¹ Mu masima siwolewa siiti aliwo owudaamba mwiinywe,ata no’wutakanikha mu batu batamanyire Weere: Omutu aba no’mukhasi wa simwana. ² Khandi nomala weniniya! Si mwakhabeye no’khwesindukhakho mwaba no’wuchuuni mwawukula omutu ngo’yo mwamutusa mu wulala wenywe? ³ Nende sindi nanywe awo mu mubiri, ni ndi nanywe mu mwoyo. Ne khandi malire no’khukhenga omusango khu owakhola sino, oti fana mbeyewo omwene. ⁴ . Nimuba nimwewusise alala mu liita lyo’mwami wefwe Yesu ni ndi nanywe mu mwoyo, khandi mu maani ko’mwami wefwe Yesu aba aliwo, ⁵ . Mu muweyo omutu ngono eyiri Setani, kho esikholwa sye’sibi syo’mubiri sinyale okhusikhirisiwa khandi omwoyo kunyale okhuwonesewa khu ludaalo lwo’mwami. ⁶ . Okhwepakha khwenywe sikhulayi. Simumanyire muuti otumera tutono tubita mu muwuumbo kwo’wusye wubakhe muntamu yoosi? ⁷ . Mwetusekho amamera makhale mube owusye wukande wuyakha owuwumakho emmera__ amasima nga enywe lumuli.Olwokhuba Kurisito, ekhakondi khefe akhokhubitakho, khamala okhuwewayo. ⁸ . Nolwesyo mulekhe khulinde omuyumo, nikhutali ne’mmera khale, emmera lye’tiima no’wubi, naye nende omuggati okutalimo amamera, omuggati kwo’khwesikana na’masima. ⁹ . Mbawandiikiye mu baruwa yange okhutakholera alala nende abatu abadaamba na’besifaabi__ ¹⁰ . No’khukhirisisa abatu bo’mufuto abe’syalo abadaamba, obo’muluulu, abanyaka, abe’misambwa. Mungira chifana chityo syakhabakholeye okhutula mu syalo sino. ¹¹ . Naye wunanu mbawandikira mukhaye okhukholagana no’mutu yeesi oweranga mwana wenywe ne akhola owudaamba oba wo’mulalukho, owemisambwa, munyaka, oba omumeesi. Omutu ngoyo mutalyanga ata naye. ¹² . Syamagoba sinna yiindi ninkhengera abali erwanyi we’kanisa? Simukhengera abo abali mukati? ¹³ . Weere alikhengera abo abali erwanyi. “Mwirusye omutu wembi yeesi ngoyo akati wenye.”