¹ Awo Isiraeri yenayena ni babalibwa ng'o kuzaalibwa kwabwe bwe kwabbaire; era, bona, kwawandiikiibwe mu kitabo kya bakabaka ba Isiraeri: Yuda n'atwalibwa e Babulooni nga basibe olw'o kusobya kwabwe. ² Awo abantu abaasookere okubba mu bifo byabwe bye baliire mu bibuga byabwe niibo bano, Isiraeri, bakabona, Abaleevi, n'Abanesinimu. ³ Ni mu Yerusaalemi ne mubbamu ku baana be Yuda, n'o ku baana be Benyamini, n'o ku baana ba Efulayimu n'e Manase; ⁴ Usayi mutaane wa Amikudi, mutaane wa Omuli, mutaane wa Imuli, mutaane wa Bani, ow'oku baana ba Pereezi mutaane wa Yuda. ⁵ N'o ku Basiiro; Asaya omuberyeberye, n'a bataane be. ⁶ N'o ku bataane ba Zeera; Yeweri, na bagande baabwe, lukaaga mu kyenda. ⁷ N'o ku bataane ba Benyamini; Salu mutaane wa Mesulamu, mutaane wa Kodaviya, mutaane wa Kasenuwa; ⁸ n'o Ibuneya mutaane wa Yerokamu, n'o Era mutaane wa Uzi, mutaane wa Mikuli, n'o Mesulamu mutaane wa Sefatiya, mutaane wa Leweri, mutaane wa Ibuniya; ⁹ n'a bagande baabwe ng'o kuzaalibwa kwabwe kwabbaire, lwenda mu ataanu mu mukaaga. Abasaiza abo bonabona nga mitwe gye nyumba gya bazeiza babwe, ng'e nyumba gya bazeiza babwe bwe gyabbaire. ¹⁰ N'o ku bakabona; Yedaya, n'o Yekoyalibu, Yakini; ¹¹ n'o Azaliya mutaane wa Kirukiya, mutaane wa Mesulamu, mutaane wa Zadooki, mutaane wa Merayoosi, mutaane wa Akituubu, omukulu w'e nyumba ya Katonda; ¹² n'o Adaaya mutaane wa Yerokamu, mutaane wa Pasukuli, mutaane wa Malukiya, n'o Maasayi mutaane wa Adyeri, mutaane wa Yazera, mutaane wa Mesulamu, mutaane wa Mesiremisi, mutaane wa Imeri; ¹³ n'a bagande baabwe emitwe gy'e nyumba gya bazeiza babwe, lukumi mu lusanvu mu nkaaga; abasaiza abasoboire dala omulimu ogw'o kuweererya mu nyumba ya Katonda. ¹⁴ N'o ku Baleevi; Semaaya mutaane wa Kasubu, mutaane wa Azulikamu, mutaane wa Kasabiya ow'o ku bataane ba Merali: ¹⁵ n'o Bakubakali, Keresi, n'o Galali, n'o Mataniya mutaane wa Miika, mutaane wa Zikuli, mutaane wa Asafu; ¹⁶ n'o Obadiya mutaane wa Semaaya, mutaane wa Galali, mutaane wa Yedusuni, n'o Berekiya mutaane wa Asa, mutaane wa Erukaana, eyabbanga mu byalo eby'Abanetofa. ¹⁷ N'abaigali; Salumu, n'o Akubu, n'o Talumoni, n'o Akimani, n'a bagande baabwe: Salumu niiye yabbaire omukulu; ¹⁸ eira abalindiriranga mu mulyango gwa kabaka ebuvaisana; niibo babbaire abaigali ab'olusiisira lw'a baana ba Leevi. ¹⁹ No Salumu mutaane wa Koole, mutaane wa Ebiyasaafu, mutaane wa Koola, na bagande be ab'o mu nyumba ya itaaye, Abakolere, niibo balabiriire omulimu ogw'o kuweererya, abaigali b'e njigi gy'e weema: ne bazeiza babwe niibo baabanga abakulu b'o lusiisira lwa Mukama, abaigali b'o mulyango; ²⁰ n'o Finekaasi mutaane wa Eriyazaali niiye yabbanga omukulu waabwe mu biseera eby'eira, era Mukama yabbanga naye. ²¹ Zekaliya mutaane wa Meseremiya niiye yabbaire omwigali ow'o ku lwigi lw'e weema ey'o kusisinkanirangamu. ²² Abo bonabona abaalondeibwe okubba abaigali ku njigi babbaire bibiri na ikumi na babiri. Abo babaliibwe ng'o kuzaalibwa kwabwe bwe kwabbaire mu byalo byabwe, Dawudi n'o Samwiri nabbi be bayawuliire omulimu gwabwe ogwateekeibwewo. ²³ Awo ibo n'a baana baabwe ni babba n'o mulimu ogw'o kulabirira enjigi gy'e nyumba ya Mukama, enyumba ey'e weema, mu bisanja. ²⁴ Abaigali niibo baabbanga ku njuyi eina, ebuvaisana n'e bugwaisana n'o bukiika obugooda n'o bukiika obulyo. ²⁵ N'a bagande baabwe mu byalo byabwe babbaire b'o kwizanga nga wabitirewo enaku musanvu buli kiseera okubba awamu nabo: ²⁶ kubanga abaigali abana abaasinga obukulu, Abaleevi, babbaire n'o mulimu ogwateekeibwewo, nga niibo bakulu b'e nyumba era ab'a mawanika mu nyumba ya Katonda. ²⁷ Ni bagona okwetooloola enyumba ya Katonda, kubanga niibo baakwasiibwe omulimu ogw'o kugikuuma, n'o kugiigulawo buli makeeri nga niigwo mulimu gwabwe. ²⁸ Era abamu ku ibo ni bakwasibwa ebintu ebiweererya okubikuuma; kubanga bwe byayingilibwanga ni bibalibwanga, era bwe byafulumizibwanga ni bibalibwanga. ²⁹ Era abamu ku ibo ni balagirwa okulabirira ebikozesebwa emirimu n'e bintu byonabona eby'o mu watukuvu, n'o bwita obusa, n'o mwenge, n'a mafuta, n'o musita, n'e byakaloosa. ³⁰ Era abamu ku baana ba bakabona ni balongoosyanga kalifuwa ow'e byakaloosa. ³¹ N'o Matisiya, omumu ku Baleevi, omuberyeberye wa Salumu Omukoola, niiye yabbaire n'o mulimu ogwateekeibwewo ogw'o kulabirira ebyo ebyasiikirwanga mu mumbiro. ³² Era abamu ku bagande baabwe ku baana ba b'Abakokasi niibo balabiriranga emigaati egy'o kulaga, okugirongoosyanga buli sabbiiti. ³³ Era bano niibo bembi, emitwe gy'e nyumba gya bazeiza babwe egy'Abaleevi, abagonere mu nyumba era abasonyiyiibwe okuweererya okundi: kubanga bakolanga omulimu gwabwe emisana n'o bwire. ³⁴ Abo niibo babbaire emitwe gy'e nyumba gya bazeiza babwe egy'Abaleevi, okubuna emirembe gyabwe, abasaiza abasinga obukulu: abo baabbanga e Yerusaalemi. ³⁵ N'o itaaye wa Gibyoni n'abbanga mu Gibyoni, Yeyeeri, Mukali we eriina lye Maaka: ³⁶ n'o mutaane we omuberyeberye Abudoni, n'o Zuuli, n'o Kiisi, n'o Baali, n'o Neeri, n'o Nadabu; ³⁷ n'o Gedoli, n'o Akiyo, n'o Zekaliya, n'o Mikuloosi. ³⁸ Mikuloosi n'a zaala Simeyamu. Era bona ne babbanga na bagande baabwe e Yerusaalemi, nga boolekera bagande baabwe. ³⁹ Neeri n'a zaala Kiisi; Kiisi n'a zaala Sawulo; Sawulo n'a zaala Yonasaani, n'o Malukisuwa, n'o Abinadabu, n'o Esubaali. ⁴⁰ N'o Meribubaali niiye yabbaire mutaane wa Yonamani; Meribubaali n'a zaala Miika. ⁴¹ N'a batabane ba Miika; Pisoni, n'o Mereki, n'o Taleya, n'o Akazi. ⁴² Akazi n'a zaala Yala; Yala n'a zaala Alemesi, n'o Azumavesi, n'o Zimuli; Zimuli n'a zaala Moza; ⁴³ Moza n'a zaala Bineya; n'o Lefaya mutaane we, Ereyaasa mutaane we, Azeri mutaane we; ⁴⁴ Azeri n'a zaala bataane be mukaaga, amaina gaabwe gaano; Azulikamu, Bokeru, n'o Isimaeri, n'o Seyaliya, n'o Obadiya, n'o Kanani: abo niibo babbaire bataane ba Azeri.