¹ Esse nga luneecha yimuli, baana befwe, sineecha ninyala okhulomaloma birayi oba na’makesi kakhirakho nga lu nawuulira yimuli owujjulisi khu Weere. ² Nakhengawo okhutamanya esitu syosi syoosi nimenyire nanywe okhutusakho Yesu Kurisito khandi oyo owakhomererwa. ³ Neecha yimuli mu wukata no’khutya, khandi nintengerekha lukali. ⁴ Owubakha wange nende okhuwuulira khwange sikhwali namakesi khandi no’lulimi luli nemboosi chikhobya, ne chali nebikholwa bya maani ko’Mwoyo, ⁵ kho enfukiirira yenywe yinyale okhutesiira khu makesi ko’wutu, naye khu maani ka Weere. Amakesi katula khu Mwoyo. ⁶ Ata nibiba biityo, effwe khukhola, khwalomaloma owubakha owa makesi mu bakhuluutu, ne si mumakesi kabatu be ndaalo chinno, oba abatukki be ndaalo chinno, abeecha okhuwumayo. ⁷ Khaba, khulomaloma khu makesi ka Weere ake’syaama, amakesi ako akakisiwa khandi Weere mwene ka katawo ngakatekekhera oluyaali lwefwe esyalo nisitabaawo. ⁸ Awumawo khubatukki bo luse lunno abalumanya, khuba baba basimanya, sibakhakhomereye Omwami wo’luyaali. ⁹ Ata biityo, nga lusyawandiikiwa siiti: “Awuma emoni yiwene, awuma okhutwi khuwuliiye, awuma ebibaaso ebingisa Weere byatekekheye abo abamudakha.”__ ¹⁰ Ne Weere kamala okhusituwikhulirakho okhubitira mu Mwoyo. Omwoyo kwene kukonyeresa wuli situla, ata nende ebitategerekhekha bya Weere. ¹¹ Ni naanu mu batu omanyire ebibaaso byo’mutu okhutusakho syoηηene Omwoyo kwo’mutu oyo okumulimo? Mu ngira nasirala awumawo omutu yeesi omanyire ebibaaso bya Weere okhutusakho omwoyo wa Weere. ¹² Si khwafuna Omwoyo we’syalo ne Mwoyo otula eyiri Weere, khukhunyale okhutegeera sira Weere syatuweye wussa. ¹³ Sinno nje si khulomaloma, si mu mboosi chikhwa’somesewa namakesi ko’wutu mu’mboosi chi khwasomesewa no’Mwoyo, nikwekesa owutuufu wo’Mwoyo mu mboosi cho’Mwoyo, ¹⁴ omutu owuma Omwoyo syafukiiriranga bitu bitula mu Mwoyo wa Weere, khuba bya wusirusiru yaali, khandi syanyala kabitegeera, olwokhuba biwikhuliwa no’Mwoyo kwoηηene. ¹⁵ Omutu wo’Mwoyo ali namakesi kakhengawo mu bitu byoosi, ne yee omwene syanyala kakerakirwa no’mutu yeesi: ¹⁶ “Olwokhuba naanu omanyire ebibaaso byo’Mwami khwanyale okhumukerakira?” Ne’fwe khuli nende ebibaaso bya Kurisito.