1 Dan, Yesus nogeq keduaq belas murid-Uhaq serta nyeq ulutn kuasa atas roh-roh najis kalaq ngusir roh-roh iro dan kalaq peleheq segala masem rotetn maupun segala masem meraraq. 2 Ohoqlah nai-nai keduaq beles rasul iro: Yaq pertama, Simon yaq tenokai Petrus, dan Andreas eraibutukngyaq, dan Yakobus anak Zebedeus, dan Yohanes eraibutukngyaq, 3 Filipus, dan Bartolomeus, Tomas, dan Matius yaq pengumpur pajak, Yakobus anak Alfeus, dan Tadeus, 4 Simon ulutn Zelot, dan Yudas Iskariot yaq mengkhianati Yesus. 5 Yesus ngutus keduaq beles rasul iro dan perentah mali, “Boteq nujuq la lalaq bangsa-bangsa bali atau sua la kota ulutn Samaria, 6 melainkan engkolah nujuq domba-domba yaq molo ete antara umat Israel. 7 Dan, selama ka manan, nyiarkan berita, ‘Kerajaan Surga epuq diniq.’ 8 Peleheqlah yaq berotetn, pesulilah yaq mate, tahirkanlah yaq rotetn kodokng, dan usirlah roh-roh daat. Ka terima ampetn cuma-cuma, maka nyeqlah ampetn cuma-cuma. 9 Boteqlah ka oit emas, atau pirak, atau tembaga sua pendengka, 10 atau oit nguyuq, atau duaq buti sape, atau sandal, atau tungket sebeb ulutn yaq kerjaq pantas ngahan upahyaq. 11 Dan, mo kota atau desa meqpun yaq senua ka, nyelidikilah enceq yaq layak mo pede iro nongkolah mo iro sampei ka berangket. 12 Beraq ka sua la belai iro, nyeqlah salam. 13 Dan, amen belai iro layak, bierlah damai sejahteraka ili atasyaq, tapiq amen beaw, bierlah damai sejahteraka uli la ka. 14 Dan, enceqpun yaq beaw terima ko atau beaw moyu dingaq ongauko, beraq ko losek ete belai atau kota iro, kebeskanlah debu kenekngko. 15 Aap nokai yaq sebenaryaq la ka pada olo penghakiman, tana Sodom dan Gomora akan lebeh nean tanggunganyaq etepadaq kota iro.” Kesulitan-Kesulitan Yaq Tenelamaq Para Murid (Mrk.13:9-13; Luk.21:12-17) 16 “Perhatikan, Aap ngutus ka kiaq domba la tengah-tengah serigala. Kerna iro, jadiqlah jaji kiaq nipaq dan tulus kiaq merpati. 17 Tapiq, berhati-hatilah terhadap sekorekng senarikng kerna ulutn akan nyerahkanko la Makamah Agama dan akan nyambukko mo sinagoge-sinagoge ulutn. 18 Dan, kerna Aap ka akan doit la telamaq para penguasa dan para raja kalaq kesaksian ulutn dan kalaq bangsa-bangsa yaq beaw kener Allah. 19 Namun, beraq ulutn nyerahkan ka, boteq kuatir tentang kelemeq atau oon yaq akan tenokai kerna sekorekng yaq iro akan dikaruniakan la ka pada saat iro lei 20 Sebeb, abaq ete ka yaq biongau melainkan Roh Tamenka yaq biongau mo sua ka. 21 Ulutn akan menyerahkan eraibutukngyaq kalaq benunu, dan keliro lei tamen terhadap anakyaq Dan, anak-anak akan nopa para ulutn tuhaqyaq dan munu mali. 22 Ka akan benenci oleh setiep senarikng kerna nai-Aap, tetapiq ulutn yaq bertahan sampei akhir akan diselamatkan. 23 Beraq ulutn menganiaya ka sua erai kota, uyoqlah la kota yaq bali. Aap nokai yaq sebeneryaq la ka amen ka beaw akan solukng lalo kota-kota Israel sampei Anak Senarikng empet. 24 Murid beaw lebeh ete guruyaq, keliro lei pelayan beaw pelebeh tuenyaq. 25 Cukuplah amen murid jadiq kiaq guruyaq, dan pelayan jadiq kiaq tuenyaq. Amen ulutn nokai tuen belai iro Beelzebul, betapa lebeh buruk eso la anggota keluargayaq.” Takutlah La Allah Beaw La Senarikng (Luk.12:2-7) 26 “Kerna iro, boteq ka takut la ulutn sebeb aweq naan oon pun yaq tertutup yaq beaw akan benuke, atau yaq rahasia yaq beaw akan penentauq 27 Oon yaq Aap nokai la ka sua denepm, nokailah iro sua terekng. Dan, oon yaq ka dingaq genonih mo kelingenka, beritakanlah mo punan sapo belai. 28 Boteq takut la ulutn yaq ngahan munu unuk, tapiq yaq beaw ngahan munu jiwa, melainkan terlebeh takutlah la Uhaq yaq ngahan memusnahkan jiwa maupun unuk mo neraka. 29 Beawkah duaq ikui pepuluq empit benogei erai duit? Dan, beaw naan erai ikuipun ete pepuluq iro akan lotu la tana mo luar pengakatn Tamenka. 30 Bahkan, Balo sua utekko sekorekng yaq puq ditung. 31 Kerna iro, boteq takut, ka lebeh bernilai etepadaq pepuluq-pepuluq empit” Ngakui Yesus Mo Telamaq Ulutn Bali (Luk.12:8-9) 32 “Jadiq, setiep ulutn yaq mengakui Aap mo telamaq senarikng, Aap pun akan mengakui uhaq mo telamaq Tamen-Aap yaq naan mo surga. 33 Tapiq, enceq yaq menyangkal Aap mo telamaq senarikng, Aap pun akan menyangkal uhaq mo telamaq Tamen-Aap yaq mo surga.” Tujuan Yesus Empet (Luk.12:51-53; 14:26-27) 34 “Boteq berpikir amen Aap empet kalaq oit perdamaian mo bumi. Aap empet beaw oit perdamaian, melainkan pedang. 35 Sebeb, Aap empet kalaq memisahkan anak sookng ete tamenyaq, anak bawe ete tinenyaq, nantutn bawe ete tuputn baweyaq, 36 dan musuh erai kongaq adalah ete anggota keluargayaq. 37 Enceq yaq lebeh mengasihi tamen atau tinen yaq etepadaq Aap, beaw layak bagiq-Aap. Dan, enceq yaq lebeh mengasihi anak sookng atau anakyaq bawe etepadaq Aap, beaw layak bagiq-Aap. 38 Dan, enceq yaq beaw mengkat salibyaq dan nyang Aap, beaw layak bagiq-Aap. 39 Enceq yaq mempertahankan nyawa akan tawaq nyawayaq, dan enceq yaq tawaq nyawayaq demi Aap akan ngempuutnyaq.” Upah Ete Allah (Mrk.9:41) 40 “Enceq yaq terima ka, terima Aap. Dan, enceq yaq terima Aap, terima Uhaq yaq ngutus Aap. 41 Enceq yaq terima nabi sua nai nabi akan terima upah nabi. Dan, enceq yaq terima ulutn bener sua nai ulutn bener akan terima upah ulutn bener. 42 Dan, enceq yaq nyeq danum isep la salah erai ete ulutn-ulutn yaq keding ohoq meskipun hanya erai sangkir danum bura sua nai erai murid, Aap nokai yaq sebenaryaq la ka, uhaq beaw akan tawaq upahyaq.”