¹ Wunanu ebidiira khu khusolosera abaatu ba Weere: Mukhole nga lunawoolera abaatu ba makanisa ka ba’Galatiya. ² Khuludaalo lwamberi mu wuli juma, wuli mulala khwinywe atenge khuntulo erubya nabiikha okhwema khunyingisa yaye, nabiikha, ninicha awumengewo okhusolosa khukholewa. ³ Awo, ninola, nicha okhuwa amabbaruwa ko’khwanjula abo bamuba mukhakhasise no’khubatuma nebiwanwa byenywe e Yerusalemi. ⁴ Nisiba sidakhiwa sesi okhucha, banamberekesengekho. Okhusaba Khwa Nawuli Mulala ⁵ Nimalire ntyo ni mbitira mu Makedoniya, nakheche yimuli__ khulwo khuba njo’khuba nga nja okhutulira mu Makedoniya. ⁶ Fwana nakhabekho nanywe wutono, oba namalakho ettocho, khu nisinyalikha mwanjedakho khu lukendo lwange, wosi woosi amba ninja. ⁷ Sindakha okhubawona wunanu okhutusakho okhubawonakho mabita; okhubakho nanywe embaka yiyera, Omwaami naba nakanyire. ⁸ Ne njo’khubawo mu Efeeso okhwoola khu Pentekoti, ⁹ olwokhuba olwiki lukhongo olwe’mirimo mirayi lweyikuye yindi, khandi baliyo bangi abambinganiya. ¹⁰ Nisiba mbo Temisewo kecha, mukhole esinyalikha ataba n’okhutya nali nanywe, khuba ali okhukhola omulimo kwO’mwami, nga sesi lundi. ¹¹ Awumewo yeesi, olwo, onyala okhumukaana. Mu musewule keche yindi mu mirembe. Ndi okhumusuubira okhwicha nabafukirira. ¹² Wunanu ebidiira khu mwana befwe Apollo: namukhubirisa lukali okhwicha yimuli nabafukirira. Kali simwetekefu okhwicha wunanu, ne kecha okhwicha naba nafunire embaka. ¹³ Mwerinde; mwomiire munfukirira; mube batu bagumu; mube ba’maani. ¹⁴ Mukhole wuli situla mu khudakha. ¹⁵ Mumanyire muuti enyumba ya Sitefano nje eyasokha okhukalukhanisiwa mu Asiya, manu bamala bewayo muwuweresa wa’bolerefu. Mbakhubirisa, baana befwe, ¹⁶ okhwewaayo mu cho nga bano nende eyiri nawuli mutu begatakho okhukhola, no’khukhalabana mucho. ¹⁷ Nali musangafu khu Sitefano, Folutunaato, nende Akayiko olwo’khwola, khulwokhuba bamalire okhuleeta ebyali nibitolereye okhutula yimuli. ¹⁸ Khuba mwajoηηolosa omwoyo kwange no’kwenywe kwosi. Abatu bembya echo bakhoyera okhusimiwanga. Amakheeso Kasembayo. ¹⁹ Amakanisa akali mu situndu sya Asiya kabatumira amakheeso. Akwiila nende Purisilla babakheesa lukali mu mwami, ne kanisa eyiwukananira mu nyumba yawe. ²⁰ Ba mwanawama boosi ano babosakho amakheeso. Mukhesaniye ni mukwichana mu birifu mu wolerefu. ²¹ Esse Paulo, mbandiika amakheeso kano mu mukhono kwange. ²² Ni abawo omutu otadakha Weere__ esikholimo simubekho. Yicha, oh Omwami! ²³ Essisa syo’Mwami Yesu sibe ninanywe. ²⁴ Okhudakha khwange khube ni nanywe mweesi mu Kurisito Yesu. Amina.