¹ Sekareng, lipes Sabat, saat menjelang dariq, pada olo pertama minggu iro, Maria Magdalena dan Maria yaq bali engko neaw la lubekng iro. ² Dan, perhatikan, terjadiqlah gempa bumi yaq solai kerna malaikat Tuhan ili ete surga, empet dan ngulikng batuq iro, lipes  iro tuet mo punanyaq. ³ Boetn uhaq kiaq ilap dan pakayetnyaq bura kiaq salju. ⁴ Kerna rasa takut terhadepyaq, abetn penjaga iro terguncang dan jadiq kiaq ulutn-ulutn mate. ⁵ Dan, malaikat iro biongau la bawe-bawe iro, “Boteq takut kerna aap tauq amen ka elo Yesus yaq epuq senalib. ⁶ Uhaq aweq mo ohoq kerna Uhaq epuq uwat kiaq yaq tenokai-Uhaq. Ayoq, neawlah antai Uhaq penelukuq. ⁷ Gagaqlah engko dan nyeqtauq murid-murid-Uhaq amen Uhaq epuq uwat ete antara ulutn mate, dan neaw, Uhaq nyemponaq ka la Galilea. Mo aro, ka akan ruku Uhaq. Perhatikanlah, Aap epuq nokai yaq la ka.” ⁸ Dan, ulutn golek-golek molak lubekng iro ampetn takut beroh sukacita solai; dan tekoruq kalaq nyeq tauq hal iro la murid-murid-Uhaq. ⁹ Dan, perhatikan, Yesus beruku ulutn dan biongau, “Salam!” Lalu, ulutn  kaat la Yesus, geeg kenekng-Uhaq, dan menyembah-Uhaq. ¹⁰ Lipes iro, Yesus biongau la ulutn, “boteq takut; engko dan nyeqtauqlah kabetn-luhetn-Aap engko la Galilea, dan mo aro, ulutn akan ruku Aap.” Para Penjaga Lubekng Benayar Kalaq Peketaq ¹¹ Sementara ulutn berangket, beberapa penjaga engko la kota dan petauq imam-imam kepala tentang sekorekng hal yaq epuq jadiq. ¹² Dan, beraq ulutn genumpur beroh abetn tuhaq-tuhaq. Lipes berunding, lalu ulutn nyeq sen yaq deoq la para penjaga iro, ¹³ dan biongau, “Nokailah, ‘Murid-murid Yesus empat bayaq malepm olo dan dako-Uhaq saat kaiq turi.’ ¹⁴ Dan, amen hal ohoq kenedingan oleh gubernur, kaiq akan peyakin uhaq dan enaq ka beaw cemas.” ¹⁵ Makaq, ulutn terima sen iro dan berbuet kiaq yaq epuq genajer la ulutn; dan ongau iro maseh tersebar mo antara ulutn Yahudi sampei olo ohoq. Amanat Agung Yesus (Mrk.16:14-18; Luk.24:36-49; Yoh.20:19-23; Kis.1:6-8) ¹⁶ Lipes iro, kesebeles murid engko la Galilea, la saikng yaq epuq penentunuq Yesus la ulutn. ¹⁷ Beraq ulutn kitaq-Uhaq, ulutn menyembah-Uhaq. Akan tetapiq, beberapa ragu-ragu. ¹⁸ Lalu, Yesus kaat dan biongau la ulutn, “Segala kuasa epuq denyeq la-Aap, mo surga maupun mo bumi. ¹⁹ Kerna iro, engkolah dan muridkanlah sekorekng bangsa, baptiskanlah ulutn sua nai Bapa, dan Anak, dan Roh Kudus, ²⁰ ngajerkanlah ulutn kalaq kinteu sekorekng yaq Aap perentahkan la ka; dan tauqlah, Aap selalu menyertai ka, bahkan sampei la akhir zamen.”