¹ Awo Mukama n'atumula n'o Musa mu idungu lya Sinaayi, mu weema ey'o kusisinkanirangamu, ku lunaku olw'o luberyeberye olw'o mwezi ogw'o kubiri, mu mwaka ogw'o kubiri nga bamalire okuva mu nsi y'e Misiri, ng'a tumula nti ² Mubale omuwendo gw'e kibiina kyonakyona eky'abaana ba Isiraeri, entambula gyabwe bwe giri, ng'e nyumba gya ba itawabwe bwe giri, ng'o muwendo gw'a maina bwe guli, buli musaiza, ng'e mitwe gyabwe bwe giri; ³ abaakamala emyaka abiri n'o kusingawo, bonabona abasobola okutabaala mu Isiraeri, iwe n'o Alooni mulibabala ng'e igye lyabwe bwe liri. ⁴ Era waliba wamu naimwe omusaiza ow'o mu buli kika; buli muntu omutwe gw'e nyumba ya ba itawabwe. ⁵ Era gano niigo maina g'a basaiza abalyemera awamu naimwe ku Lewubeeni; Erizuuli mutaane wa Sedewuli. ⁶ Ku Simyoni; Serumiyeeri mutaane wa Zulisadaayi. ⁷ Ku Yuda; Nakusoni mutaane wa Amminadaabu. ⁸ Ku Isakaali; Nesaneri mutaane wa Zuwaali. ⁹ Ku Zebbulooni; Eriyaabu mutaane wa Keroni. ¹⁰ Ku baana ba Yusufu ku Efulayimu; Erisaama mutaane wa Amikudi ku Manase; Gamalyeri mutaane wa Pedazuuli. ¹¹ Ku Benyamini Abinadabu Mutaane wa Gidiyooni. ¹² Ku Daani; Akiyezeeri mutaane wa Amisadaayi. ¹³ Ku Aseri; Pagiyeeri mutaane wa Okulaani. ¹⁴ Ku Gaadi; Eriyasaafu mutaane wa Deweri. ¹⁵ Ku Nafutaali; Akira mutaane wa Enani. ¹⁶ Abo niibo bayeteibwe ku kibiina, abakulu b'e bika bya baitawabwe; niigyo gyabbaire emitwe gy'e nkumi gya Isiraeri. ¹⁷ Awo Musa n'a Alooni ni batwala Abasaiza abo abaatwire amaina ¹⁸ ni bakuŋaanya ekibiina kyonakyona ku lunaku olw'o luberyeberye olw'o mwezi ogw'o kubiri, ni baatula okuzaalibwa kwabwe ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, ng'e mitwe gyabwe bwe gyabbaire. ¹⁹ Nga Mukama bwe yalagiire Musa, atyo bwe yababaliire mu idungu lya Sinaayi. ²⁰ N'a baana ba Lewubeeni, omubereberye wa Isiraeri, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, ng'e mitwe gyabwe bwe gyabbaire, buli musaiza eyaakamala emyaka abiri n'o kusingawo, bonabona abasoboire okutabaala; ²¹ ababaliibwe ku ibo, ku kika kya Lewubeeni, babbaire emitwalo ina mu kakaaga mu bitaano. ²² Ku baana ba Simyoni, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ababaliibwe ku ibo, ng'o muwendo gw'a maina bwe gwabbaire, ng'e mitwe gyabwe bwe gyabbaire, buli musaiza eyaakamala emyaka abiri n'o kusingawo, bonabona abasoboire okutabaala; ²³ abaabaliibwe ku ibo, ku kika kya Simyoni, babbaire Emitwaalo itaano mu kenda mu bisatu. ²⁴ Ku baana ba Gaadi, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ²⁵ ababaliibwe ku ibo, ku kika kya Gaadi, babbaire Emitwaalo ina mu nkumi itaanu mu lukaaga mu ataano. ²⁶ Ku baana ba Yuda, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ²⁷ abaabaliibwe ku ibo, ku kika kya Yuda, babbaire Emitwaalo musanvu mu nkumi ina mu lukaaga. ²⁸ Ku baana ba Isakaali, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ²⁹ ababaliibwe ku ibo, ku kika kya Isakaali, babbaire emitwalo itaano mu nkumi ina mu bina. ³⁰ Ku baana ba Zebbulooni, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ³¹ abaabaliibwe ku ibo, ku kika kya Zebbulooni, babbaire emitwalo itaanu mu kasanvu mu bina. ³² Ku baana ba Yusufu, ku baana ba Efulayimu, okuzaalibwa kwabwe, ng'e nda gyabwe bwe gyabbaire, ng'e nyumba gya baitaabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ³³ abaabaliibwe ku ibo, ku kika kya Efulayimu, babbaire emitwalo ina mu bitaanu. ³⁴ Ku baana ba Manase, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ³⁵ ababaliibwe ku ibo, ku kika kya Manase, babbaire emitwalo isatu mu nkumi ibiri mu bibiri. ³⁶ Ku baana ba Benyamini, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ³⁷ ababaliibwe ku ibo, ku kika kya Benyamini, babbaire emitwalo isatu mu nkumi itaanu mu bina. ³⁸ Ku baana ba Daani, okuzaalibwa kwabwe, ng'e nda gyabwe bwe gyabbaire, ng'e nyumba gya baitawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ³⁹ ababaliibwe ku ibo, ku kika kya Daani, babbaire emitwalo mukaaga mu nkumi ibiri mu lusanvu. ⁴⁰ Ku baana ba Aseri, okuzaalibwa kwabwe, ng'e nda gyabwe bwe gyabbaire, ng'e nyumba gya ba itawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasobola okutabaala; ⁴¹ abaabaliibwe ku ibo, ku kika kya Aseri, babbaire emitwalo ina mu lukumi mu bitaano. ⁴² Ku baana ba Nafutaali, okuzaalibwa kwabwe, ng'e nda gyabwe bwe gyabbaire, ng'e nyumba gya ba itawabwe bwe gyabbaire, ng'o muwendo gw'a maina bwe gwabbaire, abaakamala emyaka abiri n'o kusingawo, bonabona abasoboire okutabaala; ⁴³ abaabaliibwe ku ibo, ku kika kya Nafutaali, babbaire emitwalo itaano mu nkumi isatu mu bina. ⁴⁴ Abo niibo ababaliibwe, Musa na Alooni be babalire, n'a bakulu ba Isiraeri, abasaiza ikumi na babiri buli muntu w'o mu nyumba ya baitawabwe. ⁴⁵ Batyo bonabona ababaliibwe ku baana ba Isiraeri; ng'e nyumba gya baitawabwe bwe gyabbaire, abaakamala emyaka abiri n'o kusingawo, bonabona abasoboire okutabaala mu Isiraeri; ⁴⁶ bonabona ababaliibwe babbaire obusiriivu mukaaga mu enkumi isatu mu bitaano mu ataano. ⁴⁷ Naye Abaleevi ng'e kika kya ba itawabwe bwe kyabbaire tebabaliibwe mu ibo. ⁴⁸ Kubanga Mukama yakobere Musa ⁴⁹ nti Kyonka ekika kya Leevi tolikibala, so tolisagira muwendo gwabwe mu baana ba Isiraeri ⁵⁰ naye Abaleevi obafuule abakulu b'e nyumba ey'o bujulizi, era ab'e bintu byayo byonabona, era ab'e bintu byonabona ebyabiraku basitulanga enyumba, n'e bintu byayo byonabona; era bagiweereryanga, era basiisiranga okwetooloola enyumba. ⁵¹ Era enyumba bweyabbanga etambula, Abaleevi niibo bagisimbulanga era enyumba bweyabbanga esimbibwa, Abaleevi niibo bagisimbanga era munaigwanga yasemberanga yaitibwanga. ⁵² Era abaana ba Isiraeri basimbanga eweema gyabwe; buli muntu okuliraana n'o lusiisira lwe iye, era buli muntu okuliraana n'e bbendera ye iye, ng'e igye lyabwe bwe liri. ⁵³ Naye Abaleevi basiisiranga okwetooloola enyumba ey'o bujulizi, walekenga okubba obusungu ku kibiina ky'a baana ba Isiraeri era Abaleevi babbanga n'o mulimu ogw'o kukuuma enyumba ey'o bujulizi. ⁵⁴ Batyo bwe bakolere abaana ba Isiraeri; nga byonabona bwe byabbaire Mukama bye yalagiira Musa, ni bakola batyo.