¹ Koetn takaq pu'utn deoq saksi yeq mengelilingi takaq nget jautn, oneq lei takaq ngikah kengahai beban broh dosa yeq ngiket takaq broh mensit ampetn tekun be perlombaan yeq senendia be tengawetn takaq. ² Bier lai mateq takaq tertujuq laq Yesus, Sang Pencipta broh Penyempurna iman takaq, yeq demi gegoq eheq yeq epuq ditetapkan nenotn-Daq, rela menanggung salib broh mengabaikan kehinaan salib iro. Broh neheq, Daq tuet be sila sanatn takhta Allah. ³ Inget lei antekng Yesus, yeq tabah menghadapi permusuhan nekeq senarikng-senarikng berdosa sehingga jiwa ko beau menjadi lebih broh bekat asa. Allah iro Nget Senarikng Umaq. ⁴ Suakng perjuangan ko ngelawetn dosa, ko male empe peduruq daya ko. ⁵ Broh, enseq lei ko epuq kelot patuk yeq dokoi laq ko sebagai tiaq-tiaq? " Hai tiaq ap, boteq anggap entekng didikan Tuhan, broh boteq merasa kedis asekng engkar ko ditegur-Daq. ⁶ Sebab, Tuhan ngajer senarikng yeq teniasi-Daq, broh mencambuk senarikng yeq tenerima-Daq sebagai tiaq." ⁷ Ko harus betahetn demiq didikan iro koetn iro berarti Allah ju'ukng memperlakukan ko sebagai senarikng tiaq; eso oliq, tiaq masam meq kah yeq beau tekatn dididik umaq daq? ⁸ Aser ko beau tekatn menerima didikan yeq seharus yeq diterima enetn kengahai tiaq, ko adalah taiq haram, baq keq tiaq yeq sah. ⁹ Selain iro, takaq pu'utn umaq-umaq be deniq iro yeq mendidik takaq, broh yeq takaq hormati; aser ngentiro, baq keq takaq harus lebeh oliq menundukan unuk laq Umaq motn kengahai ju'us broh motn bolupm? ¹⁰ Sebab, aser umaq takaq yeq na'atn be deniaq iro menghajar takaq empe waktu yeq lekah berdasarkan saraq yeq dali anggap lebeh bueq, Umaq yeq na'atn be seruga menghajar takaq demiq kebuq takaq edotn sehingga takaq mahatn bagian suakng kekudusan-Daq. ¹¹ Kengahai dididkan, be engkar dokoi, memang beau pesenekng broh nareq. Antekng tetapi, opos iro antekng menghasilkan bua kebenetn yeq ngokoi damai sejahtera laq dali yeq epuq delatih oleh didikan iro. Perhatikan lei Saraq Bolupm ko ¹² Sebab iro, kuatkan lei kamitn ko yeq lomeq broh tekaleu ko yeq goyah, ¹³ eneq lei alatn yeq mengkorekng nenotn kukutn ko sehingga tuangkai kukutn yeq lomeq beau menjadi lumpuh, tetapi penembemeq. ¹⁴ Perasuq lei perdamaian ampetn kengahai senarikng, broh dasuq lei kekudusan sebab aweq kekudusan, beau erai senarikng pun ahatn kiteq Tihan. ¹⁵ Pastikan adiq boteq na'atn senarikng pun yeq jaweh anugerah Allah; pastikan adeq adiq boteq na'atn wakat pait yeq tumu broh petimur masalah sehingga mencemari deoq senarikng. ¹⁶ Broh, pastikan lei adiq boteq na'atn senarikng yeq eneq cabul atau beau suci nget Esau yeq ngejuar hak kesulungan daq demi erai mangkok okatn. ¹⁷ Sebab ko tauq bahwa be kemudian olo, engkar Esau kakatn warisan berkat iro, daq diteolak broh beau antekng oliq kesempatan adiq bertobat sinai pun daq elokng yeq ampetn mitek anupm mateq. ¹⁸ Sebab ko beau sulet laq saikng yeq ahatn kenobit, laq apui yeq ngamatn-ngamatn, atau laq demepm, kekelaman, broh badai. ¹⁹ Ko pun beau sulet laq engatn trompet, broh laq engatn yeq ulek daq eneq para pengeringaq yeq beteyasi ampetn mahut adiq boatn iro beau dulek oliq laq dali. ²⁰ sebab dali beau ahatn tahetn keringaq perentah yeq dokoi, "Bahkan aser erai ikui benatakng siani pun yeq ngobit saikng iro, maka benatakng iro harus tenurak bereq batuq empe mate." ²¹ Broh, ngentiro mengerikan yeq pemandangan iro empe-empe Musa pun kulek, "Ap segenter ketakutan." ²² Namun, ko epuq sulet laq Saikng Sion, broh laq kota Allah yeq bolupm, Yerusalem surgaei, broh laq malaikat yeq beau tereitukng kedeh yeq, ²³ Ko epuq sulet laq perkumpulan solai jemaat yeq terdiri nekeq tiaq-tiaq sulung Allah yeq epuq terdaftar be seruga, laq Allah, Hakim motn kengahai senarikng, broh laq ju'us senarikng-senarikng bujur yeq epuq disempurnakan. ²⁴ Ko epuq sulet laq Yesus, Perantara Perjanjian yeq bayuq, broh laq daya yeq penesik, yeq boq lebeh bueq nekeq padaq daya Habel. ²⁵ Pastikan lei adiq boteq ko menolak Daq yeq boa. Koetn aser dali yeq menolak Daq yeq ngokoi pekinget nekeq bumi saja beau ahatn ngelepes unuk, maka takaq pun beau antekng ahatn ngelepes unuk nekeq Daq yeq ngokoi pekinget nekeq seruga. ²⁶ Oneq, engan-Daq ngukui bumi, tetapi neheq Daq bejanyi, "Namun, sinai kali Ap beau edeh antekng ngukui bumi, tetapi adeq seruga." ²⁷ Uangkapan "sinai oliq" nundruq tentang pemusnahan hal-hal yeq ahatn digoyahkan, yeq iro kengahai yeq epuq diciptakan, adiq hal-hal yeq beau digoyahkan ahatn nonoq tetap. ²⁸ Koetn iro opos takaq menerima kerajaan yeq beau tergoyahkan, oneq takaq nundruq kanapm sukur ampetn mempersembahkan ibadah yeq layak laq Allah, yeq disertai kanapm hormat broh ponu kekaguman, ²⁹ sebab Allah takaq adalah apui yeq pesoyaq.