¹ N'e biwu bya bataane ba Alooni gy'abbaire giino. Bataane ba Alooni; Nadabu n'Abiku, Eriyazaali n'o Isamaali. ² Naye Nadabu n'Abiku ni basooka itawabwe okufa nga babula baana: Eriyazaali n'o Isamaali kyewaviire bakola omulimu ogw'o bwakabona. ³ Dawudi wamu n'o Zadoki ow'o ku bataane ba Eriyazaali n'o Akimereki ow'o ku bataane ba Isamaali ni babasalamu ng'e bisanja byabwe bwe byabbaire mu kuweererya kwabwe. ⁴ Awo ni waboneka abasaiza abakulu ku bataane ba Eriyazaali bangi okusinga ab'o ku bataane ba Isamaali; era bati bwe baasaliibwemu: ku bataane ba Eriyazaali kwabbaireku ikumi na mukaaga, emitwe gy'e:nyumba gya baitawabwe; n'o ku bataane ba Isamaali, ng'e nyumba gya baitawabwe bwe gyabbaire, munaana. ⁵ Bati bwe basaliibwemu na bululu, emitindo gyonagyona wamu; kubanga waaliwo abakulu ab'o mu kifo ekitukuvu n'a bakulu ba Katonda, ku bataane ba Eriyazaali era n'o ku bataane ba Isamaali. ⁶ Awo Semaaya mutaane wa Nesaneri omuwandiiki ow'o ku Baleevi, n'a bawandiikira mu maiso ga kabaka b'a bakulu n'o Zadoki kabona n'o Akimereki mutaane wa Abiyasaali n'e mitwe gy'e nyumba gya baitawabwe egya bakabona n'Abaleevi; enyumba imu eya baitawabwe ng'eronderwa Eriyazaali, n'e gendi ng'erondeibwe Isamaali. ⁷ Awo akaluIu ak'o luberyeberye ne kamugwaku Yekoyalibu, ak'okubiri Yedaya; ⁸ ak'okusatu Kalimu, ak'okuna Seyolimu; ⁹ ak'okutaanu Malukiya; ak'o mukaaga Miyamini; ¹⁰ ak'o musanvu Kakozi, ak'o munaana Abiya; ¹¹ ak'o mwenda Yesuwa; ak'e ikumi Sekaniya; ¹² ak'e ikumi n'a kamu Eriyasibu, n'a k'e ikumi n'o bubiri Yakimu; ¹³ ak'e ikumi n'o busatu Kupa, ak'eikumi n'obuna Yesebeyabu; ¹⁴ ak'e ikumi n'o butaanu Biruga, ak'e ikumi n'o mukaaga Imeri; ¹⁵ ak'e ikumi n'o musanvu Keziri, ak'e ikumi n'o munaana Kapizezi; ¹⁶ ak'e ikumi n'o mwenda Pesakiya, ak'abiri Yekezukeri; ¹⁷ ak'abiri n'a kamu Yakini, ak'abiri n'o bubiri Gamuli; ¹⁸ ak'abiri n'o busatu Deraya, ak'abiri n'o buna Maaziya. ¹⁹ Bino niibyo byabbaire ebisanja byabwe mu kuweererya kwabwe, okuyingiranga mu nyumba ya Mukama ng'ekiragiro bwe kyabbaire kye baaweweibwe mu mukono gwa Alooni zeiza wabwe, nga Mukama Katonda wa Isiraeri bwe yabbaire amulagiire. ²⁰ No ku bataane ba Leevi abandi: ku bataane ba Amulaamu Subayeri; ku bataane ba Subayeri, Yedeya. ²¹ Ku Lekabiya: ku bataane ba Lekabiya; Isiya omukulu. ²² Ku Bayizukali, Seromosi; ku bataane ba Seromosi, Yakasi. ²³ Na bataane ba Kebulooni; Yeriya omukulu, Amaliya ow'okubiri, Yakaziyeri ow'okusatu, Yekameyamu ow'okuna. ²⁴ Bataane ba Winziyeeri, Miika; ku bataane ba Miika, Samiri. ²⁵ Mugande wa Miika, Isiya: ku bataane ba Isiya, Zekaliya. ²⁶ Bataane ba Merali; Makuli n'o Musi: bataane ba Yaaziya; Beno. ²⁷ Bataane ba Merali; ku Yaaziya, Beno n'o Sokamu, n'o Zakuli, n'o Ibuli. ²⁸ Ku Makuli; Eriyazaali, ataazaire baana b'o bwisuka. ²⁹ Ku kiisi; bataane ba Kiisi, Yerameeri. ³⁰ Na bataane ba Musi; Makuli n'o Ederi, n'o Yerimosi. Abo niibo babbaire bataane b'Abaleevi ng'e nyumba gya baitawabwe bwe gyabbaire. ³¹ Era na bano batyo ni bakubba obululu nga bagande baabwe bataane ba Alooni mu maiso ga Dawudi kabaka, n'o Zadoki n'o Akimereki n'e mitwe gy'e nyumba gya baitawabwe egya bakabona n'Abaleevi; (enyumba) gya baitawabwe egyomukulu okufaanana egya mugande we omutomuto.