¹ ಮೀಕೊಸ್ಕರಮು ಲವೊದೀಕೆಯ ವಳ್ಕೋಸ್ಕರಮು ನನ್ನೀ ಕಂಡ್ಲಾರ ಕನ್ವೀಚೇನೋ ಕನ್ವೀಚ್ ಲೆನ್ಕೊಸ್ಕರಮು ನಾಕೀ ಹೆಕ್ವ ಹೋರಾಟುಲುವುನ್ದಾದಾನೀ ಮೀಕೀ ಗೊತ್ತುಂಡಲನೀ ಅಪೆಕ್ಷೀಸ್ತಾನು. ² ಎಟ್ಟನಟೇ ಮೀಕಂದ್ರು ಪ್ರೀತೀಯೀಂಚ ಹೋದ್ಕೊನೀ ಬುದ್ದೀಪುರ್ವಕುಮ್ ನೀಶ್ಚಯಂನೀ ಬಾಗ್ಯುಮ್ನೀ ಪಡ್ಸೀ ದೇವುಡು ³ ತೀಲ್ಚೀಚ್ಚುಂಡೀನ ಮರ್ಮನ್ನೀ ಅಂಟೆ ತಾನ್ಲೋನೆ ಜ್ಞಾನುಂ ವೀದ್ಯಮು ಸಂಬಂದಮಯೀ ನೀಕ್ಷೆಪುಲ್ನನೀ ಅಡ್ಗೀಚ್ಕೊನುನ್ಡೀ ಕ್ರೀಸ್ತುಡ್ನೀ ತೀಲ್ಚ್ಕೋನೋಳಾಯೀ ಹೃದಯುಮ್ಲ ದೃಡ್ಮಾಯುಂಡಾಲನೀ ಕುತುಹಲಂ ನಾಕುಂಡಾದೀ. ⁴ ಯೋಳಾರ ರಾಜನ್ಮಾಯೆ ಮಾಟ್ಲೀನ್ಚ ಮುಮುಲ್ನೀ ಮೊಸ್ಮು ಗೋಲ್ಚೀಸ್ತಾರನೆ ಬಯ್ಮು ಮಾಕುವುಂಡೆದಾನೀಂಚ ದೀನ್ನೀ ಸೋಪ್ನನು. ⁵ ನಾನು ಶರೀರೀಮ್ನೀಂಚ ಮೀದೆಗ್ರುಲ ಲೇಕ್ಕುನ್ನ ಪಾತೇನು ಅತ್ಮುಮೀಂಚ ಮೀ ಜೋತ್ಲವುನ್ಡೀ ಮೀಕು ಕ್ರಮುಮಾಯೀ ನೆಡ್ಸೆದಾನ್ನೀ ಕ್ರೀಸ್ತುಡು ನಬ್ಕುಮಲ ವೃಡ್ಮಾಯೀ ನೀಲ್ವಡುನ್ದೆದೀ ಸುಸೇ ಸಂತೋಷ್ಮು ಪಡ್ತಾನು. ⁶ ದಾನೀಂಚ ಮೀರು ಕರ್ತುದೈನ ಯೇಸು ಅನೆ ಕ್ರೀಸ್ತುಡ್ನೀ ಅಂಗೀಕರೀಚ್ನಟ್ಗೆ ವಾಡ್ಲೀವುನ್ಡೋಳಾಯೀ ನಡ್ಸ್ಕೊನ್ದ್ರೀ. ⁷ ವಾದ್ಲ ಬೆರುರ್ಕೊನೀ ಬಕ್ತೀ ವ್ರುದ್ದೀನೀ ಹೊಂದ್ಕೊನೀ ಮೀಕೀ ಬೋದೀಚ್ಚೀನ ಉಪದೇಶುಮು ಪ್ರಕಾರ್ಮೆ ಕ್ರೀಸ್ತುಡು ನಂಬುಕುಮ್ಲ ವುನ್ಡೀ ದೆವುಡ್ಕೀ ಎಕ್ಕೆಕ್ವಾಯೀ ಸ್ತೋತ್ರುಂಸೇಸೋಳಾಯುಮ್ ದಂಡ್ರೀ. ⁸ ಕ್ರೀಸ್ತುಡ್ನೀ ಅನುಸರೀಕುನ್ನ ಮನುಷ್ಯಳು ಸಂಪ್ರದಾಯುಮುಲ್ನೀ ಪ್ರಾಪಂಚೀಕುಂ ಸನ್ನೋಳ್ ಬೋದನೇನೀ ಅನುಸರೀಚ್ಹೊಳು ಮೀಲ ವಚ್ಚೀ ಮೊಸ್ಮ್ ಆಯೀನ ನೀರರ್ತಕುಂ ತತ್ವ ಜ್ಞಾನುಮ್ ಬೋದೆನೀಂಚ ಮೀ ಮನ್ನುಸೀ ಶೆದ್ಬೀಚ್ಚೀ ಮೀಮುಲ್ನೀ ವಶ್ಮುಸೇ ಸ್ಕೊನೋಳು ಎಚ್ಚುಗಾಯುನ್ದನ್ದ್ರೀ. ⁹ ಕ್ರೀಸ್ತುಡ್ಲಾನೇ ದೆವುಡ್ನ ಸರ್ವಮು ಸಂಪೂರ್ನುಮು ಅವತರೀಂಚ ವಾಸ್ಮು ಸೆಸ್ತಾದೀ. ¹⁰ ಮಲೀ ಮೀರು ವಾದ್ಲ ವೋಡ್ಕೊನೆ ಪರೀಪುರ್ಣಮುನೀ ಹೊದ್ನೋಳಾಯ್ನಾರು. ¹¹ .ಯೇಸು ಅನ್ನೀ ದೊರೆತನವೀಕ್ಕೀ ಅದೀಕಾರಲ್ಕೀ ಶೀರಸ್ಸು ನೀರು ವಾದ್ಳ ಸುನ್ನತೀನೀ ಅಂಟುಕುನಾರು ಈ ಸುನ್ನತೀ ಸೈಯೀಂಚ ಸೆಸುಂಡೆದೀ ಕಾದು ಈದೀ ಪಾಪುಮ್ ದೀನ ಸ್ವಬಾವ್ಮುನೀ ವೀಸರ್ಜೀಸೇದೆ. ¹² ಈದೇ ಕ್ರೀಸ್ತುಡು ಸುನ್ನತೀ ಮೀರು ದೀಕ್ಶಸ್ತಾನಮ್ಲ ಕ್ರೀಸ್ತುಡು ಜೋತ್ಲ ಪೋದ್ಸೆ ಸೀದ್ದಾನೀಂಚ ಅ ಸುನ್ನತೀನೀ ಹೋದ್ನಾರು ಈದ್ಕಾಕುನ್ನ ವಾಡ್ನೀ ಸೀಚ್ನೋಳೀಂದ ಲೇಪೀನ ದೆವುಡ್ನೀ ಸಾಮಾರ್ತ್ಯುಮುಲ ನುಬುಕ್ಮು ಪೆಟ್ಟೆದಾನ್ ಮುಲಕ್ಮು ದಾನ್ಟ ವಾಡ್ ಜೋತ್ಲ ಲೆಸುಚ್ನಾರು. ¹³ ಅಪರಾದುಮುಲ್ನೀ ಸೇಸ್ದಾನೀಂಚಾನು ಸುನ್ನತೀ ಲೇನೀನ ಶರೀರುಂ ಬಾವೀಂಚಾನು ಸಚೋಳಾಯುಂಡೀನ ಪಾಮ್ಮುಲ್ನೀ ಸಹುಮ್ ದೇವುಡು ಕ್ರೀಸ್ತುಡು ಜೋತ್ಲ ಬದುಕೀಚ್ನಾಡು. ¹⁴ ವಾಡು ಮಾ ಅಪಾರದುಮುಲ್ನೀ ಕ್ಷಮೀಚ್ಚೀಮಾ ಮೀಂದ ದೇಶ್ಮು ರೋಪುನೀ ಸೇಸೆದಾನೀಂಚ ಅಜ್ಞಾಮು ರೂಷ್ಮುಯುಂಡೀನ ಪತ್ರುಮ್ನೀ ಶೆದ್ಪೀಸೀ ದಾನ್ಸೀ ಶೀಲುಬೇಕೀ ಜಡ್ಬೀಚೀ ಲೆನಟ್ಗ ಸೇಸೆ. ¹⁵ ವಾಡು ದೊರೆತನಂನೀ ಅದೀಕಾರ್ಯಲ್ನೀ ನೀರಾಯುದ್ಮುಲಾಯೀ ಸೇಸೆ ಜಯೋತ್ತಮು ಸೆಸ್ತಾದನೀ ಶೀಲುಬೆಮೀಂದ ಅವುಟ್ಲುನ ಜಯಂ ಪಡೀನತ್ಗ ಆಯೀ ಮೆರೀಬ್ಸ್ತ ಸೂಪ್ತೆ . ¹⁶ ಈಟ್ಟುನ್ದ್ಳೆದಾನೀಂಚ ತೀನೀ ತಾಗೆ ವೀಷಯುಮ್ಲಾನು ಪಂತ್ಗ ಅಮಾವಾಸ್ಮು ಸಬ್ಬತುಮು ಅನೆ ಎವುಟ್ಲುಲ ವೀಷಯಮ್ಲನು ಮೀಮುಲ್ನೀ ದೋಶೀಲನೀ ಯೋಳು ಎನ್ನ್ಬೆಯ್ಯಗುಡ್ಡು . ¹⁷ ಈದೀ ಮುಂದ್ರರಾಬೆಕಾಯುಂಡೆ ಕಾರ್ಯಮುಲ ಚಾಯೆ ಆಯ್ನಾವೀ ಈವುಟ್ಲುಲ ನೀಜ್ಮು ಸ್ವರುಪುಂ ಕ್ರೀಸ್ತುಡೆ. ¹⁸ ಅತೀ ವೀನಯುಮ್ಲನು ದೇವುಡು ದೂತಲ ಪೂಜ್ಞಾನು ಅಸಕ್ತುಲಾಯ್ನಾರು ಮೀಕೀ ದರ್ಶನುಮು ಅಯೆ ಅನೀ ಕೊಚ್ನೊಂಟಾರು. ¹⁹ ಮಲೀ ಪ್ರಾಪಂಚೀಕುಮ್ ಬುದ್ದೀಯೀಂಚ ನೀರಾದಾರಮಯೀ ಉಬ್ನೋನ್ನಾರು ಅಯೆ ಕ್ರೀಸ್ತುಡನೇ ಶೀರಸ್ಸೀನ ಹೊಂದೀಕೆನೀ ಈಡ್ಸೋನ್ನಾಳಾಯೀನಾರು ಈಟ್ತೋಳು ಮೀಕೀ ಮಾರ್ಕುಂಡೆ ಬೀರುದ್ನೀ ಅಪರೀಚ್ಚೇಕೀ ಅವಕಾಶುಮು ಈಯ್ಯದಂಡ್ರೀ ಆ ಶೀರಸ್ಸೀನೀನ್ಚನೇ ದೇಹಂತ ಕೀಲು ನೀರ್ಮುಲ ಮೂಲುಕುಂ ಬೇಕಾಯುಂಡೆ ಸಹಾಯುಮ್ನೀ ಹೋದ್ನೋನೀ ವಂದಾಗೀ ಕುಡೀಚ್ಚೆ ದೇವುಡು ಈಚ್ಚೇ ವೃದ್ದೀಯೀಂಚ ಅಬೀವೃದ್ದೀ ಯಾಯ್ತು ವಸ್ತಾದೀ. ²⁰ ಪ್ರಪಂಚೀಕುಂ ಸನ್ನೋಳ್ ಬೋದನುಮು ಪೌಲುಡ ಮೀರು ಕ್ರೀಸ್ತುಡ್ನ ಜೋತ್ಲ ಸಪ್ನೋಳಾಯೀನೀಂದ ಈಂಕ ಪ್ರಪಂಚೀಕುಲಾಯೀ ಬದ್ನೋಲಾಕೀ ²¹ ಮನುಷ್ಯಲು ಕಲ್ಪೀತ್ಮು ಆಜ್ಞೆಲುನೀ ಉಪದೇಶುಮುಲನೀ ಅನುಸರೀಚ್ಚೇ-ದೀನ್ನೀ ಪಟ್ನೋವುದ್ದು ದೀನ್ಸೀ ರುಚೀನೀ ಸೂಡೋದ್ದು. ²² ಅನೆ ನೀಬಂದನೆ ಲೀಕೀ ಮುಮ್ಮುಲ್ನೀ ನೋನಾಯೀ ಸೇಸೇದೆಂದ್ಗೆ ಆ ಪದಾರ್ಥುಅಂತ ಬಳ್ಸೆದಂತ್ಲ ನಾಶ್ಮು ಅಯ್ತದೀ. ²³ ಅಟ್ಟೆ ಉಪದೆಶ್ಮುಲು ಸ್ವಕಲ್ಪಥ್ಮು ಚಾರುಂನೀ ಪ್ರತೀ ವೀಸಯುಂನೀ ದೇಹ್ಮು ದಂಡೇನೇನೀ ಬೋದೀಸ್ತ ಪೆರ್ಕೀ ಮತ್ರುಮು ಜ್ಞಾನುಮು ಅನ್ವೀಚ್ನೋಟಾವಿ ಅನೀಕಾಕುನ್ನ ಶರೀರೀಕುಂ ಈಚ್ಸೇಲ್ನೀ ನೀರ್ಗಹೀಚೇದಂಟ್ಲ ಏಮೀ ಪ್ರಯೋಜ್ನಂಕು ವಚ್ಚೀಟ್ಲದು.