¹ Nisyakhengewawo siiti khunyala khwacha khu lyaato mu’Yitale, Paulo nabasibe bandi badisiwa khu mukhuluutu wa basirikale emya olangiwa Yuliyo, owali mulala khu yee lyo’wami. ² Khwaniina mu Meeri eyitula Adulamutiyo eyali niyiwawo okhucha mubikobo khuntulo we Nyanja mu syalo sya Asiya, khwacha olukendo khunyanja. Alisutaluko, e Makedoni okhutula e Ssessalonika, kali nafwe. ³ Oludaalo lulondakho khwakoba e Sidoni; nende Yuliyo, nesisa eyiri Paulo, kamufukiirira okhuchakho eyiri abeecha baye banyale okhumuwakho bikali nawuma. ⁴ Okhutula awo khweta khu lukendo mu maachi khandi khwola mukhondo ya Kupulo khulwokhuba omuyaka kwali kutula yikhucha. ⁵ Nikhwali khumalire okhubita mu Nyanja yebakaaye nikhukhalakanisye Kirukiya nende Pafuliya khusikobo, khwakoba Mula eyiri mu Lukiya. ⁶ Awo omukhongo wa maye kakaana e meeri ya Alekesandareya eyali niyicha Yitaliiya batuta khu Meeri eyo. ⁷ Khwacha kaala emutwe endaalo nyinji khwali n’ebidinyu bingi okhukoba Kunido. Embewo sichafukiirira okhuchira khungira nungifu, khwakoba khu sikobo sye’khondo eya Kulete, eyewunjire Salumone. ⁸ Khwakendera khu ntulo wenyanja mu wudinyu khwola mu sifwo sirangiwa esikobero silayi ambi ne’sikko sya Lasaya. ⁹ Ebikha bingi bikhwakosya, no khuba khu maachi khwaba khwakhabi nga khutisya khuba ne’bikha ebyo byali bibitire ebyo’khusiiba. Sakira Paulo koola kabalawula ati, ¹⁰ “Basaacha enywe, nsiwona olukendo lwefwe lwo’khwononokha lunaleete okhufirwa khungi enameeri ne’mikkuku, nende khuwulamu wefwe abene fesi. ¹¹ Ne omusirikale mukhuluutu wemya wolukendo esifwo syokhutekeresa Paulo bikali nalomaloma, ye kalonda khungeraka yo mufuki we meeri no’mwene meeri. ¹² Khuba emeeri achikoba si ali alayi lukali mu bikha bye’ttocho, abakhira owungi khwachanakana no’lukendo, nibagenderera okhwola Foyiniki nende embewo eyo. Sinno sifwo syali Kulete nga syewunja emakulu ambi ewukwa lyuba nende emukulu yewukwa lyuba. Enfwinda ¹³ Embewo chitula emakulu nga chifuuta kaala, babaasa baati bakaanire sibali nibadakha; beesa enanga mumaachi nibakherengeta kala khu sikoobo sye Kulete. ¹⁴ Ebikha sibyabitawo, embunga eya’maani, eyilangiwa yiiti “wuyanja” yeeyera assi nga yitula khu sisinga. ¹⁵ Emeeri yadiriwa ne’mbunga yamaani nga si sisinyalikha okhubita mu mbunga eyo; manu khwayikulira yatuyoola yatuyira. ¹⁶ Nga lukhwabita mu khondo ya khasinga khatono khabalanga Kawuda, nga sikhusinyala okhwingira mu lyaato lyo khutuwoniya owulamu. ¹⁷ Nabasaacha nibakesakho okhukhesera khuntulo we meeri, nga babisya emikoye assi we meeri eyene yibe nga yidiriwa alala. Nga batya baati banakudiwe khu bichuma byali assi wa Suluti, besa ebitu assi ebyali amukulu wemeeri bacha ne’mbunga. ¹⁸ Khwafuna okhukhubbiwa khwa’maani okhwe’nfwinda nti oludaalo lulondakho bachaaka okhusukuna emikkuku mu maachi. ¹⁹ Khu ludaalo olwokhudatu, basukuna ebitu bye meeri mu maachi namakhono kawe abene. ²⁰ Ni awumawo omubasu ata eηηiniηηini echawonekhana endaalo chabitawo nyingi ne’mbunga yachanakana okhuwuucha, munjakamo khwawamo esuubi yo’khuwona. ²¹ Abasaacha olunyuma lwokhubawo nibawumakho esyokhulya olwe mbaka endeeyi, Paulo kasiingira khumakulu emutwe wawe kaamala kabawoolera ati: “Basaacha enywe, muba mwawulira okhukeraka khwange okhutachanakana nolukendo okhutula e Kulete; mwakhewonisye mwabeene okhwononokherwa no’khufwirwa. ²² Ne wunaanu mbakhubirisa okhuba bagumu, olwokhuba awuma ata mulala khwinywe onakote, okhutusakho emeeri yicha okhwononewa. ²³ Esiro sibitire malayika wa Weere oli nange khandi yimberesa kema nange ²⁴ kawoola ati, ‘otatya, Paulo. Otekwa okhugumira okhukesewakho mumoni cha Kayisali; ne khu lwesisa singi Weere okhuweye owulamu wa batu bosi boosi bokendire nabo mu meeri.’ ²⁵ Sakira musikale no’wugumu, basaacha enywe, khuba ndi nenfukiirira mu Weere nti sinakholekhane nga lukamboolera. ²⁶ Nende siri siityo, khutekwa okhwirukha khwole khulukongo lwa khasinga khandi.” Okhukhalichikha Khwe Meeri ²⁷ Esiro sye’khumi nabine khwali khu siyiriwa oluwande lundi olwenyanja ya Aduliya, ambi akati wesiro abali khu meeri bacha okhuwunyirisa nibolerera khu lukongo. ²⁸ Bawukula esiipimo bawukaana amaachi nga kali efuti 120 okhucha assi. Ebikha bitono nibibitirewo bawukula esiipimo khandi bakera bawukaana amaachi nga kali efuti 90 okhucha assi. ²⁹ Mukhutya khuti khunasukuniwe khu makina, basukuna enanga chinne assi we meeri khwasaba wukhye. ³⁰ Mukhukesakho khwirukhe mu meeri, abali khu meeri besa eryato lyo’wulamu mu maachi, nibefwanirisa nga abanese enanga okhutula mu numa. ³¹ Awo, Paulo kawolera omusirikale wemya nabasirikale ati, “Okhutusakho nga basaacha basikala ne meeri, simunanyale okhuwona.” ³² Sakira abasirikale bakhenga emikoye chali chidiye eryato balirekha lyakwayo. ³³ Owire niwali wusa ambi okhukhya Paulo kabakhubbirisa boosi balyekho. “Khuba endaalo ekhumi na chinne chali chibitire, nabawolera ati,” “Mubeye mukhutenga nimwewanikhire emyoyo khandi nga simulya__ mutalyakho syosi syoosi. ³⁴ Wunanu mbakhubbirisa okhulyakho esitu. Sidakhiwa khu mu beewo. Si ali ata mulala khwinywe onafwirwe ata akhafwiri khumutwe kwaye.” ³⁵ Nikamala wusa okhulomaloma sinno, kawukula kho khumugaati kebasa Weere mumoni chawe boosi. Awo kakukhalaka kachaaka okhulya. ³⁶ Boosi bafuna amaani balyakho abeene. ³⁷ Nende nikhwali 276 feesi khu meeri. ³⁸ Nibali bakhamala okhulya wuli otula nga lukali nadakha, banguyisa emeeri nga basukuna emwo mu maachi. ³⁹ Ne eryuba niryatula, sibamanyirisa olukongo, naye bawona eroba lyo’lusenye lyasondokherera mu Nyanja, bakesakho emeeri yikobe awene awo nisinyalikha. ⁴⁰ Becha bakhalaka enanga, chakwa munyanja mubikha byene ebyo, bakhalaka nemikoye echidiira emitalimbwa. Basingisa oluwande lwetanga olwe’mutwe, bacha khu sikobo esyo. ⁴¹ Ne emeeri yatomera khu mugiggo kwo’musenye yadikhanamo. Engasi yawanda yaloba okhukalukhana, omutwe kwosi kwawukhanamo otutundutundu khulwamaani ke’nfwinda. ⁴² Abasirikale batekekha okhwitta abawowe okhubakayira okhwesoga beyibe. ⁴³ Ne omukhongo weeye emya kadakha okhuwoniya owulamu wa Paulo kecha kabakayira okhwoseresa entekekha yawe. Kalagira abali nibanyala okhusoga okhutuumira mu maachi mberi boole khu lukongo. ⁴⁴ Abadoηηire beddira khu bibajjo ne bitundu byembawo abyakhalikha khu meeri. Mu ngira yino wuli otula kola khulukongo awuma wudinyu. EBIKHOLWA