¹ Amʉ khʉʉb aaipʉita jẽp chi phoboor Israel pienau pʉraujim jãg ichig juakthoor jautar jẽb Canaán gai, jãp jautar a mag chi Eleazar chi saserdoteeu, ma jaujim Josueg chi por amach joinden chi phobor ja ee Israel ai. ² Jaukhon amden ãupʉitar jʉrau jierram am por wajaunaarawai jãap awie jayap chi khog naan, i maimaa chi khognaan jãdachan khʉrag, magsim aawai Ẽwandamua jãi jim Mosee jua ee mʉata depan. ³ Khan jãg wie Moiseeu deeji mag jaakhar aupʉatar chi khõog daunamin khʉrag i jãdacha awia naag pʉi jordan den, ma mʉ Levitas pienag dee bajim chi juakhar aupʉtarr. ⁴ Chi khodnag khʉʉn Jose denan, Manases i maigmua Efrain, ni ãbanjã perasdan juakhar den deeban jim Levitaspienan mʉj jẽb gai, mag banuawai khopan khabam khʉr gai wenurankhĩir, amach jẽb da amach nenchai jayapan khʉ juabautarr amach itee wainaagau amach dencha neminag ik ju atee. ⁵ Chi phoboor Israelden waujim jãb Ẽwandam mau jauterrjo awie Moiseeg, mag ba nauawai amach deu deejin jẽb. ⁶ Maig mʉa chi khognaan Juda den veesim Josue ar a mui phoboor Gilgal. Caleb, chi iewa Jefone den, chi ceneeo, pieerau ichig aujim: "pʉ khaphusim Ẽwandam den, pʉ deen maimua mʉ dan den, pʉ deen Barnea. ⁷ Mʉ wai chirajim ãyõo mõr numi (40) maa wai Moisee Ẽwandam chogau, cades Barnea mʉa deepʉijim jẽb oon. Mʉa ieg jawaag aug beejim, much thãrau wauju atarro. ⁸ Pari mamʉ mʉ ẽudeen khʉʉn mʉ dʉi waidʉtagrr khunauta waujieram chi õor thãar japhiie thunʉ ma doordʉ pʉjim. Parii mag sim ee amaach aai Ẽwandam bʉta mua ẽkhajim. ⁹ Moiseeu jauma majim mʉg iek mag edgaa, maig jaujim: "chadcha aju pua jẽb nuuratarr juakhaeir aupuatarr pʉden paju maimua pʉ chaain ithee ichmag sĩsiju, pʉa chadcha mʉ Ẽwandamau bʉ ẽkhatarr aig." ¹⁰ Maigmua, oba! Ẽwandamau mʉ monatha waigdurrum mug mor numi awia jua ãb ãyõo, mag ichdiu jaautarrjo, aag ed Ẽwandamau mug iek iekhatarr Moiseeg, Magwai Israelpien wewut thʉnʉm ee nuujieram. Magwia, onʉʉ ab ĩs mʉ 85 ãyõo aug chirʉm nuurum. ¹¹ Achamu ed awia agat juapa theeg chirʉm Moiseu mʉ deepuirtarr edamjo. Mʉ juapa agat sim ich sĩierjo magmai, khukhaag mai mua maag athee maimua beegathee ¹² Agjo, magwiaja, deeba mʉg jẽb dʉrr bʉ apha sim, Ẽwandamuau murĩg deeju ataar mag ed. puchdiu ʉʉtarrnaaig mag ed gaai, amanacesspien jãgrai thunaajim phobor pom thunum thua paarasier aig. Ẽwandam mʉ dUi sĩeeg maimua am mua jʉrpuiju dawag, Ẽwandamau murig jaautarrjo." ¹³ Nʉʉpʉi, Josue iek wajapan deejim chi phobor Hebron chi Jefone dan. ¹⁴ Ichagju awia Hebron leerbajim juo khaan chi Caleb den, iewa jefonu den ich Enezeo mag eg, khãn jãp wie ichdeu Ẽwandam bʉ ur tarr aawaai, chi Ẽwandam Israel pier den. ¹⁵ Magan euba, chi thʉn Hubron den nacha jau jeejim Quiriart Arba. (Arba ajim chi enkhoi wajapan am eeun anaceos pieen em.) Magan magtha mʉg jẽb jua ʉʉi jim khukhã num den.