¹ Khuba si nakhadakhire enywe mube nga abatamanyire amasima, baana befwe, khuuti bakuka yefwe boosi bali assi wesiresi khandi boosi babitta mu kuyanja. ² . Boosi babatisiwa mu Musa musiresi nende mu kuyanja. ³ Boosi balya emmere yo’mwoyo ⁴ khandi banywa esinywewa nasirala esyo’mwoyo; khuba banywa okhutula mu lwanda lwo’mwoyo olwacha nabo, ne olwanda olwo kali Kurisito. ⁵ . Nende syali siityo, Weere sikali musangafu nabakhira owungi khubo; emibiri chawe chasalanisiwa woosi khusibarara. ⁶ . Wunanu ebitu binno byakholekhana nga ebyokhuwonerakho bitekekhe emyoyo chefwe okhutaba mu bitu bibi nga bo lu bakholanga. ⁷ . Mutaba abenamira emisambwa, nga bandi khubo lubali; nga lu syawandikiiwa siiti: “Abatu bekhala assi okhulya no’khuηηwa khandi basingira bekhola abatu batamanyire Weere bibakhola.” ⁸ . Sikhukhoyire khukhole owudaamba, nga bandi lubakholanga__ khandi mu ludaalo lulala abatu emitwalo chibiri nelifu chidatu bafwa. ⁹ . Sikhukhoyire khute omwami musikhemo, nga abandi lu basikholanga__ bamala betewa nenjokha. ¹⁰ . Mutemulugunya, nga abandi lubakholanga__ bamala betewa nende malayika osikhirisa. ¹¹ . Bino bitu byabekholekhakho nge’byokhuwonerakho khandi byawandikiiwa assi nga ebyokhutulawula, khwifwe okhwoseresa omulembe kuno bakwoleyekho. ¹² . Khuba, nisiba mbo mubaasa muuti muli bagumu, mwerinde mutakwa! ¹³ . Awuma esikhemo esibadiira okhutusakho ebikhemo ebyo’mutu ebyawuli wukhya. Naye Weere wa masima; sya’libalekha mwakhemewa okhukhira amaani kenywe akakama. Naye nimuba mukhemeewe, kecha okhutawo engira yo’khutula mu bikhemo ebyo no’khwesimiriisa.” Emiyumo che’bilongalongwe Ne’syengolobe Syo’Mwami. ¹⁴ . Nolwesyo, becha bange, mwewale ebilongalongwe. ¹⁵ . Nomalomera abatu bakesi; mwekhengere mwabeene khu bimboola. ¹⁶ . Sisiri mbo esikombe syo’khwebasa esikiranga khwebasa esikholwa sikhwoseresanga mu mabanga ka Kurisito? Nende omuggati kukhukhalakanga kwosi khukukhalaka nikhwoseresa mu mubiri kwa Kurisito? ¹⁷ . Khulwo khuba aliwo omuggati mulala, effwe, abali abangi, khuli mubiri mulala, khuba fwesi khulya omuggati mulala okwo. ¹⁸ . Mubaase khu batu ba Yisirayiri: sinje abo wusa abalya ebiwewayo abakhola khu alutari? ¹⁹ . Ni wunanu nekesa mbo emmere yiweresewa ebilongalongwe oba esilongalonge, siba situ syoosi oba esilongalonge situ? ²⁰ . Khaba, ne ebiwewayo bya bakafwiri bayeresa emisambwa, ne si Weere, khaba sindakha mukholere alala ne’misambwa. ²¹ . Simunyala khuηηwa khu sikombe syO’mwami nende esye’misambwa syosi; sunyala khulya mesa chombi eyO’mwami nende khu ye’misambwa. ²² . Okesakho okusingisa embalikha yo’mwami? Efwe khumukhira amaani? “Edembe eryo’wafukirira. ²³ . “Wuli situ sifukirirwa”__ ni siwuli situla siba syo’mugaso. “Wuli situ sifukirirwa”__ ni siwuli situla syombakha. ²⁴ . Awumewo omutu owekonyera ebirayi khulwaye, ne ebirayi akonyerenge abandi. ²⁶ Okhuba, ‘‘Esyalo syo’mwami, nende wuli si sirimo.” ²⁵ . Lya syoosi esikusiwa mu bbucha atali khukanakana mu myoyo chenywe, ²⁷ . Ni abawo balala khubataffukirira babalanga ewawe, “khu sideru ni mwadakha okhucha, lya wuli sibaba nibakhuweye atali okhwetebaniya mu mwoyo kwawo. ²⁹ olwo’wulayi wo’mwoyo kwola, sinekesa, olwo kwenywe khulwokhuba, lwasina edembe lyange li khengerwa no’mutu wundi kakeraka khu khumanya khwange? ²⁸ . Ne ni abawo omutu yeesi okhuwoola ati, “Bino babeye babiyeye emisambwa,” awene awo otalya, khu lwe’mboosi chibiri olwo’oyo olomalomire esyo no’lwo wulayi we’myoyo chenywe__ ³⁰ . Nimba mulala khubalya nokhwebasa, lwasi nangirirwa khu lwo’khwebasa Weere khu lwesyo sindiiye? ³¹ . Nolwesyo, oba olya oba onywa oba syosi syoosi syukhola, sikhole syoosi khulwo’luyaali lwa Weere. ³² . Otaletera omutu yeesi okhwekumula babe aba’Yudaaya, oba aba’Yonaani oba abe’nyumba ya Weere__ ³³ . Ata nende lungesakho okhusangasa wuli otula mu ngeri choosi. Khuba sindi khukonya ebirayi khu lwange ne’olwo wulayi wa abangi, khu banyale okhuwonesewa.