¹ Awo olwatuukire ku lunaku Musa lwe yamaliireku okusimba enyumba, era ng'a malire okugifukaku amafuta n'o kugitukulya, n'e bintu byayo byonabona, n'e kyoto n'e bintu byakyo byonabona, era ng'a malire okubifukaku amafuta n'o kubitukulya; ² awo abakulu ba Isiraeri, emitwe gy'e nyumba gya baitawabwe, ne bawaayo; abo niibo babbaire abakulu b'e bika, abo niibo bafuganga abo abaabaliibwe ³ ni baleeta ekitone kyabwe mu maiso ga Mukama, amagaali amabiikeku mukaaga, n'e nte ikumi na ibiri; egaali erimu lya bakulu babiri ku babiri era Buli mumu ente ni babyanjula mu maiso g'e nyumba. ⁴ Mukama n'a koba Musa nti ⁵ Kitoole gye bali, bibbenga byo kukola omulimu ogw'o kuweererya ogw'o mu weema ey'o kusisinkanirangamu; era wabiwa Abaleevi, buli muntu ng'o kuweererya kwe bwe kuli. ⁶ Musa n'a toola amagaali n'e nte, n'a biwa Abaleevi. ⁷ Amagaali mabiri n'e nte ina bye yawaire bataane ba Gerusoni, ng'o kuweererya kwabwe bwe kwabbaire ⁸ n'a magaali ana n'e nte munaana bye yawaire bataane ba Merali, ng'o kuweererya kwabwe bwe kwabbaire, wansi w'o mukono gwa Isamaali Mutaane wa Alooni kabona. ⁹ Naye bataane ba Kokasi teyabawaireku kubanga okuweererya okw'o mu watukuvu kwabbaire kwabwe; bakusituliranga ku bibega byabwe. ¹⁰ Awo abakulu ni bawaayo olw'o kuwonga ekyoto ku lunaku lwe kyafukirweku amafuta, abakulu ni bawaayo ekirabo kyabwe mu maiso g'e kyoto. ¹¹ Mukama n'a koba Musa nti bawangayo ekitone kyabwe, buli mukulu ku lunaku lwe, olw'okutukulya ekyoto. ¹² N'oyo eyawaireyo ekitone kye ku lunaku olw'o luberyeberye yabbaire Nakusoni Mutaane wa Aminadaabu ow'o mu kika kya Yuda ¹³ n'e kitone kye kyabbaire saani imu ye feeza, obuzito bwayo sekeri kikumi mu asatu, ekibya kimu ekya feeza ekya sekeri nsanvu, nga sekeri ey'o mu watukuvu bw'eri; byombiri nga bizwire obwita obusa obutabwirwemu amafuta okubba ekiweebwayo eky'o bwita; ¹⁴ ekijiiko kimu ekye zaabu ekya sekeri ikumi, ekizwire obubaani; ¹⁵ ente enume envubuka imu, entama enume imu, omwana gw'e ntama omulume gumu ogukaali kumala mwaka gumu, okubba ekiweebwayo ekyokyebwa; ¹⁶ embuli enume imu okubba ekiweebwayo olw'e kiibbiibi; ¹⁷ era okubba sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Nakusoni mutaane wa Aminadaabu ¹⁸ Ku lunaku olw'o kubiri Nesaneri mutaane wa Zuwaali, omukulu wa Isakaali, n'a waayo ¹⁹ yawaireyo okubba ekitone kye esaani imu ey'e feeza, obuzito bwayo sekeri kikumi mu asatu, ekibya kimu ekya feeza ekya sekeri ensanvu, nga sekeri ey'o mu watukuvu bw'eri; byombiri nga bizwiire obwita obusa obutabwirwemu amafuta okuba ekiweebwayo eky'o bwita; ²⁰ ekijiiko kimu eky'e zaabu ekya sekeri ikumi, ekizwire obubaani; ²¹ ente enume envubuka imu, entama enume imu, omwana gw'e ntama omulume gumu ogukaali kumala mwaka gumu, okubba ekiweebwayo ekyokyebwa; ²² embuli enume imu okubba ekiweebwayo olw'e kibbiibi; ²³ era okubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataano abakaali kumala mwaka gumu ekyo niikyo ekyabbaire ekitone kya Nesaneri mutaane wa Zuwaali. ²⁴ Ku lunaku olw'o kusatu Eriyaabu mutaane wa Keroni, omukulu w'a baana ba Zebbulooni n'a waayo ²⁵ ekitone kye kyabbaire saani imu eya feeza, obuzito bwayo sekeri kikumi mu asatu, ekibya kimu eky'e feeza ekya sekeri ensanvu, nga sekeri ey'o mu watukuvu bw'eri; byombiri nga bizwire obwita obusa obutabwirwemu amafuta okubba ekiweebwayo eky'o bwita; ²⁶ ekijiiko kimu eky'e zaabu ekye sekeri ikumi, ekizwire obubaani; ²⁷ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ²⁸ embuli enume imu okubba ekiweebwayo olw'e kibbiibi; ²⁹ era okubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Eriyaabu mutaane wa Keroni. ³⁰ Ku lunaku olw'o kuna Erizuuli mutaane wa Sedewuli, omukulu w'a baana ba Lewubeeni, n'a waayo ³¹ ekitone kye kyabbaire saani imu eya feeza, obuzito bwayo sekeri kikumi mu asatu, ekibya kimu eky'e feeza ekya sekeri ensanvu, nga sekeri ey'o mu watukuvu bw'eri byombiri nga bizwire obwita obusa obutabwirwemu amafuta okubba ekiweebwayo eky'o bwita; ³² ekijiiko kimu eky'e zaabu ekya sekeri ikumi, ekizwire obubaani; ³³ ente evubuka imu, entama enume imu, omwana gw'e ntama omulume gumu ogukaali kumala mwaka gumu, okubba ekiweebwayo ekyokyebwa; ³⁴ embuli enume imu okubba ekiweebwayo olw'e kibbiibi; ³⁵ era okubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Erizuuli mutaane wa Sedewuli. ³⁶ Ku lunaku olw'o kutaanu Serumiyeeri mutaane wa Zulisadaayi, omukulu w'a baana ba Simyoni n'a waayo ³⁷ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu ekye feeza ekya sekeri nsavu, nga sekeri ey'o mu watukuvu bw'eri byombiri nga bizwire obwita obusa obutabwirwemu amafuta okubba ekiweebwayo eky'o bwita; ³⁸ ekijiiko kimu ekye zaabu ekya sekeri ikumi, ekizwire obubaani; ³⁹ ente envubuka imu, entama enume imu, omwana gw'e ntama omulume gumu kumala mwaka gumu, okubba ekiweebwayo ekyokyebwa; ⁴⁰ embuli enume imu okubba ekiweebwayo olw'e kibbiibi; ⁴¹ n'o kubba sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala omwaka ogumu ekyo niikyo kyabbaire ekitone kya Serumiyeeri mutaane wa Zulisadaayi. ⁴² Ku lunaku olw'o mukaaga Eriyasaafu mutaane wa Deweri, omukulu w'a baana ba Gaadi, n'a waayo ⁴³ ekitone kye kyabbaire saaani imu eye feeza, obuzito bwayo sekeri kikumi mu asatu, ekibya kimu ekye feeza ekya sekeri nsavu, nga sekeri eyomu watukuvu bw'eri; byombiri, nga biizwire obwita obusa obutabwirwemu amafuta okubba ekiweebwayo eky'o bwita; ⁴⁴ ekijiiko kimu ekye zaabu ekye sekeri ikumi, ekiizwire obubaani; ⁴⁵ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁴⁶ embuli enume imu okubba ekiweebwayo olw'e kibbiibi; ⁴⁷ n'o kubba sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Eriyasaafu mutaane wa Deweri. ⁴⁸ Ku lunaku olw'o musanvu Erisaama mutaane wa Amikudi omukulu w'a baana ba Efulayimu, n'a waayo; ⁴⁹ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu ekye feeza ekye sekeri nsanvu, nga sekeri ey'o mu watukuvu bw'eri; byombiri nga biizwire obwita obusa obutabwirwemu amafuta okubba ekiweebwayo eky'o bwita; ⁵⁰ ekijiiko kimu eky'e zaabu ekya sekeri ikumi ekizwire obubaani; ⁵¹ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁵² embuli enume imu okubba ekiweebwayo olw'e kibbiibi; ⁵³ n'o kubba Sadaaka ey'e biweebwayo olw'e mirembe, ente ibiri, entama enume litaanu, embuli enume itaanu, abaana b'e ntama abalume bataanu abakaali lkumala omwaka ogumu ekyo niikyo kyabbaire ekitone kya Erisaama mutaane wa Amikudi. ⁵⁴ Ku lunaku olw'o munaana Gamalyeri mutaane wa Pedazuuli, omukulu w'a baana ba Manase, n'awaayo ⁵⁵ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu ekye feeza ekye sekeri nsanvu, nga sekeri ey'o mu watukuvu bw'eri; byombiri nga biizwire obwita obusa obutabwirwemu amafuta okubba ekiweebwayo eky'o bwita; ⁵⁶ ekijiiko kimu eky'e zaabu eky'e sekeri ikumi, ekiizwire obubaane; ⁵⁷ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁵⁸ embuli enume imu okubba ekiweebwayo olw'e kibbiibi; ⁵⁹ n'o kubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Gamalyeri, mutaane wa Pedazuuli. ⁶⁰ Ku lunaku olw'o mwenda Abidaani mutaane wa Gidiyooni, omukulu w'a baana ba Benyamini, n'a waayo ⁶¹ ekitone kye kyabbaire saani imu ey'e feeza, obuzito bwayo sekeri kikumi mu asatu, ekibya kimu eky'e feeza ekye sekeri nsavu, nga sekeri ey'o mu watukuvu bw'eri; byombiri nga bizwire obwita obusa obutabwirwemu amafuta okubba ekiweebwayo eky'o bwita; ⁶² ekijiiko kimu eky'e zaabu ekye sekeri ikumi, ekiizwire obubaani; ⁶³ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁶⁴ embuli enume imu okubba ekiweebwayo olw'e kibbiibi; ⁶⁵ n'o kubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala omwaka ogumu; ekyo niikyo kyabbaire ekitone kya Abidaani mutaane wa Gidiyooni. ⁶⁶ Ku lunaku olw'e ikumi Akiyezeeri mutaane wa Amisadaayi, omukulu w'a baana ba Daani, n'a waayo ⁶⁷ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu ekye feeza ekya sekeri nsanvu, nga sekeri ey'o mu watukuvu bw'eri; byombiri nga biizwire obwita obusa obutabwirwemu amafuta okubba ekiweebwayo eky'o bwita; ⁶⁸ ekijiiko kimu ekye zaabu ekya sekeri ikumi, ekiizwire obubaani; ⁶⁹ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁷⁰ embuli enume imu okubba ekiweebwayo olw'e kibbiibi; ⁷¹ n'o kubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala mwaka gumu ekyo niikyo kyabbaire ekitone kya Akiyezeeri mutaane wa Amisadaayi. ⁷² Ku lunaku olw'e ikumi n'o lumu Pagiyeeri mutaane wa Okulaani, omukulu w'a baana ba Aseri, n'a waayo ⁷³ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu eky'e feeza ekye sekeri nsavu, nga sekeri ey'o mu watukuvu bw'eri; byombiri nga bizwire obwita obusa obutabwirwemu amafuta okubba ekiweebwayo eky'o bwita; ⁷⁴ ekijiiko kimu eky'e zaabu eky'e sekeri ikumi, ekizwire obubaani; ⁷⁵ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁷⁶ embuli enume imu okubba ekiweebwayo olw'e kibbiibi; ⁷⁷ n'o kubba Sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'entama abalume bataanu abakaali kumala omwaka ogumu ekyo niikyo kyabbaire ekitone kya Pagiyeeri mutaane wa Okulaani. ⁷⁸ Ku lunaku olw'e ikumi n'e ibiri Akira mutaane wa Enani, omukulu w'abaana ba Nafutaali, n'awaayo ⁷⁹ ekitone kye kyabbaire saani imu eye feeza, obuzito bwayo sekeri kikumi mu asatu, ekibya kimu ekye feeza ekye sekeri nsanvu, nga sekeri ey'o mu watukuvu bw'eri; byombiri nga biizwire obwita obusa obutabwirwemu amafuta, okubba ekiweebwayo eky'o bwita; ⁸⁰ ekijiiko kimu eky'e zaabu eky'e sekeri ikumi ekizwire obubaani; ⁸¹ ente envubuka imu, entama enume imu, omwana gw'e ntama omulume gumu ogukaali kumala omwaka ogumu, okubba ekiweebwayo ekyokyebwa; ⁸² embuli enume imu okubba ekiweebwayo olw'e kibbiibi; ⁸³ n'o kubba sadaaka ey'e biweebwayo olw'e mirembe, ente ibiri, entama enume itaanu, embuli enume itaanu, abaana b'e ntama abalume bataanu abakaali kumala omwaka ogumu ekyo niikyo kyabbaire ekitone kya Akira mutaane wa Enani. ⁸⁴ Kuno niikwo kwabbaire okutukulya ekyoto, ku lunaku kwe kyafukiirweku amafuta mu mikono gy'a bakulu ba Isiraeri esaani ikumi na ibiri eky'e feeza, ebibya ikumi na bibiri ebye feeza, ebijiiko ikumi na bibiri ebye zaabu ⁸⁵ buli saani ey'e feeza sekeri kikumi mu asatu, na buli kibya sekeri nsanvu efeeza yonayona ey'e bintu sekeri enkumi ibiri mu bina, nga sekeri ey'o mu watukuvu bw'eri; ⁸⁶ ebijiiko by'e zaabu ikumi na bibiri, ebitwiziire obubaani, buli kijiiko sekeri ikumi, nga sekeri ey'o mu watukuvu bw'eri zaabu yonayona ey'o mu bijiiko sekeri kikumi mu abiri ⁸⁷ ente gyonagyona okubba ekiweebwayo ekyokyebwa ikumi na bibiri, entama enume ikumi na ibiri, abaana b'e ntama abalume abakaali kumala omwaka ogumu ikumi na babiri, n'o bwita bwabyo obuweebwayo n'e mbuli enume okubba ekiweebwayo olw'e kibbiibi ikumi na ibiri ⁸⁸ n'e nte gyonagyona okubba Sadaaka ey'e biweebwayo olw'e mirembe ente abiri na ina, entama enume nkaaga, embuli enume nkaaga, abaana b'e ntama abalume abakaali kumala mwaka gumu nkaaga. Okwo niikwo kwabbaire okutukulya ekyoto, bwe kyamalire okufukibwaku amafuta. ⁸⁹ Awo Musa bwe yayingiire mu weema ey'okusisinkanirangamu okutumula naye, kaisi n'awulira Eidoboozi eryo nga litumula naye nga lyema waigulu ku ntebe ey'o kusaasira eyabbaire ku sanduuku ey'o bujulizi, wakati wa bakerubi bombiri n'a tumula naye. Essuula