¹ Awo abaana ba Isiraeri ng'o muwendo gwabwe bwe gwabbaire, emitwe gy'e nyumba gya baitawabwe n'a baami b'e nkumi n'a b'e bikumi n'a bakulu baabwe abaaweereryanga kabaka mu buli kigambo eky'e biwu ekyayengeresyanga ni bifulumanga buli mwezi okumala emyezi gyonagyona egy'o mwaka, aba buli luwalo babbaire emitwaalo ibiri mu nkumi ina. ² Yasobeyamu mutaane wa Zabudyeri niiye yabbaire omukulu w'oluwalo olw'o luberyeberye olw'o mu mwezi ogw'oluberyeberye: n'o mu luwalo lwe mwabbairemu emitwaalo ibiri mu nkumi ina. ³ Oyo yabbaire w'o ku baana ba Pereezi, omukulu w'a baami bonabona ab'e igye mu mwezi ogw'o luberyeberye. ⁴ No Dodayi Omwakowa n'oluwalo lwe iye yabbaire omukulu w'o luwalo olw'o mwezi ogw'okubiri; n'o Mikuloosi omukungu: n'o mu luwalo lwe mwabbairemu emitwaalo ibiri mu nkumi ina. ⁵ Benaya mutaane wa Yekoyaada kabona omukulu niiye yabbaire omwami ow'o kusatu ow'e igye ow'o mu mwezi ogw'o kusatu: n'o mu luwalo lwe mwabbairemu emitwaalo ibiri mu nkumi ina. ⁶ Ono niiye Benaya oyo eyabbaire Omusaiza ow'a;maani ow'o ku abo asatu, era omukulu w'abo asatu: na Amizabaadi mutaane we yabbaire wo ku luwalo lwe. ⁷ Asakeri mugande wa Yowaabu niiye yabbaire omwami ow'o kuna ow'o mu mwezi ogw'okuna, n'o Zebadiya mutaane we oluvanyuma lwe: n'o mu luwalo lwe mwabbaoremu emitwaalo ibiri mu nkumi ina. ⁸ Samukusi Omuyizula niiye yabbaire omwami ow'o kutaanu ow'o mu mwezi ogw'o kutaanu: n'o mu luwalo lwe mwabbaoremu emitwaalo ibiri mu nkumi ina. ⁹ Ira mutaane wa Ikesi Omutekowa niiye yabbaire omwami ow'o mukaaga ow'o mu mwezi ogw'o mukaaga: n'o mu luwalo lwe mwabbairemu emitwaalo ibiri mu nkumi ina. ¹⁰ Kerezi Omuperoni ow'o ku baana ba Efulayimu niiye yabbaire omwami ow'o musanvu ow'o mu mwezi ogw'o musanvu: n'o mu luwalo lwe mwabbairemu emitwaalo ibiri mu nkumi ina. ¹¹ Sibbekayi Omukusasi ow'o ku Bazera niiye yabbaire omwami ow'o munaana ow'o mu mwezi ogw'o munaana: n'o mu luwalo lwe mwabbairemu emitwaalo ibiri mu nkumi ina. ¹² Abiyezeeri Omwanasosi ow'o ku Babenyamini niiye yabbaire omwami ow'o mwenda ow'o mu mwezi ogw'o mwenda: n'o mu luwalo lwe mwabbairemu emitwalo ibiri mu nkumi ina. ¹³ Makalayi Omunetofa ow'o ku Bazera niiye yabbaire omwami ow'e ikumi ow'obmu mwezi ogw'e ikumi: n'o mu luwalo lwe mwabbairemu emitwalo ibiri mu nkumi ina. ¹⁴ Benaya Omupirasoni ow'o ku baana ba Efulayimu niiye yabbaire omwami ow'e ikumi n'o mumu ow'o mu mwezi ogw'e ikumi n'o gumu: n'o mu luwalo lwe mwabbairemu' emitwaalo ibiri mu nkumi ina. ¹⁵ Kerudayi Omunetofa, owa Osunieri, niiye yabbaire omwami ow'e ikumi n'a babiri ow'o mu mwezi ogw'e ikumi n'eibiri; n'o mu luwalo lwe mwabbairemu emitwaalo ibiri mu nkumi ina. ¹⁶ Ate abaafugire ebika bya Isiraeri: ku Balewubeeni Eryeza mutaane wa Zikuli afuga: ku Basimyoni Sefatiya mutaane wa Maaka: ¹⁷ ku Leevi Kasabiya mutaane wa Kemweri: ku Alooni Zadoki: ¹⁸ ku Yuda Eriku, omumu ku bagande ba Dawudi: ku Isakaali omuli mutaane wa Mikayiri; ¹⁹ ku Zebbulooni Isumaaya mutaane wa Obadiya: ku Nafutaali Yeremosi mutaane wa Azutiyeeri: ²⁰ ku baana ba Efulayimu Koseya mutaane wa Azaziya: ku kitundu ky'e kika kya Manase Yoweeri mutaane wa Pedaya: ²¹ ku kitundu ky'e kika kya Manase mu Gireyaadi Ido mutaane wa Zekaliya; ku Benyamini Yaasiyeri mutaane wa Abuneeri: ²² ku Daani Azaleeri mutaane wa Yerokamu. Abo niibo babbaire abaami b'e bika bya Isiraeri. ²³ Naye Dawudi n'a tabala muwendo gwabo abaakamala emyaka abiri n'a bakaali kutuukya egyo, kubanga Mukama yabbaire atumwire ng'a lyongera Isiraeri ng'e munyeenye egy'o mu igulu, ²⁴ Yowaabu mutaane wa Zeruyiya yamogere okubona, naye n'atamalirirya: obusungu kyebwaviire bwiza ku Isiraeri; so n'o muwendo tigwawandiikiibwe mu kitabo eky'e byomumirembe gya kabaka Dawudi. ²⁵ Era Azumaveesi mutaane wa Adyeri yabbaire mukulu wa mawanika ga kabaka: n'o Yonasaani mutaane wa Uziya yabbaire mukulu wo mawanika ag'o ku itale n'a g'o mu bibuga n'a g'o mu byalo n'agomu bigo: ²⁶ n'o Ezuli mutaane wa Kerubu niiye yabbaire omukulu w'abo abaakolere emirimu egy'o mu nimiro olw'o kulima eitakali: ²⁷ no Simeeyi Omulaama niiye yabbaire omukulu w'e nsuku gy'e mizabbibu: n'o Zabudi Omusifumu niiye yabbaire omukulu w'e bibala eby'e nsuku olw'a masenero ag'o mwenge: ²⁸ n'o Baalukanani Omugedera niiye yabbaire omukulu w'e mizeyituuni n'e misukomooli egyabbaire mu nsenyu: n'o Yowaasi niiye yabbaire omukulu w'a mawanika g'a mafuta: ²⁹ n'o Situlayi Omusaloni niiye yabbaire omukulu w'ebisibo ebyalisiibwe mu Saloni: n'o Safati mutaane wa Adulayi niiye yabbaire omukulu w'e bisibo ebyabbaire mu biwonvu: ³⁰ n'o Obiri Omuyisimaeri niiye yabbaire omukulu w'e ŋamira: n'o Yedeya Omumeronoosi niiye yabbaire omukulu w'e ndogoyi: ³¹ n'o Yazizi Omukaguli niiye yabbaire omukulu w'e mbuli. Abo bonabona niibo babbaire abakulu b'e bintu ebya kabaka Dawudi. ³² N'o Yonasaani itaaye wa Dawudi omutomuto yabbaire muteesya we bigambo, Omusaiza omutegeevu era omuwandiiki: n'o Yekyeri mutaane wa Kakumoni yabbanga wamu n'abaana ba kabaka: ³³ n'o Akisoferi niiye yateesyanga ebigambo bya kabaka: Kusaayi Omwaluki niiye yabbaire mukwanu gwa kabaka: ³⁴ Yekoyaada mutaane wa Benaya n'airirira Akisoferi, n'Abiyasaali: n'o Yowaabu niiye yabbaire omwami w'eigye lya kabaka.