu batu boosi. Abasyani benywe nende abakhana balilakula, abasyani benywe abasimbukha bacha okhuwonekherwa. Abasaacha bakhuluutu benywe baliroota ebirooto. ¹⁸ Ata nende abakhosi bange wussa, abasaacha nabakhasi, nja okhuchukha omwoyo wange mundaalo echo, manu balilakula. ¹⁹ Ndyekesa obiwukya mwikkulu amukulu nende owuwonero khu’syalo assi, amabaanga no’muliro no’khuniyookha khwo’mwoosi. ²⁰ Eryuuba lyakhakaluukhane esiirema no’mwesi kwaba amabaanga oludaalo lwo’Mwami olwoluyaali nilutoola. ²¹ Ne nawuli olaanga eriita lyo mwami aliwonesewa4. ²² “Basaacha ba Yisirayiri, mutekerese sinno; Yesu owe Nasaleesi kali musaacha owatumiwa ni Weere yimuli nende ebyamangalima, ebiwukya nende owuwonero, Weere bikakhola akaati mwiinywe namubitiramo, nga enywe abene lumumanyire. ²³ Omusaacha ono kabayeresewa nende entekekha ya Weere ne’sichiiririrwa no’khumanya; nanywe, nimuyeedewa nende abatu babi, mwamwiita ni mumukhomerera khu musalabba. ²⁴ Naye Weere kamusiingisa okhutula mubaffu, kaamuwolola muwuchuuni wokhufwa, olwokhuba sisyali sinyalikha okhufwa okhumufwinyirira. ²⁵ Daudi kamulomalomakho ati: “’Nawonanga Omwami wuli sikha naali yiindi. Olwokhuba ali khumukhono kwange omulungi, sindidengaanisiwa. ²⁶ N'olwesyo omwoyo kwange musangaafu khandi olulimi lwange lwekhoya; no’mubiri kwange kwoosi kulimenya mu khusuubira. ²⁷ Olwokhuba syolindekha okhucha emakoombe, khandi syolirekha omwolerefu wawo kaawona okhuwola. ²⁸ Wumanyisiise otukira two’wulamu; olinjichusa esangaalo yuuli.” ²⁹ “Baana befwe, nyala okhubawoolera nintatya nti, kuuka yefwe Daudi kafwa khandi bamusiikha nende enηηani yaye yiri ano nokhwola wunaanu. ³⁰ Naye kali nabbi khandi kamanya ati Weere kali amusubisiise esirayiro ati aliikhasa mulala khu bechukhulu baye khusisaala syaye syo’wutukki. ³¹ Nikawona ebyali emutwe, kalomaloma khukhusyuukhira khwa Kurisito, ati khaba sikalekhewa emakoombe, ata no’mubiri kwaye sikuliwona okhuwola. ³² Weere asingissise Yesu Onno kamuta mu wulamu, khandi khuli bajjulisi bamasima. ³³ Kekhasiiwe khumukhono mulungi kwa Weere, afunire omwoyo mwolerefu okhutula eyiri Bbabba kukasuubisa khandi achukhire erwanyi bimuwona wunaanu khandi bimuwulira. ³⁴ Olwokhuba Daudi sikaniina mwikulu, asyakhaba mbo kawoola ati, “’Omwami kawoolera omwami wange ati: “yiikhala khumukhono kwange omulungi ³⁵ Okhwosa lundikhola abasikku bawo okhuba esiteeni syokhutakho amakulu kawo.’” ³⁶ “Nolwesyo Yisirayiri yoosi khayoomiise sinno: Weere akholire Yesu Onno, yimwakhomerera, okhuba Omwami khandi Kurisito.” ³⁷ Abatu nibawulira sinno, bachuunwa omwoyo bawoola Petero nende abatume bandi baati, “Baana befwe khunakhole ssi?” ³⁸ Petero kakowolamo ati, “Mweyolobye manu mubatiisiwe, wuli mulala khwiinywe, mu liita lya Yesu Kurisito khulwokhulekherwamo ebibi byenywe. Khandi mulifuna esiwaanwa esyo’mwoyo omwolerefu. ³⁹ Esisubiso sye’nywe nende abaana benywe nende boosi abali aleeyi weene __ olwokhuba boosi omwami Weere wefwe baliraanga.” ⁴⁰ Ne’mboosi chiindi nyiingi kabalawula; lundi kabekalikhira nawoola ati, “Mwewoniye abene okhutula mu lusse luno olwanyasikha!! ⁴¹ Abo abafukiirira owubakha waye babatiisiwa, khandi ambi elifu chidatu bemeeda khu wungi wawe khuludaalo olwo. Okhukholera Alala Khwa Bafukiirira ⁴² Bomiirira khunjekesa ya batume nende okhukholera alala, okhukhalakaanga omugaati nende okhusaba. ⁴³ Wuli otula keechula owuti, khandi ebiwukisya nende owuwonero wa mayiya byakholewa nende abatume. ⁴⁴ Abafukiirira boosi bali alala khandi nga nawuli sibakhola sifwanana. ⁴⁵ Bakusaanga bibaliingi nabyo ne’biitu, bawanga nawuli otula nga owetaffu waye niwaliingi. ⁴⁶ Wuli ludaalo bachanakanaanga okhuwukananira alala mu nyumba ya Weere. Bakhenganga emigaati mu madaala kawe khandi bachiraanga alala no’wusangaafu ne’myoyo mirala, ⁴⁷ nibakiniyaanga Weere no’khusangaalira okhudakha khwa batu. Manu Omwami kameedanga khuwungi wa bafukiiriraanga wuli ludaalo. EBIKHOLWA