¹ Jabín rey aimua ʉ̃r athawai iek jaupʉijim rey Jobab ar, rey Madón ar, rey Simrón ar, maimua rey Acsaf ar. ² Akhʉ iek jaupʉijim rey naan dʉrsĩgaai dokhẽwag thʉnaar khʉʉnag, mai dokhiergar Cineret naan dosĩg Jordan khʉtad ee naar khʉʉnag, mai dʉ̃rsi Dor thʉ̃nsier gaai narkhʉnag edau oberjemgar bi. ³ Akhʉ iek dee pʉijim Cananeo pienag edau burjemgar bi thʉnarkhʉnag maimua edau oberjem gar thʉnaarkhʉ̃rag, amorreos pienag, hititas pienag, fereseos pienag, mai mua jebuseos naan dʉrsĩgaai narkhʉ̃nag, maimua ãba naajim Heveseos pien Hermon dʉr Mizpa jẽb ee. ⁴ Thʉ̃mwe chi thʉthʉiparaamkhʉ̃ʉn amdʉi khapamta majierram, mõs, phʉ̃as igau thʉ naarjʉta thʉnajim. Khapan wainaajim kawaai maimua Karros. ⁵ Thʉ̃nwe jãkhʉ̃ʉn rey naan barjierram amachdeʉ jautar ai, maimua Merom do ai ãba thubajierram khʉkhãan maag Israel naan dʉi. ⁶ Ẽwandamua Josuet jaujim, "mʉ muichirimai oo japhierram,nan mua mʉg horapaita Israel naan õor chi thõmjuta pʉrig deegau. Aan kabaai bʉ thʉapkha apei maimua aan karros phaakha apei." ⁷ Josuet maimua chi khʉ̃khajemkhʉ̃ʉn beejierram. Degob bar imajierram Merom do ar, mai khʉ̃kha phubadejierram. ⁸ Ẽwandamua Israel naanan dejim aandʉi meukhanarkhʉ̃ʉn, maimua thʉthʉyau thʉgka pʉi jierram mai aan endee ekhajierram Sidón dʉr, Misrephot Maim phobor dʉr maimua khʉtag phobor Mizpa edau burjemgar sier gar. Aan thugka pʉi jierram aan thʉ̃mwe opʉyam ar. ⁹ Ẽwandamua jautarjʉ awia Josueu mag waujim. Aan kabaall bʉthʉab pei jierram maimua aan karro phaakhapei jierram. ¹⁰ Josue mag ed beewai Hazor pʉr aujim. Ich rey thʉthʉyau thʉgkhapʉijim. (Hazor ajim aan por thʉ̃nwe chi rey naanden.) ¹¹ thʉ̃nwe chi õor ai thʉnaarkhʉ̃ʉn thʉthʉyau thʉgkha pʉi jierram, maimua bigau phekhapeijierram aan thõokha pʉyaag, maagwei abamja ĩunbajierram. Mag ichdeu Hazor ʉrpeijim. ¹² Josueu thʉ̃nwe phobor pier rey thʉnaarkhʉ̃ʉn pʉrkha aujim. Adjo thʉ̃nwe rey thʉnaarkhʉ̃ʉn pʉrkha auwia aan thʉthʉyau thʉgkha pʉi jim. Thʉ̃nwe thuthuyaupʉi opʉijim, mag Ẽwandam chogau Moiseu jautarju awia. ¹³ Israelau abamja phaapʉibajim dʉrsĩgaai phobor thʉ̃naarkhʉ̃ʉnja, mag sim ee Hazor peita phaapʉijim Josuéu. ¹⁴ Israel pienau paita thʉ̃nwe mʉg phobor ai thʉ naarkhʉ̃ʉn phekha aujierram amai nemin thʉ naarkhʉ̃ʉn mai aan pak ja akhʉ. Amachdeu thõokha pʉijierram chi õor thʉthʉyaupai. mai ãbamja ĩiupibajierram. ¹⁵ mag Ẽwandam chogau Moiseet jautarju awia. mag iek paita Moiseu Josuet jaujim,mai Josueu akhʉpai waujim. ichdeu abamja woupʉabaja ajim, thʉ̃nwe Ẽwamdamua Moiseet jautarjʉ awia. ¹⁶ Josueu thʉ̃nwe chi jẽb pʉrkha aujim, dʉrsĩgainkhʉ̃ʉn, thʉ̃nwe Neguev aram,thʉ̃nwe jẽb Gosen aram, jẽb Bajas aram,khʉtag eem dosĩg Jordan aram, Isaraelam dʉrsĩja aram maimua khʉtag eemkhʉ̃ʉn jẽb aram. ¹⁷ Halac dʉrmua Ẽdom dakha simag, Baal Gad masimag khʉtag dokhẽugar bursimag Libano dakha eegarbi dʉr Hermón ai, ichdeu thʉ̃nwe pʉrkha aujim aan rey naan maimua thõokha pʉi jierram. ¹⁸ Josue dʉrrʉʉ khʉ̃khajim rey thʉmaam khʉ̃ʉn dʉi. ¹⁹ Abam phoboorja Irael paparaamkhʉ̃ʉndʉi iYʉʉ abajierram magan Heveos pien Gabaon dʉr joobanarkhʉ̃ʉn deita iyʉʉ ajierram. Israelau thʉ̃nwe aan phobor pʉrkha aujim khʉ̃khatar eeta. ²⁰ Magta Ẽwandamua aan thãr theeg apijim mai khʉ̃khaan beemkhĩin Israel naan dʉi. Makhʉ̃ʉn ichdeupʉi thʉ̃nwe opʉyamkhĩin mai aan dau aukhaʉpibajim, mag Moiseet jautarjʉ awia. ²¹ Mag ed gaaita beejim Josue mai Anaceos pien opʉijim. Hebron dʉrsĩgaaita mag waujim, Debir gar, Anab gar maimua Juda dʉ̃rsĩgain khʉ̃ʉn ,maimua, Israel dʉrsi gaai nʉmkhʉ̃ʉnja adjo. Josueu thʉ̃nwe õor opʉijim mai aan phobor ja adjo. ²² Abamja Israel jẽb gaaija thʉbabajim ,phobor Gazam,mai phobor Gat tam khʉ̃ʉn, maimua phobor Asdod aramkhʉ̃ʉnja. ²³ Josueu thʉ̃nwe aan jẽb magta opʉijim, mag Ewandamua jautarjʉ Moiseet. Josueu Israel pienag makhʉ̃ʉn jẽb deejim,mag ee phobor jooba naar khʉ̃ʉnag. magta mag jẽb ʉ̃ijim khʉ̃khanaar eemua.