¹ Katonda n'atumula ebigambo bino byonabyona, ng'atumula nti ² Ninze Mukama Katonda wo, eyakutoire mu nsi ey'e Misiri, mu nyumba ey'obwidu. ³ Tobbanga na bakatonda abandi we ndi. ⁴ Teweekoleranga ekifaananyi ekyole, waire ekifaananyi eky'ekintu kyonakyona, ekiri waigulu mu igulu, waire ekiri wansi ku itakali, waire ekiri mu maizi agali wansi w'eitakali: ⁵ tobivuunamiranga ebyo, so tobiweereryanga: kubanga ninze Mukama Katonda wo ndi Katonda w'eiyali, abiwalana ku baana ebibbiibi bya bazeiza baabwe okutuukya ku mirembe egy'oku banakasatu ne ku banakana, egy'abantu abankyawa; ⁶ era airiramu abantu nga nkumi na nkumi abantaka, abakwata amateeka gange. ⁷ Tolayiriranga bwereere eriina lya Mukama Katonda wo: kubanga mu maiso ga Mukama omusango gulimusinga omuntu alayirira obwereere eriina lye. ⁸ Ijukira olunaku olwa sabbiiti, okulutukulyanga. ⁹ Enaku omukaaga okolanga emirimu gyo gyonagyona: ¹⁰ naye olunaku olw'omusanvu niiyo sabbiiti eri Mukama Katonda wo: olunaku olwo tolukolerangamu mirimu gyonagyona; so Weena wenka, waire omwana wo owobwisuka, waire muwala wo, waire omwidu wo, waire omuzaana wo, waire ebisolo byo, waire munaigwanga ali omumwo: ¹¹ kubanga mu naku omukaaga Mukama mwe yakoleire eigulu n'ensi, enyanza, n'ebintu byonabyona ebirimu, n'awumulira ku lunaku olw'omusanvu: Mukama kyeyaviire aluwa omukisa olunaku olwa ssabbiiti, n'alutukulya. ¹² Itaawo no mawo obateekangamu ekitiibwa: enaku gyo gibbe nyingi ku nsi gy'akuwaire Mukama Katonda wo. ¹³ Toitanga. ¹⁴ Toyendanga. ¹⁵ Toibbanga. ¹⁶ Towaayiriryanga muntu mwinawo. ¹⁷ Teweegombanga enyumba yo muntu mwinawo, teweegombanga mukali wo muntu mwinawo, waire omwidu we, waire omuzaana we, waire ente ye, waire endogoyi ye, waire buli kintu ekyo muntu mwinawo. ¹⁸ Abantu bonabona ne babona okubwatuka, n'enjota, n'eidoboozi ly'eŋombe, n'olusozi nga lunyooka omwoka: abantu bwe baboine ne batengera, ne bemerera wala. ¹⁹ Ne bakoba Musa nti Iwe tumula naife , lwe twawulira: naye Katonda aleke okutumula naife, tuleke okufa. ²⁰ Musa n'akoba abantu nti Temutya: kubanga Katonda aizire okubakema, era entiisya ye ebbe mu maiso ganyu, muleke okwonoona. ²¹ Abantu ne bemerera wala, Musa n'asemberera endikirirya ekwaite Katonda gy'ali. ²² Mukama n'akoba Musa nti otyo bw'okoba abaana ba Isiraeri nti Imwe muboine nga nyemere mu igulu okutumula namwe. ²³ Temukolanga bakatonda abandi we ndi, bakatonda b'efeeza, waire bakatonda b'ezaabu, temubeekoleranga. ²⁴ Ekyoto eky'eitakali onkolere, oteekeku ebyo by'owaayo ebyokyebwa n'ebyo by'owaayo olw'emirembe, entama gyo n'ente gyo: buli wantu we njijukirizanga eriina lyange ndiza gy'oli nzeena ndikuwa omukisa. ²⁵ Era bw'olinkolera ekyoto eky'amabbaale, tokizimbisyanga mabbaale agatemebwa: kubanga bw'olikiyimusyaaku ekyoma kyo, ng'okireeteire obugwagwa. ²⁶ So tolinyanga ku kyoto kyange ku madaala, oleke okukunamiraku.