¹ Musitawo syange esyasookha, Teefwiro, nawandiika khu’byoosi Yesu bikatangira okhukhola n'okhusomesa ² okhwoosa khuludaalo lukayiriwa mwikkulu, namalire okhuwa ebiragiro okhubita mumwoyo mwolerefu eyiri abatume bakali nikangaaye. ³ Okhuwonawona khwaye nikhuweeye, keyekesa omwene eyiri abatu banno kabawa bingi ebyomiisa biiti kali mulamu. Kawonekha yibali olwembaka eyikhira endaalo amakhumi kanne lundi kalomaloma khu wene’ngo wa Weere. ⁴ Ekhabi liindi, nikali naalya nabo, kabawa esiragiro sinno: “Mutatula mu Yerusaalemi, ne mulinde esirawo Bbaabba sikasuubisa, simuwuliiye esse ninomalomakho. ⁵ Olwokhuba Yokana kabatiisa nende amaachi, naye mu ndaalo chitaasi cheyale mucha okhubatiisiwa no’mwoyo omwolerefu.” ⁶ Ne wunaanu nibawukanana, bamuteeba baati, “Omwami, mu sikha sinno ocha okhukowosawo owene’ngo wa Yisirayiri?” ⁷ Kabawoola ati: “Sisyenywe okhumanya ebikha oba endaalo Bbaabba chikatawo no’wunyala waye omwene. ⁸ Naye mulifuna amaani omwoyo mwolerefu nabechirekho; khandi muliba bajjulisi bange mu Yerusaalemi, nende mu wu'Yudaaya nende Samaliya nende khu njakamo ye syalo.” ⁹ Nikamala okhulomaloma sinno, kayiriwa amukulu nibawona ne’moni chawe chene, ne esireesi simukisa akhaya okhuwonekha yibali. ¹⁰ Nibali nibasikhadasise emoni mu bbanga nga nikali naacha, wangu wene abasaacha babiri nibambaye ebirafu beema ambi nabo. ¹¹ Bawoola baati, “Basaacha be Galiraaya, “Lwasiina mwemire anno nimutingaala mu bbanga? Yesu mwene onno, obatusiiwekho kacha mwikkulu, alikowola mungeri nasirala yi’mwamuwoneramo nacha mwikkulu.” Matiya Adoolewa Okhukowola Mu Sifwo Sya Yuda ¹² Abatume beecha baakowola mu Yerusalemi nibatula khu luggulu lulangiwa olwa Seyituuni, olukendo lwe Ssabbiiti enaamba okhutula mu sikko. ¹³ Niboola, bacha amukulu mu sisenge yibamenyanga. Abaliwo nje banno, Petero, Yokana, Yakobo nende Andereya; Firipo nende Tomasi, Batulomaayo nende Matayo; Yakobo omusyani wa Alufaayo nende Simoni Zerote, nende Yuda omusyani wa Yakobo. ¹⁴ Boosi bewusira alala mu khusaba, nende abakhasi nende malyamu ηηina Yesu, nende bambochooηηene. ¹⁵ Mundaalo echo Petero keema mu bafukiirisi (esidiikha esyola ambi emya nende amakhumi kabiri) ¹⁶ kawoola ati, “Baana befwe, ebyawandiikiwa byali no’khwoseresewa omwoyo omwolerefu bikalomaloma khale nabitira mu munwa kwa Daudi okhudiirana khu Yuda, owakhola nga omutangirisi wabo abadiira Yesu__ ¹⁷ Khandi kali mulala khwiifwe khandi kakabana alala naafwe muwuweeresa wunno.” ¹⁸ (Esiwanwa sikafuna olwesikholwa syaye sibi, Yuda kakula endalo; eyo kakwiira omutwe, omubiri kwaye kwadikha manu amala kaye kayombookha erwanyi. ¹⁹ Wuli mutu mu Yerusalemi kawulira sinno, manu endalo eyo bayilanga mu lulimi lwawe baati, “Akerudama, amakhuluutu mbo, Endalo ya mabaanga.) ²⁰ Petero kawoola ati, “Olwokhuba, syawandiikiwa mu sitawo sya sabbuli siiti, “’Esifwo syaye sirekhewa nga ekuunda; akhaye khubawo yeesi omenyamo,’ khandi, “’abewo owundi oyira esifwo syaye esyo’wemeresi.’ ²¹ N'olwesyo sikhoyera okhudoola mu basaacha ababeeye nafwe ebikha byoosi Omwami Yesu bikengira no’khutula mwiifwe, ²² Okhuchaakira khu khubatiisa khwa Yokana okhwoola khu bikha Yesu bikatutusiwakho naacha amukkulu. Olwokhuba mulala khubano ateekwa okhuba omujjulisi alala nafwe khu khusyuukhira khwaye.” ²³ Manu babaasa khu batu babiri: Yosefu olangiwa Balusaba (khandi nga alangiwa Yusito) nende Matiya. ²⁴ Manu basaba baati, “Omwami omanyire omwoyo kwawuli mutu. Twekese naanu khu babiri banno yudooye. ²⁵ Okhuyira owuweeresa wowutume Yuda wukalekha okhucha yakhoyera.” ²⁶ Manu beecha bakhubba owululu, akhalulu khakwa khu Matiya; manu kabalirwa khubatume ekhumi na’mulala. EBIKHOLWA