¹ Beraq Yesus epuq nyolunkng ongau-ongau ohoq, Uhaq berangket ete Galilea dan empeq la wilayah Yudea, mo empai sunge Yordan. ² Dan, kerumunan solai senarikng nyang-Uhaq, dan Uhaq peleheq ulutn mo aro. ³ Beberapa ulutn Farisi empet la Yesus kalaq peresa Uhaq dan penik, “Meqkah dibenarkan bagiq sookng mentuar ampetn sawaqyaq opekng berbagei alasan?” ⁴ Lalu, Yesus ngejawab dan nokai, “Beawkah ka masa amen Uhaq, yaq pejadiq senarikng sejak awel, pejadiq senarikng sookng beroh bawe, ⁵ dan Uhaq berfirman, ‘Kerna iro, sookng harus molak tamen yaq dan tinen yaq, dan jadiq erai ampetn sawaqyaq, dan keduaqyaq iro akan jadiq erai unuk’? ⁶ Jadiq, Mali beaw eso duaq,  melaitnkan erai unuk. Kerna iro, oon yaq epuq dipersatukan Allah, beaw ngahan benisah senarikng.” ⁷ Ulutn biongau la Yesus, “Lalu, kelemeq Musa perentah nyeq suret mentuar la sawaq yaq amen pekuli sawaq yaq?” ⁸ Yesus biongau la ulutn, “Kerna kekerasan asekng ka, Musa mengizinkan ka petuar sawaq. Akan tetapiq,  pada awelyaq beawlah keliro. ⁹ Dan, Aap nokai la ka enceq yaq petuar sawaq yaq, kecuali kerna zinah, lalu nikah ampetn bawe bali, uhaq berzinah.” ¹⁰ Murid-murid biongau la-Uhaq, “Jika kiaq ohoq hal yaq banen ampetn sawaq yaq, lebeh bueq beaw besawaq.” ¹¹ Namun, Yesus biongau la ulutn, “Beaw sekorekng senarikng ngahan terima ongau ohoq, kecuali ulutn yaq denyeq karunia. ¹² Sebeb, naan senarikng yaq beaw  besawaq kerna memeng lahir keliro ete butukng tinenyaq, dan naan senarikng yaq beaw besawaq kerna denen mandul oleh ulutn bali, dan naan lei ulutn yaq mandul konaq akatn uhaq edotn demi Kerajaan Surga. Enceq yaq ngahan terima hal ohoq, bierlah uhaq terima yaq.” Yesus Ampetn Tiaq-Tiaq Keding (Mrk.10:13-16; Luk.18:15-17) ¹³ Lipes iro, beberapa tiaq keding doit la-Uhaq nadeq Uhaq nempaq kami Uhaq punan abetn tiaq dan mendoakan mali. Akan tetapiq, murid-murid negur ulutn-ulutn iro. ¹⁴ Namun, Yesus biongau, “Bier ngauq abetn tiaq iro. Boteq kelamen ulutn empet la-Aap sebeb Kerajaan Surga adalah uputn senarikng-senarikng yaq kiaq abetn tiaq keding ohoq.” ¹⁵ Lipes  Yesus nempaq kami-Uhaq punan abetn tiap iro, Uhaq manan ete iro. Kelemeq Ngahan Bolupm Kekal? (Mrk.10:17-31; Luk.18:18-30) ¹⁶ Lipes iro, perhatikan, erai kongaq empet la-Yesus  dan penik, “Guru, hal bueq oon yaq harus aap enaq nadeq ngahan bolupm yaq kekal?” ¹⁷ Dan, Yesus biongau la senarikng iro, “Kelemeq ka penik la Aap tentang oon yaq  bueq? Hanya naan Erai yaq bueq. Namun, amen ka moyu sua la bolupm, taatlah perentah-perentah iro.” ¹⁸ Senarikng iro penik la Yesus, “Perentah yaq meq?” ‘Jawab Yesus, “Boteq munu, boteq berzinah, boteq dako, boteq nyeq kesaksian palsu, ¹⁹ hormatilah tamen dan tinen ka, dan kasihilah samaan ka senarikng kiaq diriq ka sendiri.” ²⁰ Ulutn tiaq iro biongau la-Uhaq, “Sekorekng hal iro epuq aap taati, oon eso yaq maseh kurekng?” ²¹ Yesus biongau la uhaq, “Amen ko kakatn sempurna, engko dan bogei sekorekng pengenaan ko. Lalu,  nyeq la ulutn miskin, dan ko akan uputn retaq mo surga, dan ayoq nyang Aap.” ²² Namun, beraq ulutn tiaq iro dingaq ongau ohoq, uhaq manan ampetn sedih sebeb uhaq kaya jerenih. ²³ Lalu, Yesus biongau la murid-murid-Uhaq, “Aap nokai yaq sebujuryaq la ka, sulit bagiq ulutn kaya untuk sua la Kerajaan Surga. ²⁴ Eso sinai, Aap nokai la ka amen lebeh juga bagiq erai ikui unta lalo liang ilos  etepadaq ulutn kaya sua la Kerajaan Allah.” ²⁵ Beraq para murid dingaq ongau iro, ulutn jadiq terheren-heren, dan nokai, “Kaleu keliro, enceq yaq ngahan senelamet?” ²⁶ Samer neaw la ulutn, Yesus nokai, “Bagiq senarikng, hal ohoq mustahil, tetapiq bagiq Allah, sekorekng hal iro mungkin.” ²⁷ Lipes iro, Petrus biongau la-Uhaq, “Renungkan, kaiq epuq molak sekorekng yaq dan nyang Ko. Jadiq, oon yaq antekng kaiq terima?” ²⁸ Dan, Yesus biingau la ulutn, “Aap nokai yaq sebenaryaq la ka, yaq nyang Aap sua dunia yaq bayuq,  beraq Anak Senarikng tuet mo takhta kemuliaan-Uhaq, ka pun akan tuet mo punan duaq beles takhta kalaq menghakimi keduaq beles suku Israel. ²⁹ Dan, setiep senarikng yaq epuq molak belai, erai butukng sookng, erai butukng bawe, tamen, tinen, abetn-anak, ateu umaqyaq kerna nai-Aap akan terima seratus kaliq lipet dan akan ngewaris bolupm yaq kekal. ³⁰ Akan tetapiq, deoq senarikng yaq pengonaq akan jadiq yaq pengodiq, dan yaq pengodiq akan jadiq yaq pengonaq.”