¹ Paulus nena, Rasul Yesus Kristus mane Allah kena yekone, tokeka Timotius tepreinya yekone. ² Nekibanya tetero pre kena nebeinya tetero ye Kristus kena burene Kolese yone kauna. Pepoi pre teme ye Allah Bapa kena dambre. Paulus Ayaute ( Doa ) Seyune ³ Nenyana kaye a yaate (doa) wetenate, de atena nebenaibete poi ate Allah tesenanete, Yesus Kristus nenei awa. ⁴ Nemenate deye betatena wena kena tepreinye Yesus Kristus kena burune wena kena bise meterna nikibanya teterotena. ⁵ Tepreinya pre kenabise ye dewayu begana yeko ete Surga diyapanate, weye nepete a wari ne befeyau. ⁶ A wari nepete beteyau nepere yo tupure yo tupupa, a wari nepete bepena ona tenamane buternai wena nerona meka youna mane neyane beteyau mendopa tiniyau Allah kena poi tepreinya e damne. ⁷ We ye ne yekote epafra kenare areyau, ena yau tetero dinyambanya, Kristus kena kembari te kenatete wete wetenate mekeyou. ⁸ Neye nepete dete saniyomu wena kenabise Roh kena burune. ⁹ Nemena kaye, neyana deye ayau (doa) tena pona keteipei nemena beite wetenate mekeyate. Tuhan te saniante wete mendo nipite atoneme nena yeko burune. Meterna mendo rohani te aromane. ¹⁰ Nemenatena, wea yereu poite Tuhan kena bekoune, nena kena medokene, yeko -yekone pepoi ena kembari damba. ¹¹ Netai wete wake dere nenei wake kiyane nepere weye meterna kena tete bete pre, kena te maruntene kena kasi demene. ¹² Kena mori-morite Awa kena damba, ne yeko atoneme nekibanya tetro nenei yeko kiyane. ¹³ Neye ete baye atekome kepe-kepe burure niyei kena diya derepa nate. ¹⁴ Nena burane, ena pekote nepete baye supuku. Kristus Besikana Meyena Yekone ¹⁵ Neye Allah kena be mane nepete e doitepeina, yarisete keu meyenate keu. ¹⁶ Nepate nenei yekone meternamane tenouna surga diyana pre da kani damna ye merembuku doune tantena pre dou teipeinya ye, betra dam wake dere, meternamane meka semo mekekona nena burena nepre nenei tenate. ¹⁷ Neye duwa kiyonye metere da tenowna meterna, metere merembukuna Nena burune. ¹⁸ Neye tenaiye wate jemaat pa aropuku. Neye metena yarise te duwa soyouna tetere nerone, nepere neye besikana te meye merembukunate. ¹⁹ Nemene kaye Allah nena kenana yeko meyenamane nena damne. ²⁰ Neyei kenare meternamane temete nenei wane mekopuku, da kani damna pre sorga diyana pre. Teme nenei sa salib o nore durupuka. ²¹ We yansine baine wariyaa, wei mendone Allah te yembe te kiyau, kembari pekote mekeyau. ²² Nepreinya temete nepete Kristus neney wa ne tetempuku wete nekabanya Allah kena bokoune. ²³ We noune neme iman burune, wakete tepeu a wari damne nete betate. Nepete meyenemane betai da sero burune katena. De, Paulus kembari te meka. Paulus Kembari te Jemaat ne Mekou ²⁴ Nepreinya kena karite derane senamu burune we tante dena wayeuna nepete nare-nare mane Kristus kena burune neney wate Jemaat te oropuku. ²⁵ De nederaite Jemaat ne kembarite meka Allah nei kembarite santupukunate wetenate A wari te sename. ²⁶ Da a yena a. mai sire mai sipa serai sire serai sipa, nepreinya nepete kiyapa kiyapuku nenei tetero pepoipa. ²⁷ Allah nena kenana yekote nete sanumu ye mane serai si nerone, Kristus wena burune kiyaye kiyanai Tetro bei - bei mendo poina deya atomane derete Kristus kena burune. ²⁸ Deye nena ate senam te, mendo nipine teterote kiramte nepere Kristus kena burune nepete sawenai. ²⁹ Nemna sate, de kaye pekote tikane, kembari nenei wakane mekotenate.