¹ Paulus monog agi' go' Derbe ngan Listra. Ngan kunyuhlah neih kah murid o' jeh, gonu' e'k Timotius, anak so' nuh dayukng Yahudi da' moh percaya, tetapi mma' e'k nuh Yunani. ² Iyoh ddog kenal menih so' madih-madih seiman o' Listra ngan Ikonium. ³ Paulus ira' Timotius ponu samah ngan odop e'k, maka iyoh ngeja' e'k ngan nyunat e'k karena nuh-nuh Yahudi da' muno o' daerah setn.Sebab, purog kao puwo' bahwa mma' e'k adalah nuh Yunani. ⁴ Pas kao setn ponu ou'k kota-kota, kao nyino' ketentuan-ketentuan jogo' nuh percaya supaya ddog taati, da' moh ddog sepakat kan bara rasul ngan penatua da' neih o' Yerusalem. ⁵ Maka, bara jemaat ddog teguhkan o' wakng iman ngan umpuh kao setn makitn tamoh setiap onoi. TEMPA NABA' PAULUS GO' MAKEDONIA ⁶ Lalu, kao e'k bu ou'k wilayah Firgia ngan galatia karena moh ddog jamu' Roh Kudus nyino' firman o' Asia. ⁷ Pas kao setn moh monog o' Misia, kao setn berusaha bu go' Bitinia, tetapi Roh Yesus nte' bodo' kao setn. ⁸ Maka, impo' ou'k Misia, kao setn mungo' go' Troas. ⁹ Pas mmunyuh da' aneh monog ge' Paulus o' ngaro'. Nuh so' Makedonia mijog sungoh turukng ngan e'k, "Monoglah go' Makedonia ngan turuknglah keih." ¹⁰ Impo' Paulus munyuh da' aneh setn, keih berusaha ngan patas ponu go' Makedonia, impo' mikerkan bahwa Tempa moh naba' keih bodo' memberitakan Injil ge' kao e'k. PERTOBATAN LIDIA ¹¹ Karena setn, impo' berlayar so' Troas, keih langsokng berlayar go' Samotrake, ngan o' onoi kah go' Neapolis, ¹² ngan so' jeh go' Filipi, kota utama o' wilayah Makedonia ngan sebuah kota jajahan Roma. Keih muno' o' kota setn kudu-kudu onoi. ¹³ Lalu, pas onoi Sabat, keih bu go' sepa' ntibo' gerbang kota menuju go' pompog sungi, mmuno' go' oki keih berpiker bahwa o'jeh neih mmuno' berdoa. Maka, keih guru' ngomong ngan bara dayukng da' ururuk o' eitn. ¹⁴ Nuh dayukng gonu' e'k Lidia, so' kota tiatira,nuh penjuwa kain ungu da' menyembah Tempa. Tempa tuwatn otoi e'k ngoi memperhatikan eni da' Paulus nyino'. ¹⁵ Ngan, impo' Lidia ngan purog nuh da' muno' o' emin e'k ddog baptis, iyoh sike' ge' keih, "Jika mmu' menganggap oku' percaya ngan Tempa, monoglah go' eminku' ngan muno'lah o' jeh." iyoh nesak keih. PAULUS NGAN SILAS O' PENJARA ¹⁶ So' setn, keih agi' ponu go' mmuno' berdoa, nuh budak dayukng, da' ompu roh ngoi nnonung ngoi ira' sorog keih. iyoh tobo' muwa' ke ntukng ge' bara toke e'k so' tonung-tonung e'k. ¹⁷ dayukng setn tajah Paulus ngan keih tingin mmegatn, "nuh-nuh tih adalah hamba-hamba Tempa da' Mahadatuh. da' memberita joro' keselamatan ge' mmu' !" ¹⁸ Iyoh agi' nnah e'k beonoi-onoi. Paulus, jaji sangat beji', bbarik ngan mmuto' ge' roh setn, "Oku' perintahkan mmu' wakng gonu' Kristus Yesus ngoi uwah so' iyoh!" Lalu roh setn uwah, nga' setn agi'. ¹⁹ Pak tetapi, pas bara toke e'k kunyuh bahwa harapan kao ke nntukng moh nyap, kao dokup Paulus ngan Silas, serta natak kao setn go' mmuno' umum o' jewi bara penguasa. ²⁰ Ngan, pas kao moh tobo' Paulus ngan Silas ge' hakim-hakim kepala, nuh setn mmuto', "Nuh-nuh tih adalah nuh-nuh Yahudi ngan mengacau o' kota ta'. ²¹ Kao setn mengajarkan adat istiadat da' nte' betol ngoi ta' mit ato' nnah bosok nuh Roma." ²² Nuh kepah setn mekat bersamah-samah nyerakng Paulus ngan Silas bara hakim kota nejet ngingoi Paulus ngan Silas, tingin bodo' kao e'k nubuk kao setn ngoi ngkud. ²³ impo' agi' ncera' Paulus ngan Silas moh muwa' noi nubuk, kao e'k teratn go' wakng penjara ngan nyino' kepala penjara bodo' jaga Paulus ngan Silas da' ketat. ²⁴ Impo' dingah mmodo' setn, kepala penjara mpurot Paulus ngan Silas go' penjara da' so' wakng ngan memasung kojo' kao setn duwoh tingin belenggu. ²⁵ Kira-kira turup ngaro' Paulus ngan Silas berdoa ngan nyanyikan lagu-lagu pujian jogo' Tempa, bara tahatnan da' bukotn pa' dingah kao setn duwoh. ²⁶ lalu, tau-tau terjadi gempa bumi da' daui sehingga fondasi penjara setn guyap. ngan tau-tau bbos ntibo' ddog tuwatn ngan belenggu purog nuh ddog nika' ²⁷ Pas kepala penjara mekai ngan kunyuh ntibo'-ntibo' penjara moh ddog tuwatn, iyoh sintok pedakng e'k ngan hamper nebeng odop e'k karena iyoh mengira bara tahatnan moh bu odop e'k. ²⁸ Pak, paulus mmegatn, "usah membahayakan odop mu' wakng odop karena keih ddiri' o'ti' !" ²⁹ Impo', kepala penjara setn sungoh lampu ngan patas bumma' murot, lalu tingin ngkutur, iyoh sujut o' jewi Paulus ngan Silas. ³⁰ Impo' setn, iyoh tobo' kao e'k go' mudos ngan mmuto', "Tuan-tuan, eni da' harus oku nnah supaya ddog selamatkan?" ³¹ Kao e'k nyaut, "percayalah o' wakng Tuhan Yesus mmu' ira' ddog selamatkan, mmu' ngan purog nuh da' muno' o' emin mu''. ³² impo', Paulus ngan Silas memberitakan firman Tuhan ge' kepala penjara setn ngan purog nuh da' neih o' wakng emin e'k. ³³ Impo' setn, iyoh tobo' Paulus ngan Silas, ngaro' setn agi', ngan ngereseh etakng-etakngkao e'k, lalu iyoh ngan purog manak e'k patas ddog baptis. ³⁴ impo', kepala penjara tobo' Paulus ngan Silas go' emin e'k ngan payatn ngume'. Maka, iyoh sangat bersuka cita, bahwa iyoh ngan purog nuh da' muno' o' emin e'k moh percaya ngan Tempa. ³⁵ Pak tetapi, pas nirakng onoi, bara hakim-hakim kota mengutus kudu polisi, tingin muto', Popo' nuh setn!" ³⁶ Ngan, kepala penjara nyino' pusutn setn ge' Paulus, iyoh nyino', Hakim-hakim kota moh nyino' bodo' popo' mmu'. Karena setn, uwahlah tih-tih ngan gijeh go' mmuno' ddi!" ³⁷ Pak, Paulus mmuto' ge' kao setn, "Nuh-nuh setn moh nubuk keih o' jewi nuh kepah, nya'k ddog ngadil, nuh-nuh da' adalah warga negara Roma, ngan moh mpurot keih go' wakng penjara. Lalu, enikah tih-tih kao e'k bodo' keih uwah secara da' muno'? Nte'! Sa' e'k odop kao e'k monog ngan bodo keih mudos." ³⁸ bara polisi setn nyino' mmiyu-mmiyu setn ge' hakim-hakim kota. Kao toru pas kao setn dingah bahwa Paulus ngan Silas adalah warga Roma. ³⁹ Maka, kao setn monog ngan sungoh maaf o' Paulus ngan Silas. So' setn kao puwah e'k Paulus ngan Silas, kao setn sungoh bodo' keduwoh e'k setn tegatn kota setn. ⁴⁰ Lalu, kao setn mmudos so' penjara ngan murot go' emin Lidia, ngan pas kao kunyuh madih-madih seiman, Paulus ngan Silas meneguhkan otoi kao setn, lalu bu.