¹ Maig Josué jooiraa sĩejim anʉm Ẽwandamua ĩrĩg iekhawai: "Pʉ jooiraa sim, mamʉ mag sim ee agat jẽb pom thʉnʉm theerba awaag." ² Mʉg jẽbta chagta thʉba sim: filisteopien jẽb thunwe maimua gerusitaspien jẽg agjo, ³ (Sihor mua, Egipto edua oberjem gar, maimua norte mua Ecron durr khĩir thẽu sim aar, Cananeospien jẽb anʉm aig; chi pornaan Filisteospien jua ãb: Gazapien den, Adodpien den, Ascalonpien den, Getpien den maimua Ecronpien den, agjo Eveospien jẽb). ⁴ Sur gar, agat thunwe sim cananeospien jẽb, maimua Mehara agat Cidoneospien den anʉm, Afec gar, amorreospien khĩir thẽu sim aar; ⁵ giblitaspien jẽb, maimua thunwe libanopien edau oberjem gar nʉm, Baal Gad mua durr Hermon eegar magnaa Lebo Hamat sim gar. ⁶ Agjo, thunwe chi õor Libano durr gaai nʉm khʉʉn mag Misrefot Maim sim aar, agjo thunwe õor Sidonpien. "Mua am khechju Israelpien chaain dauna. Wajapha oonaata Israelpienag jĩgaagau chi jẽb amag aupʉatarr, pãrãg mua waupitarr jo. ⁷ Mʉg jẽb thoorkhana jĩgapʉi jã khʉʉn khodnaan jua ãb awia thãrjũp nʉm khʉʉnag juakharr jo maimua Manases khodnaan jãdacham khʉnag." ⁸ Magwia Manases khodnaan jãdacha, rubenitaspien maimua gaditaspien dʉimua aujiierram chi juakharr Moiseu deetarr Jordán edau oberjem gar, ⁹ Aroer mua, Arnón dojã khʉtag bi gaau sim aig (mag ee agjo phobor khʉtag jãdach sim ee), durr bʉ ʉ̃r phaauruu sim Medeba den sim aar maimua warrphag sim Dibon jo awia; ¹⁰ thunwe Sehón phobor thʉnʉm, rei amorreospien den, maguata Hesbón gar wai dʉnʉitarr, chi amonitaspien durr khĩir thẽu sim aar; ¹¹ Galaad, maimua gerusitaspien jẽb magwia macateospien den, Hermón durr thunwe, maimua thunwe Basán Salca aar; ¹² thunwe Og anʉmauta wai dunʉi sim Basán gar, magwia waai dunʉijim Astarot gar maimua Edrei gar (ma khʉʉnta thʉba jiieram refaitaspien den) Moiseu am ganwia maimua am jʉrpʉijim. ¹³ Mamʉ chi Israelpien phoborau jʉrbajiieram anʉm gesuritaspien magba mʉn maacateospien anʉm. Warag, Gesurpien maimua maacapien Israel phobor gaai jooba weenʉrʉm agtha ĩsim edau gaai. ¹⁴ Leví khodnaanagta Moiseu juakharr deebajim anʉm. Õorãu Ẽwandamag deenʉm, Israelpien Ẽwandam, uu thʉnʉmua simta, jãta paan juakharrau, Ẽwandamau Moiseeg jaautarrjo. ¹⁵ Moiseu juakharr deejim anʉm Rubén khodnaanag, ich khodnaan piier. ¹⁶ Am jẽb Aroer muata sĩiejim, Arnón dojã bi gaau khʉtag sim aig, maimua chi phobor khʉtag jãdachata siiejim anʉm, maimua Medeba khʉtag ajim thunwe. ¹⁷ Rubenau Hesbón agjo aujim anʉm, maimua phobor thʉnʉm thunwe khʉtag sim ee, Dibón, Bamot Baal maimua Bet Baal Meón, ¹⁸ maimua Jahaza, maimua Cademot, maimua Mefaat, ¹⁹ maimua Quiriataim, maimua Sibma, maimua Zaret Sahar durr bʉ bãrã sim khʉtag ee. ²⁰ Rubenau agjo aujim Bet Peor, Pisga durr bʉ bithʉr sim, Bet Jesimot, ²¹ magwia phobor thʉnʉm thunwe durr bʉ phaauruu sin den, maimua thunwe Sehonau waig dʉnʉisierr, Amorreospien rei, Hesbón gar waig dʉnʉitarr, ma ajim anʉm Moiseu ganpʉitarr madianpien pornaan dʉi mua, Evi, Requem, Zur, Hur, maimua Reba, prinsipenaan Sehonpien, jã khʉʉnta chi jẽb aig joobanaajiieram. ²² Israel phoborau agjo thuthuiu Balaam Beor iewa thõojiieram anʉm, jã ajim neminag khau ẽkhaajem ajim, dewan khʉʉn amachdiu thõotarr khʉʉn dʉi. ²³ Magwia Jordán dojãta khĩir thẽu sim Rubén khodnaan dʉi; jã ajim chi khĩir thẽu sim. Ma ajim anʉm Rubén khodnaan juakharr, am khodnaanpier deekhatarr, am phobor thʉnʉm maimua am joobaju dʉi. ²⁴ Mʉ ajim moiseu deetarr Gad khodnaanag, amach khodnaanpierr: ²⁵ Am jẽb Jazer ajim anʉm, Galaad phobor thʉnʉm thunwe maimua amonitas jẽb jãdacha, Aroer sim aar mua, Rabá edau ober jem gar, ²⁶ Hesbón mua Ramat Mizpa sim gar maimua Betonim sim gar, Mahanaim mua Debir jẽb sim aar. ²⁷ khʉtag sim ee, Moiseu deejim Bet Aram, Bet Nimra, Sucot maimua Zafón, agjo agat thʉbatarr khʉʉn Sehonau waig dʉnʉitarr, rei Hesbonpien den, chi Jordán dʉi khĩir thẽu simjo, Cineret phũas eegaram gar, Jordán sim aigmua chumag edau ober sim aar. ²⁸ Mʉ ajim juakharr Gad khodnaan den, amach khodnaan pierr, amach phobor thʉnʉm dʉi maimua am joobaju dʉi. ²⁹ Moiseu juakharr deejim Manases khodnaan jãdacham khʉʉnag. Magta Manasés jãdacham khodnaanag deejierram, amach khodnaan oona. ³⁰ Mahanaim muata sĩejim anʉm am phobor, Basán thunwe, Og anʉmau waig dunʉusiier thunwe Basanpien reiyau, maimua Jairpien phobor thʉnʉm thunwe, Basán sim gar, phobor sesenta nʉm; ³¹ Galaad jãdacha, Astarot maimua Edrei (phobor thʉnarr Og anʉmau waig dʉnʉitarr Basan gar). Achamʉ khʉʉnta Maquir Manases iewa jãg khodnaanagta deetarr ( Maquir õor jãdacham khʉʉnag, amach khodnaanpierr ãhãdu deetarr). ³² Amʉta Moiseu juakharr deetarrau amag Moad khʉtag ee, peer Jordán sim gar mua Jericó edau ober jem gar. ³³ Moiseu Leví khodnaanag paita chi juakharr deebajim anʉm. Ẽwandam, Israelpien Ẽwandamta, jãta paan juakharrau, chadcha amag jautarrjo.