Pasal 6
Petunjuk Khusus Kalaq Abetn Ripetn
1
Sekorekng senarikng yaq nangukng beban sebagei ripetn haruslah nganggep tuenyaq sebagei ulutn yaq pantas ngahan segala hormat nadeq nai Allah dan pengajeran takaq beaw dicela.
2
Sedengkan abetn ripetn yaq tuenyaq adalah ulutn persaya, boteqlah ngurekng rasa hormat la ulutn kerna ulutn adalah kabetn-luhetn erai iman. Sebaliqyaq, abetn ripetn harus melayani tuenyaq ampetn lebeh bueq oliq kerna yaq terima berkat pelayanan adalah ulutn-ulutn persaya ampetn senarikngyaq ulutn kasihi. Ajerkan dan nasihatkan hal-hal ohoq la ulutn.
Tentang Ajaran Laitn Ampetn Cinta Sen
3
Amen naan senarikng yaq ngajerkan ajeran laitn yaq beaw sesuei ampetn ongau yaq benar ete Tuhan takaq Kristus Yesus dan beaw sesuei ampetn ajeran kesalehan,
4
uhaq adalah pembual dan beaw mengerti oon-oon. Uhaq hanya tertarik ampetn perbantahan yaq beaw sehat, yaq hanya memperdebatkan ongau-ongau yaq justru petimur asekng iri, perpecahan, fitnah, ampetn kecurigaan yaq daat,
5
serta terus-menerus enaq perselisihan mo antara ulutn-ulutn yaq pikiranyaq epuq rusek dan nulek kebenaran, yaq ngira bahwa kesalehan adalah cara antai ngahan keuntungan.
6
Akan tetapiq, kesalehan yaq disertai rasa sukup akan nyeq manfaat yaq solai.
7
Sebeb, takaq beaw oit oon-oon beraq sua la dunia dan takaq pun beaw ngahan oit oon-oon beraq losek ete dunia ohoq.
8
Amen epuq naan okatn ampetn pakaiyetn, takaq akan ngerasa sukup.
9
Senarikng yaq kakatn jadiq kaya lotu la sua pencobaan ampetn jebakan, serta berbagei nafsu yaq polo ampetn membahayakan yaq akan pelotekng ulutn-ulutn la sua kehancuran ampetn kebinasaan.
10
Sebeb, cinta akan sen adalah akar ete segala masem kedaat. Ulutn-ulutn yaq perasuq sen epuq menyimpang ete iman dan menyiksa diriq sendiri ampetn berbagei dukacita.
Beberapa Hal Yaq Harus Dinget
11
Akan tetapiq, ko sebagei senarikng ete Allah, pekoroqlah diriq ko ete sekorekng iro. Perasuqlah kebenaran, kesalehan, iman, kasih, ketabahan, ampetn kelembutan.
12
Berjuanglah sua perjuangan iman yaq bueq dan geeqlah pede bolupm kekal yaq kalaq iro ko tenogeq beraq ko nyeq pengakuan yaq bueq mo telamaq deoq saksi.
13
Mo telamaq Allah yaq nyeq bolupm ates sekorekng esaq ampetn mo telamaq Yesus Kristus yaq nyeq pengakuan yaq bueq beraq mentelamaq ampetn Pontius Pilatus, aap perentah,
14
kirayaq ko menjalankan perentah ohoq ampetn aweq saset dan aweq naan cela hingga pengempet Tuhen takaq Kristus Yesus.
15
Pede saat yaq ditentukan-Uhaq, Uhaq akan pekitaq diriq-Uhaq sebagei satu-satuyaq Penguasa, Raja ates segala raja, dan Tuen atas segala tuen.
16
Uhaqlah satu-satuyaq kekal, yaq nongko sua terekng yaq beaw terhampiri, yaq aweq erai senarikng pun pernah kitaq ateu ngahan neaw-Uhaq. Bagiq Uhaq, segala hormat ampetn kuasa yaq kekal! Amin.
17
Sementara iro, perentahkanlah ulutn-ulutn kaya mo zamen ohoq aga boteq mago ateu ngonaq harapan pede kekayaan yaq beaw pasti, tetapiq ngonaqlah harapan la Allah, yaq ampetn limpah nyedia sekorekng esaq bagiq takaq kalaq dinikmati.
18
Perentahkanlah ulutn berbuet bueq, jadiq kaya sua perbuetan-perbuetan bueq, jadiq senarikng yaq murah asekng, ampetn siap sempagig.
19
Ampetn keliro, ulutn akan ngumpur retaq bagiq diriq ulutn edotn sebagei daser yaq bueq kalaq masa yaq antekng empet sehingga ulutn ngahan begontekng pede bolupm yaq sesungguhyaq.
20
Timotius, jagalah oon yaq epuq dipercayakan la ko. Hindarilah sareng yaq duniawi beroh ongau hampa serta pertentangan yaq secara salaq tenokai “pengetahuan”,
21
yaq konaq mengakuiyaq, iman beberapa senarikng jadiq menyimpang. Anugerah menyertai ko.