Pasal 5
Sikap Sua Negur Saman
1
Boteq negur sookng-sookng yaq lebeh tuhaq ampetn kaser, tetapiq perlakukan uhaq sebagei tamen, dan perlakukan sookng-sookng yaq lebeh tiaq sebagei erai butukng.
2
Perlakukan bawe yaq lebeh tuhaq sebagei tinen, dan bawe yaq lebeh tiaq sebagei aniq ampetn penuh kesucian.
Mengenai Abetn Janda
3
Hormatilah janda-janda yaq bujur-bujur janda.
4
Namun, jika janda eso naan anak ateu opotn, ulutnlah yaq pertama-tama harus belajer petenteq bakti la kabetn erai belaiyaq sendiriq. Ampetn keliro, ulutn epuq males budi la ulutn tuhaqyaq, sebeb hal ohoqlah yaq peseneng Allah.
5
Sedangkan janda yaq bujur-bujur janda dan bolupm edotn, uhaq harus ngonaq harapan uhaq la Allah serta terus pekengket permohonan dan doa jelo ampetn malepm.
6
Namun, janda yaq bolupm hanya berfoya-foya, uhaq epuq mate waleupun uhaq maseh bolupm.
7
Perentahkan lei hal-hal ohoq la jemaat nadeq ulutn beaw bercela.
8
Akan tetapiq, Amen erai kongak beaw memelihara kabetn keluargayaq sendiriq, khususnya keluarga diniqyaq, berarti uhaq epuq menyangkali iman uhaq dan uhaq lebeh daat etepadaq senarikng yaq beaw persaya.
9
Janda yaq penensua sua daftar hanyalah bawe yaq berumur paling kurekng jawetn pulu tautn, jadiq sawaq ete erai banen,
10
dan genener kerna perbuatan-perbuatan bueqyaq, yaq iro pesolai anak-anak, nyeq tumpangan, nguhau kenekng ulutn-ulutn kudus, bantu ulutn yaq sua kesulitan, ampetn bertekun sua setiep pekerjaan yaq bueq.
11
Namun, janda-janda yaq lebeh tiaq boteq pesua la daftar, sebeb jika hasrat seksualyaq enaq ulutn oroq ete Kristus, ulutn akan kakatn nikah oliq.
12
Hal ohoq pekempet ukupman kerna ulutn epuq mengingkari janyi pertama yaq epuq benuet ulutn.
13
Mo samping iro, ulutn mulei terbiasa malas-malasan, keliling ete belai erai la belai yaq bali. Beaw hanya iro, ulutn pun enaq gosip ampetn nyang sampur urusan ulutn bali, nokai hal-hal yaq seharusyaq beaw tenokai ulutn.
14
Jadiq, akatn aap aga janda-janda yaq tiaq nikah oliq, melahirkan anak, dan ngurus belai sonoqyaq nadeq aweq naan kesempatan bagiq lawetn antai mencela ulutn.
15
Sebeb, beberapa kongak epuq berbalik nyang Seten.
16
Jika naan erai bawe persaya yaq naan kabetn keluarga yaq janda, bierlah ulutn molupm janda-janda iro sehingga gereja beaw harus dibebani, dan gereja ngahan bantu janda-janda bali yaq bujur-bujur perlu kenebantu.
Tentang Penarua Ampetn Hal Yaq Bali
17
Penatua-penatua yaq ngurus jemaat ampetn bueq layak terima penghormatan duaq kaliq lipet, terutama ulutn yaq bekerjaq keras sua berkhotbah ampetn mengajer.
18
Sebeb, Kitab Suci nokai, “Boteq memberangus molot kerewau yaq sedang menggiling gandum,” dan “Erai kongak pekerja berhak ngahan upahyaq.”
19
Boteq terima tuduhan yaq penelotu la penatua kecuali didasarkan pede bukti ete duaq ateu toluq unuk saksi.
20
Ulutn yaq enaq dosa harus tenegur mo telamaq senarikng deoq nadeq yaq bali takut enaq dosa.
21
Mo telamaq Allah, Yesus Kristus, ampetn abetn malaikat yaq peneli, aap pekinget ko ampetn sungguh-sungguh nadeq kinteu petunjuk-petunjuk ohoq tanpa berprasangka ateu pilih kasih.
22
Boteq terlalu golek menumpangkan kami ates enceq pun ateu boteq nyang alaq bagian sua dosa senarikng bali. Jagalah aga diriq ko tetep suci.
23
Boteq hanya pisep danum bura, tetapiq opekng anggur semperening demi butukng ampetn unuk ko yaq sering meraraq.
24
Dosa ete sebagian senarikng sangat jelas ditatn sehingga menuntun ulutn la pengadilan. Namun, dosa ete sebagian senarikng bali bayuq akan ditatn la odiq.
25
Keliro lei naan perbuatan bueq yaq jelas ditatn. Tetapiq perbuatan bueq yaq beaw ditatn pun, beaw antekng senilek terus.