¹ Lalu, Imam da' Daui muto', "ngisih kah da' mu mah?" ² Stefanus muto', "Madih-madih ngan Sama'k-sama'k ku', dingah oku'. Tempa da' Mahamulia mayan go' oung abeh ta', Abraham, pas iyoh agi' mmuno' o' Mesopotamia, segayoh iyoh mmuno' o' Haran, ³ ngan nyino' ge' iyoh, Bu'lah so' tana'mu ngan so' manak madih mu', muno' lah o' tana' da' ira' ku' nyino' ge' mmu. ⁴ Lalu, Abraham tegatn tana' nuh Kasdim lalu muno' o' Haran. so' jeeh, impo' mma' e'k kebeng, Tempa bodo' iyoh pinah go' tana' tih, mmuno' da' tih-tih mu muno'. ⁵ Pak, Tempa nte' jogo' warisan ge' iyoh, bahkan ji ides tana' pun nte', pak iyoh janji ira jogo' ge' Abraham sebagai ompu' e'k ngan keturotn impo' iyoh, meskipun Abraham gayoh sorog enak. ⁶ Pak tetapi, Tempa muto' matih, bahwa keturotn e'k ira' jaji mmonog o' tana' da' saroi bahwa kao setn ira' bodo' jaji kuli ngan ddog ncera' selama mpat ratus sowa'. ⁷ Oku' ira' nukupm bangsa da' bodo' kao jaji kuli, "nyinug Tempa", ngan impo' setn kao ira' mmudos so' jeh ngan beribadahlah go' oku' o' eti. ⁸ Lalu, Tempa jogo' ge' Abraham perjajian sunat, maka Abraham jaji mma'k Ishak ngan nyunat e'k sejak umur me'i onoi, Ishak jaji mma'k Yakub, kesimung duwoh mma'k leluhur. ⁹ Karena iri ngan Yusuf, ma'k leluhur ta' juwa iyoh go' Mesir. Pak tetapi, Tempa sinuk ngan Yusuf, ¹⁰ menyelamatkan iyoh so' penderitaan, tingin jogo' iyoh anugerah ngan kebijaksanaan o' jewi Firaun, Raja Mesir, da' bodo' iyoh jaji pemimpin o' Mesir ngan seluruh istana iyoh. ¹¹ Pas, bencana bburok terjadi o' Mesir ngan Kanaan,menyebabkan penderitaan da' sangat sasi', oung abeh ta' nte' pano' sorog ngume'. ¹² Pak, pas Yakub dingah bahwa neih gandum o' Mesir, iyoh bodo' oung abeh ta' gijeh da' pertama kali e'k. ¹³ Pas ponu da' keduwoh kali, Yusuf nnah odop e'k ddog puwo' oleh madih-madih e'k, ngan keluarga Yusuf jaji jelas o' Firaun. ¹⁴ Impo setn, Yusuf pait pusutn go' Yakub bodo' monog ngan purog manak madih e'k umpuh 75 mesia. ¹⁵ Maka' Yakub mungo' go' Mesir sampai iyoh kebeng o' jeh, ngan oung abeh ta'. ¹⁶ So' jeh, kao ddog mpinah go' Sikhem ngan ddog ngkureh o' ngkubur da' moh Abraham buroi ngoi jumlah duet so' anak nuh Hemor o' Sikhem. ¹⁷ Pak tetapi, pas makitn sinuk waktu perjanjian setn, da' moh Tempa ge' Abraham, bangsa setn betamoh ngan ddog ngupetnuwoh o' Mesir, ¹⁸ sampai neih raja bukotn mekai o' seluruh Mesir, da' nte' puwo' tentakng Yusuf. ¹⁹ Raja setn mamperdaya bangsa ta' ngan ngkasi' oung abeh ta' sehingga paksa kao bodo' ngeba anak-anak e'k da' tit sehingga kao nte' tatn udip. ²⁰ Pada masa setn, Musa moh bbanak ngan iyoh sangat menih o' botoh Tempa. ngan, Musa ddog ngkudip o' emin ma'k e'k selama taruh buro'. ²¹ pas, iyoh moh ddog teratn, putri Firaun mit iyoh ngan pamah paui iyoh bosok anak odop iyoh. ²² Maka, Musa ddog ngajar ngan segala hikmat nuh-nuh Mesir ngan iyoh berkuasa o' omong ngan nginah e'k. ²³ Musa moh pas umur mpat puru' sowa', uwah o' wakng otoi e'k iyoh ira' ponu go' madih-madih e'k, da' keturotn Israel. ²⁴ Pas, kunyuh kah mesia da' purog kao da' ddog nnah ngan nte' adil oleh nuh mesir, Musa monog membela nuh da' dog ngkasi' setn ngan baros langsokng nnebeng nuh mesir setn. ²⁵ Musa mengira bahwa madih-madih e'k ira' mengerti bahwa Tempa jogo' kao setn keselamatan lewat odop e'k, tapi bara madih e'k nte' ngerti. ²⁶ Pas onoi keduwoh e'k, Musa monog go' nuh Israel da' pas ngente', iyoh usaha nonco' kao setn, tingin muto', 'Hei, bukotn kah ddi neih terih deya' di madih, eni saling ngkenapm dingan ddi?' ²⁷ Nuh, da' ngkenapm madih e'k setn bbincik go' bingih tingin muto', "Esi da' bodo' mu' jaji penguasa ngan jaji hakim keih?" ²⁸ Ato'kah mu' ira' nnebeng oku mun mu nnebeng nuh Mesir da' nyinoi yah? ²⁹ Dingah omong nuh setn, Musa bu ngan jaji mmonog o' tana' Midian. O' jeh, iyoh jaji mma'k so' duwoh mesia anak daroi. ³⁰ pas mpat puru' sowa' kah malaikat payatn odop e'k go' Musa o' padakng belantara dorod Sinai, o' wakng jira' siroi o' uduh-uduh da' peja. ³¹ Pas Musa kunyuh e'k, iyoh heran ngan mmunyuh e'k setn. ngan pas nyinuk ngan iyoh, lalu dingah siyo' Tempa, ³² 'Okulah Tempa oung abeh mu, Tempa Abraham, Tempa Ishak, ngan Tempa Yakub.' Musa pun ngkutur tibu' e'k toru nte' berani nyinuk e'k. ³³ Impo', Tempa muto' ngan iyoh, 'nusokng sandal so' kojo' mu karena mmuno' o' oki mu mijog adalah tana' suci. ³⁴ Oku' betol-betol moh kunyuh penderitaan umat-ku' da' neih o' Mesir ngan moh dingah kao e'k ntuh. Oku' moh mungo' ira' menyelamatkan kao e'k. Tih-tih jah, Oku' ira' bodo' mmu' go' Mesir.' ³⁵ Musa, da' moh kao noncok tingin muto', "Esi bodo' mu jaji penguasa ngan hakim keih?' Iyoh adalah nuh da' ddog Tempa utus bodo' jaji, baik penguasa maupun penyelamat, ngoi tongu' malaikat da' payatn odop e'k ge' iyoh o' uduh da' peja.' ³⁶ Nuh tih memimpin kao uwah, tingin nnah mukjizat ngan tanda-tanda ajaib o' tana' Mesir ngan o' laut birah, padakng belantara selama mpat puru' sowa'. ³⁷ Musa tihlah da' muto' ge' bangsa Israel, 'Tempa ira' tekatkan ge' ddi kah nabi bosok oku' so' purog madih-madihmu.' ³⁸ Iyoh tih lah da' neih so'purog jemaat o' padakng belantara bersamah malaikat da' ngomong go'iyoh o' dorod Sinai, ngan bersamah oung abeh ta', iyoh moh mit firman da' udip jogo' ge' ta'. ³⁹ Oung abeh ta' ega' dingah nyinug Musa, iyoh mekai bu o' wakng otoi e'k ira' barik meri' go' Mesir, ⁴⁰ Muto' ngan Harun, 'nnah dewa-dewa ge' keih da' ira' ponu o' jewi keih karena Musa tih, da' mimpin keih uwah so' tana' Mesir, keih nte' puwo' eni da' terjadi ngan iyoh.' ⁴¹ Pas saat setn, kao e'k nah gguno' anak lembu, ngan jogo' persembahan ge' berhala setn, tingin rami-rami ngan nginah-nginah tongu' kao e'k. ⁴² pak', Tempa bu so' kao suka asukng e'k menyembah bara kentera engit, seperti da' ddog tulis o' wakng kitab bara nabi, 'Eni mu tobo' ge' oku binatakng semereh ngan persembahan selama mpat puru' sowa o' padakng belantara,hai umat Israel? ⁴³ Mmu tobo' kemah Molokh ngan binatakng dewamu, Refan, gguno' da' mu nnah ngoi nyembah iyoh, Oku ira' teratn mu go' dipah Babel.' Am. 5:25-27 ⁴⁴ Oung abeh ta' neih ompu' Kemah Kesaksian o' padakng belantara, bosok da' Tempa perintahkan pas iyoh muto' ngan Musa,ngoi bodo' nnah sesuai ngan gamar da' moh iyoh kunyuh. ⁴⁵ Impo' mit kemah setn, oung abeh ta' tobo' iyoh murot ngan Yosua, pas juwo' tana' kao setn so' bangsa-bangsa bukotn, da' moh Tempa sige' so' jewi oung abeh ta', ddos zaman Daud. ⁴⁶ Daud sorog kasih karunia o' jewi Tempa ngan sungoh mmuno' Tempa Yakub. ⁴⁷ Pas, Salomo da' membangun emin ge' iyoh. ⁴⁸ pak, da' maha o' somoi nte' muno' wakng emin ddog nnah oleh tongu mesia, bosok da' ddog nyino' oleh nabi, ⁴⁹ Engit adalah tahta Ku ngan bumi adalah tumpuan kojo'-Ku. emin enikah da' ira' mu bangun ge' Oku?' Tempa berfirman, 'Ato', enikah mmuno' peristirahatan-Ku? ⁵⁰ Bukotnkah tongu'Ku da' nnah bbos tih?' Yesaya 66:1-2 ⁵¹ Hei, mu nuh-nuh da' iyug bak, otoi ngan kopoi da' nte' sunat, mmu ntarik menentang Roh Kudus, bosok da' ddog nnah oleh oung abeh mu! ⁵² Nabi-nabi oki da' nte' ddog siksa oleh oung abeh mu? ngan kao e'k nnebeng nuh-nuh segayoh e'k moh mengumumkan mmonog Sang kebenaran, da' tih moh jaji odopmu wakng odop jaji pengkianat ngan pengebus ⁵³ mu, da' moh sorog Ukupm Taurat bosok moh ddog jogo' oleh bara malaikat, pak mu nte' jaga iyoh!" STEFANUS DOG NEBENG ⁵⁴ pas kao dingah hal-hal tih, otoi nyu' e'k dog tobuk ngan kut bibih e'k kao terhadap Stefanus. ⁵⁵ Pak, Stefanus da' ddog mpuno' oleh roh kudus ngira' go' engit ngan kunyuh kemuliaan Tempa, ngan Yesus mijog go' ntouh Tempa. ⁵⁶ Stefanus muto', "Dingah! Oku kunyuh engit terbuka ngan anak mesia go' ntouh Tempa." ⁵⁷ Pas, kao mmayak-mayak tingin megatn, ngan nnutop kopoi langsokng sepakat nyerakng Stefanus. ⁵⁸ Lalu, kao ntod iyoh jo' so' kota tingin sungkod iyoh ngoi batuh. impo' setn, bara saksi botoh nusokng jubah kao o' kojo' pemuda da' gonu' e'k Saulus. ⁵⁹ kao, terus kinan stefanus da' megatn tingin naba' "Tempa Yesus, jjot roh ku." ⁶⁰ Impo' iyoh berlutut, tingin megatn, "Tempa, usah nantog turah tih ge' kao!" o' impo' nyino' da' mah, iyoh pun kebeng.