¹ ದಾನ್ಕಾರುಣುಮ್ ಮೀರು ಕ್ರೀಸ್ತುಡು ನೊಹೀಚ ಲೆಸೋಡದಾನೀಂಚ ಪೈನುಂಡೆ ದಾನ್ನೀ ಹುಡುಕಂಡ್ರೀ ಅನೀ ಕ್ರೀಸ್ತುಡು ಕುಡ್ಮು ಸೆತ್ಲ ಅಸನುಮು ರುಡುಡಾಯ್ನಾಡು. ² ಪೈನುಂಡೆ ಅಟ್ಟೆ ದಾನ್ನೀಮೀಂದ ಮನ್ಸಸೀ ಪೆಟ್ಟೆನ್ಡ್ರೀ ಬೂಸಂಬಂದಾಮೈಯೀನ ಮೀಂದ ಪೆಟ್ಟದಂಡ್ರೀ. ³ ಎಂದ್ನಂಟೆ ಮೀರು ಸಚ್ನಾರೆ ಮೀ ಜೂಡು ಕ್ರೀಸ್ತುಡು ನೋನೀಂಚ ದೆವುಡುಲ ಮರೆಯಾಯೀ ಪೆಟ್ಟೆನ್ದೀ. ⁴ .ಮಾಕೀ ಜೂಡಾಯುಂಡೆ ಕ್ರೀಸ್ತುಡು ಪ್ರತ್ಯಕ್ಷುಮಾಯೆನಪುಡೀ ಮೀರು ಸಹುಮ್ ವಾಡ್ ಜೋತ್ಲ ಪ್ರಬಾಮೀಂಚ ಕೂಡ್ನೋಳಾಯೀ ಪ್ರತ್ಯಕ್ಷ್ಮಯ್ತಾರು. ⁵ ದಾನೀಂಚ ಮೀಲ ವುಂಡೆ ಬೂ ಸಂಬಂದ್ಮಯೀನ ಬಾವುಮುಲ್ನೀ ಸೋಪಂಡ್ರೀ, ಜಾರತ್ವಮು, ಬಂಡುತನುಂ, ಕಾಮಾಬೀಲಾಷ್ಮು, ಮಾರಾಸ್ಮು, ವೀಗ್ರಹಾರಾದ್ಮುಲುಕೀ ಸಮುಮು ಅಯುಂಡೆ,ಲೋಬ್ಮು ಎವುಟ್ಲುನೀ ವೀಸರ್ಜೀಚ್ಚೀ ಈಡೀಯಂಡ್ರೀ. ⁶ .ಈವುಟ್ಲು ನೀಮೀತ್ಮು ದೇವುಡು ಕೋಪುಮು ಉಂಟಾಯ್ತಾದೀ. ⁷ ಪುರ್ವುಮ್ಲ ಮೀರು ಸಹುಮ್ ಈ ದುರ್ಬಾವುಂಲ ಅದೀನುಮ್ಲ ವುಂಡೀ ಈ ಕೆಲ್ಸುಮ್ಲನೀ ನಡೀಸ್ತಾವುಂಡಾರು. ⁸ ಇಷ್ಟಾರ ಕೋರ್ಮು, ಮತ್ಸರುಮು, ದುಷ್ನ್ಮು, ನೋರೀಂಚ, ವಚ್ಚೆ, ದುರ್ಬಾಷ್ಮು, ಈವುಟ್ಲುನೀ ವೀಸರ್ಜೀಚ್ಚೀ ಈಡೀಯಂಡ್ರೀ. ⁹ ವಕುಳ್ಕೊಳ್ಳ ಸುಳ್ಳಾಡದಂಡ್ರೀ ಮೀರು ಪೂರ್ವುಮು ಸ್ವಬಾಮುನೀ ದಾನ್ ಕ್ರುತ್ಯುಲ ಜೋತ್ಲ ಸೀಸ್ವೆಟೀ ಕೊತ್ ಸ್ವಬಾಮ್ಮನೀ ದರೀಚ್ಕೊಸ್ನಾರುಂದ. ¹⁰ ಈ ಸ್ವಬಾವುಮು ದಾನ್ನೀ ಸೃಷ್ಟೀನ್ಚೆದಾತುಡು ಹೊಲುಕುಂ ಮೇರೆಕೀ ದೀನ್ಮು ದೀನ್ಮು ಕ್ಲೊತ್ತುದಾಯ್ತಾ ಪುರ್ಣುಮು ಜ್ಞಾನುಮ್ನೀ ಉಂಟ್ ಸೆಸ್ತಾದೀ. ¹¹ ದೀನ್ನೀ ದರೀಚ್ನೋನೆದಾಂತ್ಲ ಗ್ರೀಕುಡು ಯಹುದ್ಯಡುನೀ ನಂಬದ್ದು ಅನೆ ಬೇದ್ಮು ಲೇದು ಸುನ್ನತೀನೀ ಸೇಬೀಚ್ನೋಳು ಸುನ್ನತೀನೀ ಸೆಬೀಯ್ನೋಳು ಅನೆ ಬೇದ್ಮು ಲೇದು ಮ್ಲೆಚ್ಚ ಹೋಣುಮು ಅನೆ ಪೆರ್ಲುಲೇವು ಅಳುಡು ವಡೆಯುಡು ಅನೆ ಬೇದ್ಮುಲೇದು ಆಯ್ತೇ ಕ್ರೀಸ್ತುಡೆ ಸಮಸ್ತುಲುಲಾಯ ಸಮಸ್ತುಮು ಅಯುಂಡಾಡು. ¹² .ಈಟ್ಟುಂಡೆದಾಯೀ ಮೀರು ದೆವುಡೀಂಚ ಆರೀಚೀಚ್ನೋಳು ಪ್ರತೀಷ್ಟೀತುಲು ಪ್ರೀಯುಲು ಅಯುಂಡೆದಾನೀಂಚ ಕನೀಕರಮು,ದಯೆಮು, ¹³ ದೀನ್ಮುಬಾವ್ಮು,ಸಾತ್ವೀಕತ್ಮು,ದೀರ್ಗಶಾಂತುಮು ಅನೆ ಸದ್ಗುಣಲ್ನೀ ದರೀಚ್ನೊಂಡ್ರೀ. ಈಂಕೋದ್ಡು ಮೀಂದ ತಪ್ಪು ಮೋಪೆಕೀ ಕಾರ್ಲುಮುಂಟೆನು ತಪ್ಪು ಮೊಪೀಯ್ನನ್ನ ¹⁴ ಬಕ್ಳುಕ್ಕೊಕ್ಳುಕು ಸಹೀಸ್ಕೊನೀ ಕ್ಷಮೀಚ್ಚಂಡ್ರೀ ಕರ್ತುಡು ಮೀಮ್ಮುಲ್ನೀ ಕ್ಷಮೀಚ್ಹ ನಟ್ಗ ಮೀರು ಕ್ಷಮೀಚ್ಚಂಡ್ರೀ. ಈವನೀನ್ನ ಮೀಂದ ಪ್ರೀತೀನೀ ದರೀಚ್ಕೊಂಡ್ರೀ ಅದೀ ಸಮಸ್ತುಮುನೀ ಸಂಪೂರ್ಣಮು ಸೇಸೆ ಬಂದ್ಮಾಯೀನ್ಡೀ. ¹⁵ ಕ್ರಿಸ್ತುಡು ಸಮಸ್ತುಮು, ಸಮಾದಾನ್ಮು ಮೀ ಹೃದಯುಮ್ಲ ಯಜಮಾನುಡ್ಲಾಕ ವುನ್ಡೀ ಮೀರು ವಕ್ನೆ ದೇಹುಮ್ನೀ ಸೆರ್ನೋಳಾಯುಂ ದಾನೀಂಚ ಸಮದಾನ್ಮು ವುಂ ಡೆ ದಾನ್ಕು ಪೀಲ್ಚೀಚ್ನೋಳಾಯ್ನಾರು. ¹⁶ ಈದ್ನಾಕುನ್ನ ಕೃತಜ್ಞತ್ಮು ವುಂಡೋಳಾಯುಂ ದಂಡ್ರೀ ಕ್ರೀಸ್ತುಡು ವಾಕ್ಯಮು ಮೀಲ ಸಮೃದೀಯಾಯೀ ವಾಸೀಚ್ಚೀನೀ ಸಕಲ್ಮು ಜ್ಞಾನೀಂಚ ಕೊಡ್ನೊಳಾಯೀ ವಕ್ಳುಕೊಕ್ಳುಕೀ ಉಪದೇಶುಮು ಸೆಸ್ಕೊಂಡ್ರೀ ಬುದ್ದೀನೀ ಸೋಕ್ನೊಂಡ್ರೀ ಕರ್ತುಡು ಕೃಪೆನೀ ನೇನ್ಸೋನೋಳಾಯೀ ಕರ್ತುನುಮೀನ್ಚಾನು, ಸಂಗೀತ್ಮೀನ್ಚಾನು, ಅತ್ಮಮು ಹಾಡ್ಲೀಂಚಾನು ಮೀ ಹೃದಯಮ್ಲ ದೆವುಡುಕೀ ಗಾನುಮು ಸೇಯಂಡ್ರೀ. ¹⁷ ಮೀರು ಮಾಟ್ಲೀನ್ಚಾವ್ನೀ ನೆಡೆನೀಂಚಾವ್ನೀ ಏಮೀ ಸೇಸ್ತೆನು ಅದಂತಾನೀ ಕರ್ತುಡೈನ ಯೇಸು ಪೇರ್ಲನೆ ಸೇಯಂಡ್ರೀ ವಾಡ್ ಮೂಲಕ್ಮು ತಂದ್ರೀಯಾಯೀನ ದೇವುಡುಕೀ ಕೃತಜ್ಞತ್ಮು ಸ್ತುತೀನೀ ಸಲ್ಲೀಯಂಡ್ರೀ. ¹⁸ ಪ್ರೀಯುಲ ಮೀ ಮೊಗುಡು ಲೀಕೀ ಅದೀನ್ ಮಾಯುಂದಂಡ್ರೀ ಈದೀ ಕರ್ತುಡು ಜೋತ್ಲ ವುನ್ಡೋಲ್ಕೀ ಯೋಗ್ಯಮಾಯೀನ್ದೀ. ¹⁹ ಮೊಗೋಳಾ ಮೀ ಪೆಂದ್ಲಾಮುಲ್ನೀ ಪ್ರೀತೀಚ್ಚಾನ್ದ್ರೀ ವಾಳ್ಕೀ ನೀಷ್ಟುರಮು ಅವದಂಡ್ರೀ. ²⁰ .ಸೀನೋಳಾ ಅನ್ನೀ ವೀಷಯಮ್ಲ ಮೀ ತಂಡ್ರೀ ತಲ್ಲೀಲ ಮಾಟ್ಲುನೀ ಈನಂಡ್ರೀ ಈವೀ ಕರ್ತುಡ ವೃಷ್ತಲ ಮೆಚ್ಚೀಕುಮು ಆಯೀನ್ದೀ. ²¹ ತಂಡ್ರೀಲ ಮೀ ಬೀಡ್ಲುನೀ ಕೆಣುಕೀ ವಾಳ್ಕೀ ಮಸ್ಸೀಕೀ ನಪ್ಪೀ ಸೆಯದಂಡ್ರೀ. ²² ದಾಸತ್ವಲ ವುಂಡೋಳಾ ಈಲೋಕ್ಮುಲಾ ಮೀ ಮೊಗುಳ್ಳುಕೀ ಅನ್ನೀ ವೀಶಯುಮ್ಲಾನು ವೀದೆಯುಲು ಅಯುಂಡನ್ದ್ರೀ ಮನುಷ್ಯಲ್ನೀ ಮೆಚ್ಚೀಚ್ಚೊಳು ಸೇಸೆ ಪ್ರಕಾರುಮು ಮೀ ಮೊಗುಳ್ಳು ಸೂಸೆನಪ್ಡೀ ಮಾತೃಮು ಸೇವೆನೀ ಸೇಯ್ಕಕರ್ತುಡ್ನೀ ಬೀಯ್ಮು ಪಡೋಳಾಯೀ ಸರಳ್ಮು ಮನಸ್ಸೀಂಚ ಕೆಲಸ್ಮು ಸೇಯಂಡ್ರೀ. ²³ ಯಾವ್ ಕೆಲ್ಸುಮ್ನೀ ಸೇಸ್ತಾನು ದಾನ್ನೀ ಮನುಷ್ಯಲುಗೋಸ್ಕರಮ್ನೀಸೆಯ್ನುನ್ನ ಕರ್ತುಡು ಗೊಸ್ಕರಮೆ ಅನೀ ಮನಪೂರ್ವಕ್ಮಾಯೀ ಸೇಯಂಡ್ರೀ. ²⁴ ಕರ್ತುಡೀಂಚ ಪರ್ಲೋಕ್ಮು ಚಾದೆತೆ ಅನೀ ಪ್ರತೀಪಲ್ಮುನೀ ಹೊಂದ್ತಾವು ಅನೀ ತೀಳ್ಸಂನಾರು ಕದ. ²⁵ ಕರ್ತುಡಾಯೀನ ಕ್ರೀಸ್ತುಡುಕೀ ದಾಸುಲು ಮೀರು ಅಯೀನಾರು ಅನ್ಯಯುಮು ಸೆಸೋಳು ವಾಳು ಸೇಸೆ ಅನ್ಯಯುಮ್ಕೀ ತಕ್ಮು ಪ್ರತೀಫಾಲ್ಮುನೀ ಹೊಂದ್ತಾಡಂತೆ ಪಕ್ಷಪಾತ್ಮು ವುಂಡೆಟಲೆದು.