¹ Terus lei memelihara kasi piariq! ² Inget lei selalu adiq ngokoi tumpangan laq senarikng-senarikng asing koetn ampetn eneq hal iro, beberapa senarikng epuq mayak malaikat-malaikat beau dali sadari. ³ Inget lei senarikng-senarikng yeq dipenjarakan seolah-olah ko dipenjarakan beroq dali, inget lei adeq senarikng-senarikng yeq dianiaya sebab ko pun nonoq be suakng unuk. ⁴ Perkawinan harus dijunjung ampetn ponu hormat oleh kengahai senarikng, broh durukng lei dipatn perkawinan adiq tetap murni, sebab Allah antekng ngukum senarikng-senarikng yeq cabul broh para penzina. ⁵ Pekoroq lei bolupm ko nekeq cinta uang, broh sukup lei unuk ko ampetn ense yeq ko pu'utn sebab Daq edotn kulek: "Ap beau antekng ngikah ko, broh beau antekng pernah mengabaikan ko." ⁶ Jadi, takaq ahatn kulek ampetn ponu keyakinan: "Tuhan adalah Pengawat ap, broh ap beau antekng takut. Enseq yeq ahatn deneq senarikng napakng ap?" ⁷ Inget lei para pemimpin ko, dali yeq epuq ngajer firman Tuhan laq ko. Perhatikan lei hasil nekeq saraq bolupm dali, broh umakng lei iman dali. ⁸ Yesus Kristus tetap sama, alepm, olo hoq, broh empe seolaq-olaq yeq. ⁹ Boteq lei ko penemolo oleh pengajer yeq beremasam broh yeq beau ko kenal; koetn adalah hal yeq bueq bahwa asekng dikuatkan oleh anugerah, baq oleh aturan tentang okatn yeq beau ngokoi diq nenotn dali yeq menjalani daq. ¹⁰ Takaq pu'utn altar yeq nekeq daq senarikng-senarikng yeq melayani be Kemah Suci beau berhak adiq matn. ¹¹ Broh, koetn unuk nekeq hewan-hewan yeq daya daq doit oleh imam solai laq Ruang Mahakudus sebagai persembahan penebusan dosa senuru be sawo perkemahan, ¹² maka Yesus adeq menderitaq be sawo jawekng kota demi menguduskan umat-Daq ampetn daya-Daq edotn. ¹³ Koetn iro, oneq takaq ruku Yesus be sawo perkemahan, broh mosotn kehinaan yeq sama ampetn kehinaan yeq epuq dosotn-Daq. ¹⁴ Sebab, be bumi heq takaq beau pu'utn kota yeq antekng na'atn empe seolaq-olaq yeq, tetapi takaq ju'ukng emaq kota yeq antekng sulet. ¹⁵ Koetn iro, lalo Kristus mari lei takaq terus-menerus mempersembahkan kurban pujian laq Allah, yeq iro bunim biwiq yeq memulikan aratn-Daq. ¹⁶ Boteq lei ko kelot eneq bueq broh membagikan enseq yeq ko pu'utn koetn kurban nget iro lei yeq pesenekng Allah. ¹⁷ Taat lei laq para pemimpin ko broh tunduk lei laq dali koetn dali lei yeq durukng jiwa ko broh yeq harus ngokoi pertanggungjawaban mo'tn daq. Ampetn ngentiro, dali antekng eneq yeq ampetn gegoq ehew, baq ampetn berkeluh kesah koetn hal iro beau antekng ngokoi keuntungan laq ko. Penyake Doa ¹⁸ Berdoa lei nenotn kaitn koetn kaitn yakin bahwa kaitn pu'utn asekng nurani yeq bueq, yeq selalu besahaq eneq kengahai hal ampetn saraq yeq terhormat. ¹⁹ Ap pekereq ko adiq berdoa ampetn lebeh sungguh-sungguh oliq adiq ap lekah penengkuli laq ko. ²⁰ Neheq, Allah sumber damai sejahtera, yeq epuq pesuli mulik Yesus, Tuhan takaq, Sang Gembala Agung motn domba-domba-Daq, ampetn daya perjanjian yeq kekal ²¹ kira yeq memperlengkapi ko suang sungker hal yeq bueq adiq eneq pengakatn-Daq. Broh, bier lei Daq sekawikng be suang takaq adiq pesenekng asekng-Daq lalo Kristus Yesus, yeq laq-Daq lei kemuliaan empe seolaq-olaq yeq. Ami. Salam Penalep. ²² Panatn-piariq ap, ap nejuq ko adiq keringaq boatn patuk ap ampetn sabar sebab engatn patuk ap iro epuq ap tulis laq ko ampetn singkat. ²³ Ap kakatn kulek laq ko bahwa piariq takaq, Timotius, epuq dibebaskan nekeq penjara. Broh, aser daq segera sulet laq ap, maka ap antakng sulet beoq daq engkar bekeruku ko. ²⁴ Pesempe salam kaitn laq para pemimpin ko broh laq kengahai senarikng-senarikng kudus. Panatn-piariq takaq nekeq Italia pesempe salam laq ko. ²⁵ Anugerah Allah ngirikng ko kengahai.