¹ Taem Jisas i finisim ol toktok blong hem, hemi aot iko long Galili mo ikam long wan area long Judea, Hemi stap klosap long Jordan riva. ² Igat wan bigfala group blong ol man oli folem hem, Jisas hemi hilim olgeta. ³ Nao igat sam farisi oli kam, oli stap askem sam kwestin blong traem hem, oli talem long hem se, "Istret long loa blong yumi blong man isave divosem woman blong hem; from hem nomo iwantem?" ⁴ Jisas iansa se, "Be yufala ino ridim long stat, God imekem man mo woman? ⁵ God we hemi mekem evri samting hemi se, 'From samting ya man imas leko papa mo mama mo bae ijoen long woman blong hem, mo tufala bae ikam wan bodi.' ⁶ Mo from God ijoenem tufala, tufala inomo tu be tufala ikam wan long bodi. From samting ya, taem God ijoenem tugeta, inogat wan bae i save seraotem tufala." ⁷ Oli talem long hem, "From wanem Moses italem long yumi blong givim wan pepa blong Maret, afta yu save divos mo sendem hemi kobak?" ⁸ Nao Jisas italem long olgeta se, "Moses imekem olsem from hed blong yufala i strong tumas, be fastaem ino olsem. ⁹ Mi stap talem long yufala, sapos wan man idivosem woman blong hem, we woman ya ino slip wetem nara man, nao man ya iko maret long nara woman, hem nao imekem sin." ¹⁰ Nao ol disaepol blong hem italem se, "Sapos fasin blong maret istrong olsem, imoa gud man ino maret." ¹¹ Be Jisas italem long olgeta, "Ino evri man bae oli save acceptem wanem we mi talem, be olgeta we oli harem save bae oli holem taet. ¹² I gat sam man we ino save maret, from taem oli bon, bodi blong olgeta i olsem, sam oli no maret from sam man i spolem bodi blong olgeta olsem, sam oli no maret from oli wantem mekem wok blong God. We hemi king blong olgeta. Be man we iwantem acceptem tijing ya isave holem taet." ¹³ Igat sam smol pikinini oli karem olgeta ikam long Jisas blong putum han mo prea long olgeta, be oli disaepol oli blokem olgeta. ¹⁴ Be Jisas ise, "Yufala ino blokem olgeta, yufala iletem olgeta oli kam long mi, from olgeta oli gat raet long kingdom blong God." ¹⁵ Hemi blesem olgeta, nao hemi aot long olgeta. ¹⁶ Nao igat wan man ikam long Jisas italem se, "Tija, wanem gudfala samting nao bae mi mekem blong gat laef we ino save finis?" ¹⁷ Jisas iansa se, "From wanem yu askem long mi wanem nao hemi gud? Igat wan we igud, be sapos yu wantem ko kasem gudfala laef, yu mas kipim ol loa blong hem." ¹⁸ Man ya italem long hem se, "Wanem loa?" Jisas ise, yu no kilim ded man, yu no slip wetem nara woman we ino woman blong yu, yu no steal, yu no kiaman blong mekem wan poen agensem nara man. ¹⁹ Ona long papa mo mama blong yu mo yu lavem ol naraman, olsem yu stap lavem yu wan. ²⁰ Yangfala rula italem se, "Evri samting mi stap obei. Wanem nao mi mas mekem yet?" ²¹ Nao Jisas italem se, "Sapos yu wantem kam stret, yu ko salem ol ting blong yu, mo yu karem mani yu kivim long ol pua man, nao bae yu save gat fulap samting long heven, Bae yu kam mo folem mi." ²² Be taem yangfala rula ya inharem wanem we Jisas italem, hemi wokbaot aot iharem nogud, from hemi gat fulap samting. ²³ Jisas italem long ol disaepol blong hem se, "Tru mi talem long yu, ihard blong wan rijman blong ko long kingdom blong God. ²⁴ Bakegen mi talem long yu se, ino easy blong wan kamel iko insaed long ae blong wan nidel isemak olsem wan rijman blong ko long kingdom blong God." ²⁵ Taem ol disaepol oli harem, oli harem nogud tumas nao oli talem se, "Be hu nao bae isave sav?" ²⁶ Jisas ilukluk iko long olgeta nao italem se, "Wetem ol man ino easy be wetem God evri samting i easy nomo." ²⁷ Nao Pita iansa italem long, hem se, "Yu luk mifala ileko evri samting mo mifala folem yu, wanem nao bae mifala igat? " ²⁸ Nao Jisas italem long olgeta, "Tru mi talem long yu, taem bae ikam, we pikinini blong man mi sidaon long bigfala jea. Nao long taem ia yufala twelve ia bae igat jea blong yufala tu, mo blong jajem ol twelve laen blong Israel. ²⁹ Evri wan we oli leko haos, brata, sista, papa, mama, pikinini or graon from wok blong mi, bae oli recivim wan handred taem antap bakegen, mo bae igat laef we ino save finis. ³⁰ Be fulap we oli ko fas wan, bae oli kam laswan. Mo olgeta we oli laswani bae oli ko feswan.