¹ Lipes iro, beberapa ulutn Farisi dan ahli-ahli Taurat ete Yerusalem empet la Yesus dan biongau, ² “Kelemeq murid-murid-Ko melanggar tradisi itak kakah leluhur? Sebeb, ulutn beaw nguhau kami beraq  man roti!” ³ Dan, Yesus ngejawab serta biongau la ulutn, “Dan, kelemeq ka pun ngelanger perentah Allah demi tradisika? ⁴ Sebeb, Allah berfirman, ‘Hormatilah tamen dan tinenka,’ dan, ‘Enceq yaq mutus tamen atau tinenyaq, harus genukupm  mate.’ ⁵ Namun, ka biongau, “Enceq pun yaq nokai la tamen atau tinenyaq, ‘Oon pun pengenyen kalaq ka epuq  dipersembahkan la Allah,’” ⁶ uhaq beaw perlu menghormati tamen atau tinenyaq. Dengan keliro, ka membatalkan firman Allah demi tradisika ⁷ Ka, ulutn-ulutn munafik, memeng bujur nubuatan Yesaya tentang ka: ⁸ ‘Bangsa ohoq menghormati Aap ampetn molot ulutn, tapiq asekng ulutn oroq ete-Aap. ⁹ Dan, sia-sia ulutn menyembah-Aap ampetn ngajer perentah-perentah senarikng.’” ¹⁰ Dan, Yesus nogeq senarikng deoq dan biongau, “Nyempaning dan pahemlah! ¹¹ Abaq ete yaq sua la molot yaq ngotor senarikng, tapiq oon yaq losek ete molot uhaq, ohoqlah yaq ngotor senarikng.” ¹² Lipes iro, murid-murid Yesus empet dan penik la Uhaq, “Tauqkah Ko  amen ulutn-ulutn Farisi tersinggung beraq dingaq ongau iro?” ¹³ Namun, Yesus ngejawab dan biongau, “Setiep pengulaq yaq beaw genulaq oleh Tamen-Aap yaq mo surga akan senaut sampei la wakatyaq. ¹⁴ Bierlah mali. Ulutn iro adalah pengirikng-pengirikng posa ete ulutn-ulutn posa. Dan, amen ulutn posa ngirikng ulutn posa, keduaqyaq akan lotu sua luakng.” ¹⁵ Petrus biongau la-Uhaq, “Jelaskanlah perumpamaan iro la kaiq.” ¹⁶ Yesus biongau, “Meqkah ka maseh male pahem lei? ¹⁷ Meqkah ka beaw ngerti amen sekorekng esaq yaq sua la molot akan ili la butukng dan dobet la sua jametn? ¹⁸ Tapiq, oon yaq losek ete molot timur ete asekng, dan irolah yaq pekotor senarikng. ¹⁹ Kerna ete asekng timur pikiran-pikiran daat, aher munu, aher zinah, dosa-dosa seksual, aher dako, kesaksian pelsu, dan fitnah. ²⁰ Hal-hal ohoqlah yaq pekotor senarikng, tapiq man beaw mui kami beaw pekotor senarikng.” Yesus Awat Bawe Kanaan (Mrk.7:24-30) ²¹ Lipes iro, Yesus manan ete iro dan nyingkir la daerah Tirus dan Sidon. ²² Dan, erai bawe Kanaan aser ete daerah iro empet dan nangih la Uhaq “Terasilah aap Tuhen, Anak Daud! Anak bawe aap kerasukan roh daat payah jerenih.” ²³ Tapiq, Yesus beaw  gejawab bawe iro, erai ongau pun. Dan, murid-murid-Uhaq empet dan mendesak-Uhaq, tokai ulutn, “Siulah uhaq lemaq kerna uhaq terus-menerus  nangih mo oditn takaq.” ²⁴ Lalu, Uhaq ngejawab dan biongau, “Aap hanya genutus la domba-domba yaq tawaq ete umat Israel.” ²⁵ Lipes iro, bawe iro empet dan sujud mo telamaq Yesus, tokai ongan, “Tuhen, awatlah aap!” ²⁶ Namun, Yesus ngejawab dan nokai, “Beaw bueq alaq roti uputn abetn-tiaq dan nempalekng la abetn-kokoq.” ²⁷ Bawe iro ngejawab, “Bujur, Tuhen, tapiq abetn-kokoq iro man remah-remah yaq lotu ete meja tuen yaq.” ²⁸ Lipes iro, Yesus biongau la uhaq, “Hai bawe, imanko solai! Terjadiqlah la ko kiaq pengakatn ko.” Pada saat iro lei, anak bawe ongan peneleq. Yesus Peleheq Ulutn Deoq ²⁹ Yesus manan ete iro, nelusur dirikng nohen Galilea. Dan, Lipes sengkaq la mo saikng, Uhaq tuet mo aro. ³⁰ Lipes iro, kerumunan senarikng deoq empet la Uhaq, oit senarikng-senarikng yaq lumpuh, saset, posa, bisuq, dan deoq senarikng bali. Lalu, ulutn pelukuq senarikng-senarikng iro mo kenekng Yesus dan Uhaq peleheq mali, ³¹ sehingga senarikng deoq iro terheren-heren beraq ulutn kitaq yaq bisuq biongau, yaq saset dipulihkan, yaq lumpuh ngahan manan, dan yaq posa ngahan kitaq. Dan, ulutn memuliakan Allah Israel. Yesus Nyeq Okatn La Lebeh Ete Opat Ribuq Senarikng (Mrk.8:1-10) ³² Lalu, Yesus nogeq murid-murid-Uhaq dan biongau, “Aap timur terasi la senarikng-senarikng iro kerna mali epuq nyang-Aap sekolatn toluq olo dan aweq esaq okatn. Dan, Aap beaw moyu siu mali uli ampetn lauq nadeq mali beaw lokas mo lalaq.” ³³ Lipes iro, para murid nokai la-Uhaq, “Ete meq takaq ngahan roti deoq mo antai yaq sepi ohoq kalaq pebotikng senarikng deoq iro?” ³⁴ Yesus penik la ulutn, “Berapa deoq roti yaq naan mo ka?” Ulutn   ngejawab, “Turu, dan semperening kinas keding.” ³⁵ Lalu, Yesus memerentah senarikng deoq iro tuet mo tana. ³⁶ Lipes iro, Uhaq alaq keturu roti ampetn kinas-kinas iro. Dan, samer mengucap syukur, Uhaq nyebit-nyebit yaq, dan nyeq la murid-murid-Uhaq, dan murid-murid-Uhaq nyeq la senarikng deoq iro. ³⁷ Sekorekng mali man dan botikng. Lalu, mali alaq pudot-pudot yaq sisa, naan turu keranjang punikng. ³⁸ Ulutn yaq man naan opat ribuq kongaq sookng, beaw termasok bawe dan abetn tiaq. ³⁹ Setelah siu senarikng deoq iro uli, Yesus sua la alur dan manan la daerah Magadan.