¹ Adonisedec, rey ajim Jerusalenam, am aai ʉ̃rwai Josuegta Hai phorog pʉraujim. ichdeu thʉm mag phobor ãrpʉijim, mag Jerico rey dʉi wautarrjo awaia. Ichdeu ʉ̃rwaai wounaan Gabaonpien dʉi amaach khõinaa joobanaajierram. ² Chi phobor Jerusalenden japhierbajierram anʉm mag Gabaon phobor charr atarrawaai. Mag phobor pomaan ajim Hai khãyau maigmua mag khʉ̃ʉn wounaan juapatheg sitheejim khʉ̃khaag ithee. ³ Chi Adonisedec rey ajim Jerusalenam, ichdʉa iek deepʉijim Hoham rey Hebrón den maigmua Piream chi rey jarmut den, Jafia rey lakis den maigmua Debir rey Eglon den: ⁴ "Paar maar ai pidʉd maigmua maag khaiperba ur, khukhan matarrau Gabaon ar, mag gaimua khõinaanajim amach Josue dui maigmua phobor Israel dui". ⁵ Chi juaab Amorreonaan rey; chi rey Jerusalenaam, chi rey Hebronam, chi rey Jarmutam, Chi rey Lakisam maigmua chi rey Eglonam beejierram amaach, maigmua thʉnwe chi paparnaan dʉi maigmugua jakhʉ̃ʉnau Gabaon aig dʉnʉsisijierram maigmua khukhaphubadejim. ⁶ Gabaon phoborou iek deepʉijim Josue arr maigmua chi thʉajemkhʉnarr Gilgal phoboraig. Jaujierram "Jupai abaa" o paach khapeen aupʉamiet. Maanaar jupaai pidʉ, maigmua maan perdʉatha, jãg thũmwe Amorreos rey naaan joobaanʉmkhʉʉn dʉrsi gaai ãba bĩrdʉaauwia amaag beejierram khukhag athee. ⁷ Josue waaidʉjim Gilgaldʉrr, thʉm khukhajem khʉʉn dʉi, maigmua thʉmwe khukhajem khʉʉncha. ⁸ Ẽwamdamua iekhajim Josueg "oo ogkham jãkhʉ̃ʉn. Mua pʉrig juapa deegau, jãkhʉ̃ʉn rey nanauja pãar thʉa aubam". ⁹ Degob Josue aan aai beejim, ich magwe obeerjim edarwe phobor Gilgal ar mʉa. ¹⁰ Ẽwandamua khaipʉijim iekhõr waisim Israelnaan daau na, ich deu thõokhapʉijim õor khukhaajem khʉ̃ʉn Gabaon dʉrr, maigmua khʉd mam ee ekhaajim waaudʉsierag Bet Horon arr, maigmua thõopʉijim Azeca maigmua Maceda maasimag. ¹¹ Aan dʉrr nʉmich Israel mʉa, Bet Horam dʉrsi aarmʉa, Ẽwandamua mokdau barpuijim thʉm aan khʉdau Azteca masimaag, mai thõokhajierram. Mag ʉncha mai pai, õor thõokhajierram mag mokdau barkhatarraaimʉa, ãaukhʉn thõotarrkhʉʉn õor israelpienau, thuthuyau pai thõokhapʉijierram. ¹² Magtarrkhʉrg mag ed Josue Ẽwandamdʉi iekhajim, Ẽwandamua Israelpienag juapa deejim amorreospien thõokhapʉi amkhiin , Josueg mugta iekhaajim Israel dau naa "!Edau nanaasisi Gabaon ai, maigmua edau edaram, Ajalon khutad ee sisi¡". ¹³ Chi edau thʉbaajim maigmua chi edau edaraam thubaasisijim mag amach khĩin machag thumwe opʉinum ai. ¿Mag phãbasim Jaser esãpdau gaai? edja jadaacha edau thubaasisijim; mag ed ichmag sisijim. ¹⁴ Mʉgjo edau mʉa obaajeejim naawemjo awia maigmua isimjo awia, Mag Ẽwandamua woun iekjo ũrpiawaai. Ẽwandamua khukhasiejim Israelnaan jʉr ¹⁵ Josue Israelpien dʉi thʉmwe beejierram ewag amaach phobor Gilgal joobanar ai. ¹⁶ Mag sim ee jua ãb reynaan dʉrjierram maigmua meerkha phʉbaadejierram Maceda phobor aig. ¹⁷ Josueg jaujim: "!Jakhʉʉn oo aujierram¡ amaach jua ãb reynaan mẽrkhanaarkhʉn Maceda jeb deg naarkhʉʉn!". ¹⁸ Josueu jaaujim: phʉrʉu athag jakhʉʉn mokdau jebdi khier aig maigmua chi thʉaaujemkhʉn aig aukherbag aan thʉag athee. ¹⁹ Pachpapai siemiet. Aan oonde ekhabag maigmua eugarmua auduphubaag. Aan oduraa dugpimiet paach phobor ai maigmua jakhʉ̃ʉn rey naan pãar jua ee Ẽwandamua deejim". ²⁰ Josueu mai Israel pien dʉi mua thʉmwe aan thõokhapʉijierram maig aan; dʉrtarkhʉ̃ʉn papaita ĩunbar jierram, jakhʉ̃un paita barchejierram phobor juaphatheg sithem khʉʉn ai. ²¹ Maigmua thumwe paparnaanau ,phʉrphejierram khõinaa Josue Maceda dʉrr. Maigmua abamuaja iekhabaajim phobor Israelnaan eugar. ²² Magtarr khʉr anag Josueu magjim: "weu atag chi jebdi phansim maigmua aupidut jua ãb nʉm rey naan". ²³ Amach deu jaaujim ich jaautarrjo amachdeu aabeejierram chi jebdeg mua chi rey jua ãb narkhʉʉn, rey Jerusalenam, rey Hebron nam, rey Eglonam. ²⁴ Maig amach deu aubewai chi rey naan Jusue aig thʉnwe birduaujierram õor Israelam khʉʉn, thʉnwe chi porpomaan khʉʉnag maigmua chi paparnaanag i dʉi majierram Josue aanig jaujim: " dʉnʉnba i odach ʉn" mai chadcha bewia amach bʉ aan odach ʉn dʉnʉunjierram. ²⁵ Magtarr khʉr jaaujim: "oogkhamiet maigmua oo japhiermiet. Jua patheeg na õorja oogkhaag khabam. Mugta Ẽwandamʉa aagau ann dʉi pãar dʉi khʉkhag pãar khʉʉn dʉi." ²⁶ Magtarr khʉr Josue khʉ̃khajierram mai thõokhapʉijim chi reynaan thumwe . Pabʉ jua abam gaai thʉnwe jirjogkhapʉijim. chi pabʉ gaai jirjogkhapʉajim kheurag panʉm ar. ²⁷ Mag kheurapadewaai, Josueu magjim jakhʉʉn ẽrekhaapʉi jãg pabʉ gaain mua maigmua barapʉi amach dʉrnaar jem deg maimua ãar phãar apʉ̃i. Mag mʉ khʉʉn mokdau pei mag ed naagau. ²⁸ Mʉgta ajim, Josue Maceda phobor purauwai maimua thʉnwe thõo khapʉijim thuthuyau, maigmua an reyja adjo. Adjo thʉm opʉijierram chaan agaaijobanarkhʉʉn. Mag daha bamja iunpʉabajierram. Mag Macedam rey waaupʉijim, mag agjo ich deu wautarrjoo awia Jerikopien gaai. ²⁹ Josue maimua thʉnwe Israelam khʉʉn dichjierram phobor Macedamʉa maigmua phobor Libna garbi. Ich majim khʉkhaan phobor Libnanaandʉi. ³⁰ Ẽwandamua adjo Israelnaan jua ee uapuajim; am aba amaach rey dʉi. Josueu õor thʉ̃nwe thõopʉijim thuthuyau. Mag ãbamja ĩiubaajim. Ichdeu akhoopaai waupʉijim chi rey, ich deu wautarrjoawia rey Jeriko pien gaai. ³¹ Magtarrkhʉr Josueg maigmua Israel am khʉʉn thʉmwe dichjierram Libna gar maigwia dewan phobor Lakis gar. Magai amach thʉbaajierram am dʉi khukhaag ithe. ³² Ẽwandamuaja deejim laguis phobor Israelnaan jua ee. Josue an pʉrkhaau jim khãinʉmi numaaig. ichdeu audujim thuthuyau thʉnwe agai thunarkhʉʉn gaai, ichdeu wautarrjo phobor Libna naan gaai. ³³ Magtarkhʉr beejim phobor Horam gar, chi rey Gezer, khaiperaan beejim laguis phobor gar. Josueu audujim irig adjo chi paparnaangaai maig da abamja ĩiubaajierram. ³⁴ Magtarrkhʉr Josue maigmua thʉnwe Israelnaan dichjierram lakis aaimʉa phobor Eglon gar. Amaach thubaasisijierran mʉ gaai adjo aan dʉi khukhajierram, ³⁵ maigmua amaachdeu pʉr khaaujierram mag ed . Amachdeu thuthuyau paai khʉ̃khaajeejim maigmua aan thʉm opʉijierram, wautarrjo awia lakisnaan gaai Josue agjo paita waupʉijim am gai. ³⁶ Magtharkhʉr Josue maigmua thʉm Israelnaan durbajierra phobor Eglon aig mua phobor Hebron gar. Adjo khʉ̃khajierram an dʉi. ³⁷ Amaachdeu pʉrkhaaujierram maigmʉa aan thuthuyau thʉmwe thʉgkhapʉijierram, am reyja adjo maigmua abamja ĩiumpibaajim, Josueu wautarrjo phobor Eglon naangaai. Ichdeu opʉijim thʉmamkhʉʉn agai ĩiunar khʉʉn. ³⁸ Magtarkhʉr Josue ewag beejim, mag thʉnwe chi paparnaan Israelamkhuʉnja adjo maigmua dichjierra phobor Devir gar adjo andʉi khʉ̃khajierram. ³⁹ Ichdeu an pʉrkhaaujim maigmua aan rey adjo, maigmua thʉnwe aan dakha naar khʉʉn, thuthuyaupaai mag waumaajim agai thunarkhʉʉn. Josueu abamja ĩiupuabaajim, ichdeu wautarrjo awia Hebron gaai maigmua aan rey gaai maigmua adjo phobor Libnagaai maigmua aan rey gaai. ⁴⁰ Josueu thʉnwe chi jẽb aujim, dursĩja agjo, chi Negebja agjo, khʉtadja adjo maigmua igaau thunaarja agjo. Thʉm an reynaan abamja ĩiubaajierram, ĩiuthunarkhʉʉnja thʉnwe opʉijierram mag Israelnaan Ẽwandamua jaautarrjo. ⁴¹ Josueu an waukhaapʉijim thuthuyaupai phobor Cades Barneamʉa, maigmua phobor Gazaai, maigmua thunwe chi phobornaan Gozem khʉʉn maigmua chi phobor Gabaon aig. ⁴² Josueu thʉmwe pʉrkha aujim chi reynaan maigmua aan jebja adjo, israelnaan Ẽwandamua, Israelnaan jũr khʉkhajim. ⁴³ Magtarrkhʉr Josue, maigmua thʉmwe Israelnaan, ewag beejierram phobor Gilgal dʉr.