¹ Ni keirau kau mai, keirau kila ni yanuyanu oqo e vakatokai me ko Melita. ² E ra tawa dau yalovinaka na kai noda, ia e ra sa qawaco a buka vea kauji keimami taucoko baleta a lagi bi kei na batabata. ³ Ia gauna sa kumuna kina ko Paula e dua oro buka sa laki tuvana ki na buka sa qawa tu, sa qai qasi mai tuba e dua gata baleta a katakata ka fifiga a ligana. ⁴ Gauna e ra sa boka kina a i taukei a gata ni sa lili tu i ligana, e ra sa vei kayayaki yani, "A tamata iei e dau veivakamatei ia ka cabe bula mai waitui; A daunilewa e tawa vakatara me bula." ⁵ Ia e na gauna sa kureitakina kina a manumanu kina bukawaqa, sa qai segabau a meca e manaji ko koya. ⁶ E ra sa qai warakini ko koya me vuvuce mai, se me vaukasauri me bale sobu ni sana mate. ⁷ E na gauna iei e jiko voleka e dua jikini qele e ona a turaga a i liuliu ni koro, a yacana ko Pupiliu. E tarikini keitou ka maroroi keitou me tolu a siga. ⁸ E yaco ni sa baca a tamai Pupiliu sa koto na ona vakararawatakina a katakata kei na cokadra. Gauna sa lako kina ko Paula vei ko koya, sa qai masulakina, tabaka e na ligana, ka vakabula. ⁹ Ni yaco oji a meca iei, a vo taucoko ni tamata e na yanuyanu e ra baca e ra lako ga mai vei ko koya e ra bula. ¹⁰ Ko ira a tamata e ra sa vakarokorokotakina keitou e na levu a meca. Gauna keitou sa vakarau kina me soko, e ra solia vei keitou a meca keitou vinakata. ¹¹ Ni oji e tolu a vula keimami sa soko e na waqa ka kele yani e na yanuyanu maiei e na gauna ni batabata, a waqa ni Alekisadria, a ona matakau a drua tagane." ¹² Ni oji a weimami kele ki na koro ko Sairakuse keimami jiko kina me siga tolu. ¹³ Maiei keimami soko ka kele yani kina koro levu ko Rijio. Oji e dua siga sa liwavi keimami a ceva, loma ni rua siga keimami sa kele yani ki na koro ko Putuoli. ¹⁴ Maiei keimami boka e so a taci keimami ka ra sureji keimami me keimami jiko kei ira me vitu a siga, keimami sa qai lako sara ki Roma. ¹⁵ Maiei ko ira a wekai keimami, ni oji a odoa rogoca a meca baleji keimami, e ra sa lako mai me sotavi keimami e na makete ko Apio e na tolu na valenXkana. Ni boki ratou a wekana ko Paula, e a vakavinavinaka kina kalou e na yaloqaqa. ¹⁶ Gauna keirau curu yani kina ki Roma, A vakatarai me jiko duadua ga ko Paula kei na sotia e yadravi koya tiko. ¹⁷ Oji e tolu a siga sa kacivi ira vata mai na i liuliu ni Jiu ko Paula ni ra sa soqoni vata mai, sa kaya vei ira, "Kemuni na veiwekani, e djina ga niu a tawa caka caka vei ira a tamata se na i valavala i Jerusalemi ki na ligadra a Roma. ¹⁸ Oji a odra tarogi au, e ra vinakata me ra sereki au, baleta ni tawa dua a vuna meu totogi kina na i totogi mate. ¹⁹ Ia ni ra vosavakacacataka na Jiu a odra gagadre, au a rakasaurarataki meu kerea vei Sisa, e djina ga ni sega niu tawa vakavuna e dua veibeitaki me baleta a qou matanitu. ²⁰ E na vuku ni meca iei, au sa kacivi kemudou kina meu boki kemudou ka vosa vei kemudou, me vaka niu sa darama jiko a sinucodo iei e na vuku ni odra i nuinui na Isireli. ²¹ Qai kaya vei ko koya, "Keitou tawa taura e dua a i vola mai Jutia me baleji iko, se dua vei ira a wekamu e lako mai me kaya e dua meca baleji iko. ²² Ia keimami vinakata me keimami rogoca mai vei kemuni na ka ko ni nanuma me keimami kila ni sa vosa vakacacataki e na veivanua kecega. ²³ Ni ra sa lesia e dua siga me ona," e ra sa lako mai vua e lewelevu a tamata ki na ona i jikojiko. A vakaraitakina vei ira a meca iei, ka vakadjinadjinatakina a matanitu ni kalou. A saga me vakauqejiira me baleji Jisu, mai na lawa i Mosese kei ira a parofita, mai na mataka me yaco kina kayavi. ²⁴ E so e ra vakadeitaka na veika e kai, ia e so tale e ra sega ni vakabauta. ²⁵ Ni ra tawa duavata, e ra sa biubiu ni sa cavuta oji ko Paula a meca iei. "A sa vosa vinaka na Yalo Tabu e na vuku i Aisea a Parofita vei tamamudou. ²⁶ A kaya, "Lako vei ira a tamata iei kaya vei ira, ni ko sa rogoca jiko, ko na tawa kila; raico, ko na bora, ia ko na tawa kila. ²⁷ Ni sa malumalumu a lomadra a tamata iei, ka sa dredre me ra rogoca na daligadra, ka ra sa kabulu. Kevaka e sega e ra na rai e matadra, ka rogoca e daligadra, ka kila e yalodra ka lesu tale mai, ia au na vakabulai ira. ²⁸ Ko koya me kemudou kila kina ni sa rakau na veivakabulai ni Kalou iei vei ira a kai matanitu tani, ka ra na vakarorogo." ²⁹ Ni sa kaya oji a meca iei e ra sa lako laivi a Jiu, E ra sa veiba jiko vaka i ira. ³⁰ Ka vakaijikojiko ko Paula e na ona vale redetaki me rua a yabaki, gai kidavakino ira taucoko e ra lako mai kina. ³¹ A vunautakina jiko a matanitu ni Kalou ka vakavulica jiko a meca me baleta a Turaga ko Jisu Karisito e na yalodoudou ka tawa tarovi rawa.