¹ Amagezi tegatumulira waigulu N'okutegeera tekuleeta eidoboozi lyakwo? ² Enguudo we gisibuka mu ngira Mu masaŋangira we gemerera; ³ Ku mbali g'emiryango awayingirirwa mu kibuga, Abantu we bayingirira awali enjigi gatumulira waigulu: ⁴ Imwe abasaiza, mbakoowoola; N'eidoboozi lyange liri eri abaana b'abantu. ⁵ imwe ababula magezi, mutegeerenga obukabakaba; Naimwe, abasirusiru, mubbenga n'omwoyo ogutegeera. ⁶ Muwulire, kubanga natumwire ebigambo ebisa einu; N'okwasama emumwa gwange kwavaamu eby'ensonga. ⁷ Kubanga omunwa gwange gwatumula eby'amazima; N'obubbiibi bwa muzizo eri omomwa gwange. ⁸ Ebigambo byonabona eby'omu munmwa gwange biri mu butuukirivu; Mu ebyo mubula kintu ekikyamakyama waire ekyenyoire. ⁹ Byonabyona byangu eri oyo ategeera, Era bye nsonga eri abo ababona okumanya. ¹⁰ Mwikirirye okwegeresya kwange so ti feeza; N'okumanya okusinga zaabu enonde. ¹¹ Kubanga amagezi gasinga amabbaale amatwakaali; N'ebintu byonabona ebisoboka okwegombebwa tebyekankanyizibwa nago. ¹² Nze amagezi nfwire obukabakaba okubba enyumba yange Era nsagira okumanya n'okuteesya. ¹³ Okutya Mukama niikwo kukyawa obubbiibi; Amalala n'eisukuti n'engira embiibbi N'omunwa omubambaavu nibyo bye nkyawa. ¹⁴ Okuteesya kwange n'okumanya okutuufu: Nze ndi kutegeera; ndina amaani. ¹⁵ Ku bwange bakabaka bafuga, Abalangira ne bateeka eby'obutuukiruvu. ¹⁶ Ku bwange abalangira bafuga, N'abakungu, abalamuzi bonabona ab'oku nsi: ¹⁷ Ntaka abo abantaka; N’abo abanyiikira okunsagira balimbona. ¹⁸ Obugaiga n’ekitiibwa biri nanze; Niiwo awo, obugaiga obw’enkalakalira n’obutuukirivu. ¹⁹ Ebibala byange bisinga zaabu obusa, Niiwo awo, zaabu ensa; N'amagoba gange gasiinga feeza enonde. ²⁰ Ntambulira mu ngira ey'obutuukirivu, Wakati mu mpenda egy'okusala emisango: ²¹ Kaisi mpe abo abantaka okusikira ebintu, Era ngizulye amawanika gaabwe. ²² Mukama yabbaire nanze engira ye we yasookeire, Okusooka emirimu gye egy'eira. ²³ Nateekeibwewo okuva emirembe n'emirembe, okuva ku luberyeberye, Ensi nga Ekaali kubbaawo. ²⁴ Nga wakaali kubbaawo buliba, nazaaliibwe; Ensulo egizwiire amaizi nga gikaali kubbaawo. ²⁵ Ensozi nga gikaali kuteekebwawo, Nasookere obusozi okuzaalibwa: ²⁶ Iye ng'akaali kutonda ensi waire enimiro, waire enfuufu ey'ensi eyasookere. ²⁷ Bwe yanywezerye eigulu, nze nabbaireyo: Bwe yakulungire amaiso g'obuliba: ²⁸ Bwe yanywezerye eigulu waigulu: Ensulo egy'enyanza bwe gyafuukir egy'amaani: omubbiibi yeetonyeryeku eibala. ²⁹ Bwe yawaire enyanza ensalo yaayo, Amaizi galekenga okusobya ekiragiro kye: Bwe yalambire emisingi gy'ensi: ³⁰ Kale nze nga ndi awo gy'ali ng'omukolya: Era buliijo yansanyukiranga, Nga njagulizya buliijo mu maiso ge; ³¹ Nga nsanyukira ensi ye ebbeerekamu; N'eisanyu lyange lyabbaire n'abaana b'abantu. ³² Kale, baana bange, mumpulirenga: Kubanga balina omukisa abakwata amangira gange. ³³ Muwulirenga okwegeresebwa mubbenga n’amagezi, So temugagaananga. ³⁴ Alina omukisa omuntu ampulira, Ng'atunuulira buliijo ku njigi gyange, Ng'alinda awali emifuubeeto gy'enjigi gyange. ³⁵ Kubanga buli abona nze abona obulamu, Era alifuna okuganja eri Mukama. ³⁶ Naye oyo anyonoona asobya obulamu bwe iye: Bonabona abakyawa nze bataka okufa.