¹ Io nyaru' ka dua balas Murite sabayo-bayo bakomo, lalu mare' mutidTe tugas ba koaso yak ngalohot setan, yak nyamuhan panyakit. ² Io nyuruh murid-Murite koo yak maritoot karajaan Allah, yak nyamuhan urokng nang rongko'. ³ Io bakato ka ne'ido', "Dameo pun ame ditabanan kapajaananngu -tungkat isoh, dompet pun isoh, roti isoh, duitpun usoh-duo satel pakean pun isoh ditabanan. ⁴ Rumoh maepun nang kito' tamai', dioplah dikoo sampe kau dari ka tampat koo. ⁵ Aso ado urokng nang narimo kau, waktu kau ningoot koto koo, imarot doho Dabu ampat ka pahangu nang jaji saksi aso dangan bai' narimo kito'. ⁶ Ako'koo ampuslah murid-murid koo kakampokng-kampokng, maritoot kabar nang baik ba nyamuhan urokng nang rongko' kamae-mae tampat. ⁷ Herodes, rajo ka binuo koo, dah nangar samuo nang dah tajaji io maraso ibuh, ado urokng-urokng nang bakato aso Yohanes pamani' koo dah bangkit ampat ka antaro urokng mati, ⁸ lalu ado ga'e nang bakato kade' nabi Elia dah muok, lalu nang lain bakato ga'e nabi-nabi nang bahare' dah bangkit ampat ka kamatiatne. ⁹ lalu bakato lah Herodes,"Aku dah natak kapalo Yohanes, tapi sape ge' urokng nyian? nang curitae manyak aku nangar?" Ayakoolah Herodes barusoho ngago caro yak Batamu ba Yesus. ¹⁰ Waktu murid-murid koo puokng, ne'ido' nyuritootn samuo ka Yesus dameo nang dah io ngarajaan. ako' koo Yesus mabo ne'ido' koo, Io ampus basorokng ka koto nang badak Betesaida. ¹¹ Tapi manyak urokng nang dah nangar hal nyian lalu nunaan Io, Yesus pun narimo' ne'ido' lalu bakato ka ne'ido' koo ngesohoot karajaan Allah, Io nyamuhan urokng-urokng nang pararu kasamuhan. ¹² Mata ari dah mulai tingoop, lalu dua balas murid atokng ka Io lalu bakato, "suruhlah ne'ido' ampus ka kampokng-kampung ka samak-samak nyian yak ngago tampat bamaam ba gago pamangkanan ga'e, diri' nyian ado ka tampat nobo'." ¹³ Tapi Io bakato ka ne'ido koo, "Kau ame'anlah ka dangan pamakanan nang biso dimakot." ne'ido' nyahuti', Kami kahe ado ba lima ete roti ba dua eko' ikot, aso kami ampus lalu mali pamakanan yak mare' urokng manyak nyian." ¹⁴ (Ado kiro-kiro lima ribu urokng angaki ka koo.) Io bakato kamurid-murite, "suruh dangan koo duduk bakalompok, sakalompokke lima puluh urokng sa kalompoke." ¹⁵ Lalu, murid-murid koo nuruti, samuo urokng dikoo duduk bakalompok. Lalu ¹⁶ Io ngicokng lima ete' roti ba dua eko' ikot, lalu ningkadoh ka angit, marakati roti ba ikot koo, lalu dimehak-mehak, lalu Io mare'ot ka ka murid-murid yak dibagiot ka urokng rami. ¹⁷ samuo urokng dikoo makot sampe puas, lalu sisa'e dingumpulan sampe dua balas baku barinsi'. Kemudian, sisa-sisa potongan roti yang dikumpulkan ada dua belas keranjang penuh. Petrus Mengakui Yesus adalah Kristus (Mat. 16:13-19; Mrk. 8:27-29) ¹⁸ Waktu ari koo, waktu Io sorokng agi' basampokng, murid-muridTe ado ugo' ampus ba Io lalu Io batanyo ka murid-murid koo, "Jare dangan nang manyak sape Aku nyian?" ¹⁹ Murid-murid nyahut, "Ado nang bakato Yohanes pamani', tapi nang lain bakato Elia ado agi' nang bakato aso kito' nyian antaro seko' nabi nang ado jaman de'e nang dah bangkit agi'." ²⁰ Io bakato ka ne'ido' koo, "Tapi, aso jare kito' sape aku nyian?" Petrus nyahut, "Kristus ampat ka Allah." ²¹ Tapi Yesus mataki' ne'ido', lalu nyuruh ame sampe dicuritoot ka sape pun, ²² Io bakato aso Anak Manusio pasti singsaro sagalae, ano' ditarimo' dituho-tuho, kapalo imam-imam ba ahli Taurat, ako' koo dibunuh ka talu arie pasti dibangkitot agi. ²³ Io bakato ka ne'ido' samuo, "aso ado urokng nang mao' jajio muridKu, aruslah io basangko' badiri'e, mikut salipe, tiap ari lalu nunaan Aku. ²⁴ Sape pun nang mao' nyobo mao' nyalamatot nyawae, io pasti kailangan nyawa, tapi sape nang kailangan nyawae garo-garo Aku, io pasti nyalamatot. ²⁵ dameo ge gunae ka manusio, aso io namu samuo jukut ka dunio nyian tapi kailangan mao' pun nyarohot nyawae sorokng? ²⁶ Sape pun nang supot ka Aku ba kato-KatoKu, Ka io Anak Manusio pun supot ga'e waktu Io atokng ka doop kamuliaatnE, ba kamuliaan Bapo' ba kamuliaan malaekat-malaekat nang barasih, nang kudus. ²⁷ Tapi Aku bakato kakau batol-batol sidi, aso ado ka antaro kito' nyian, nang ano' biso mati sanape io nanang karajaan Allah. ²⁸ kiro-kiro lapan ari kok Yesus bakato ayakoo, Io mabo Petrus, Yohanes, ba Yakobus, lalu ampus kaatas bukit mao basampokng. ²⁹ Waktu Yesus agi' basampokng, paras muhae baruboh, lalu pakeanE jaji putih mangkinyar. ³⁰ Lalu, ado baduo urokng nang agi' bakatai' ba Io!

urokng koo bo Musa ba Elia,

³¹ nang gari' mulia. ne'ido' koo bakato yak ampuso' nang mao Io ganapotn ka Yerusalem ³² Kanio' Petrus ba dangan nang sabayo-bayo ba io agi' tidur sidi. Tapi waktu ne'ido koo takajut ngido, ne'ido' koo nanang kamualiaan-E ado duo urokng nang sabayo-bayo badiri ba Io. ³³ Ako'koo tajaji, ako' koo ne'ido koo mao ningoot Yesus, Petrus bakato ka Io, "Guru, baik dehe' kami ado kasio ako' koo kami mao ngamuat talu ete dango. Biar kami ngamuat sete' dango yak kito', lalu sete' Yak Musa, lalu sete agi' Yak Elia."(Io ano' ngarati dameo nang io ngatoot.) ³⁴ Pas waktu io ngatoot jukut koo, lalu atokng amutn nang magoh ne'ido' koo; lalu ne'ido' koo gai' pas agi' diamutn ngulilingi'. ³⁵ Ado ba bunyi nang kauar ampat ka amutn, bakato, "nyianlah Anakku nang Aku pilih. Dangarotn Io." ³⁶ Waktu suaro koo dah angit, Yesus gari basorokng. ne'ido' koo tatap diam, salamo sa ari koo ne'ido koo ano' nyuritootn ka sape-sape dameo nang ne'ido' koo nanang. ³⁷ Ako' koo ado agi, sari saaka'e, waktu ne'ido' koo turutn ampat ka bukit, ado sakalompok urokng rami nanti' Io. ³⁸ Ado seko' kaantaro ne'ido nang rami koo ngampak, anjare, "Guru, aku minto' tolong tananglah anakku seko'-seko'e. ³⁹ Kito' tanang, roh nang jahat ngoasai io, lalu tibo-tibo io ngampak, nang ngamuat io karojokng-karojokng moote muok popo'. Roh koo bai' dioser ampat ka tubuhe, ngukai' io sidi waktu roh koo namai' tubuhe. ⁴⁰ Aku dah nyuruh ka murid-murid-Ngu yak ngoser io, tapi murid-murid koo ano mampu." ⁴¹ Yesus nyahuti' katae, "hey kito' urokng nang ano' picayo ba angkatan nang jahat, sangape lamo agi Aku mo' diop ba kito' lalu biso sabar ka kito nyian? tabanan lah anak ngu kasio." ⁴² Waktu kamudo' koo atokng, roh jahat koo ngampasot ba nguncokng io koat sidi. Tapi Yesus merai roh jahat koo, lalu nyamuhan kamudo' koo, lalu muangan kamudo koo. ⁴³ Samuo Ne'ido' kaheranan ka Allah nang ayo' sidi koo. Tapi waktu ne'ido' koo agi' kaheranan, ka jukut nang dah Io ngarajaan, Io bakato ka murid-murid-Te, ⁴⁴ Biarlah, kato-kato nyian ditanam ka tarenyekng kito', soale Anak Manusio mao disarohotn ka kokot manusio." ⁴⁵ Tapi ne'ido' koo ano' ngarati ka kato-kato koo, masih ano' biso diartiot ka ati ne'ido', makenyo ne'ido koo ano' nahui' maksute. Ne'ido' gai' mo' nanyaan ka Io kato-kato nang dah Io ngatoot koo. ⁴⁶ Ako' koo, jadilah patangkarot ka sabayae, sape nang paling ayo' ka antaro sabayae koo. ⁴⁷ Tapi waktu Yesus nahui' dameo nang ado ka doop ati ne'ido' koo, Io pun nyaru' kamudo' enek, lalu mabo io duduk ka sekete, ⁴⁸ Lalu Yesus pun bakato ka ne'ido koo, "kade' ado urokng nang mao' narimo' kamudo' nyian doop Damaku, io koo pun narimo' Aku, lalu kade ado urokng nang narimo' Aku, io narimo ga'e ka Io nang dah ngutus Aku. kade urokng nang paling enek ka antaro kito' samuo, Io koo lah nang paling ayo. ⁴⁹ Yohanes pun nyahuti' lalu bakato,"Guru, kami nanang ado urokng nang ngoser setan pake NamaNgu kami pun marantiot io, io koo buke' panuno' diri'" ⁵⁰ Tapi Yesus bakato ka io, amelah io diberai', aso sape pun nang ano' malawan kito' baarti io koo ado ka sabalah ngu." ⁵¹ Nyianlah nang dah tajaji, pas dah samak waktue yak Io naiko' ka subayotn, Io mutusotn ampus ka Yerusalem. ⁵² Io ngiriman urokng yak ngadohoi' Io, lalu ne'ido koo ampus lalu taamo' ka kampokng Samaria yak nyiapot kaatanganNe. ⁵³ tapi urokng-urokng dikoo ano' narimo' Io, masale Io dah siap ampuso ka Yerusalem. ⁵⁴ Ako' koo waktu Yakobos ba Yohanes Murite nanang hal nyian, ne'ido' pun bakato, "Tuhan, Kito' nyian nyuruho kami marentohatno' api ampat ka angit yak turutn lalu ngancuratno dangan nyian ge?" ⁵⁵ Tapi Io mamaek lalu meari' ne'ido'. ⁵⁶ Ako'koo ne'ido ampus ka kampokng nang lain. ⁵⁷ Waktu ne'ido ka pajaanan, ado urokng nang bakato ka Io, "Aku mao nunaano' Kito' kamae pun Kito' ampus." ⁵⁸ Yesus bakato ka urokng koo, "asu-asu udas ado ba ubokng, burukng-burukng ka angit pun ado basarokng, tapi Anak Manusio ano' ado batampat yak magurikng kapalaE." ⁵⁹ Ako' koo Io bakato ka urokng nang lain agi, "Tunaanlah Aku." Tapi io bakato, "Tuhan, ijinanlah aku yak nyuburo' bapakku doho'." ⁶⁰ Tapi Io bakato ka urokng koo, "Biarotn urokng mati nyuburotn dirie sorokng, tapi kau ampuslah lalu baritootnlah Karajaan Allah." ⁶¹ Ado agi' urokng lain nang bakato, "Aku mau nunaan Kito', au Tuhano, tapi sanape'e ijinan aku yak babatak kato bapisoh doho' ka dangan nang ado karumahku. ⁶² Tapi Yesus bakato ka io, "ano' ado seko'pun urokng, nang muangan kokote yak namcok sawoh lalu nanang ka balikokng, nang biso yak Karajaan Allah."