¹ ಕಡೇ ಮಾಟೆ ಮಂಟೆ ಸಹೋದರುಲಾ ಮಾಕೊಸ್ಕರಮು ಪ್ರರ್ತನ್ಮು ಸೇಯನ್ದ್ರೀ ಕರ್ತುಡು ವಾಕ್ಯುಮು ಮೇಲಾ ಹಬ್ಬೀನ ಪ್ರಕಾರ್ಮು ಯಾನ್ಯಾನಾನು ಜಲ್ದೀ ² ಹಬ್ಬೀ ಪ್ರಕ್ಯತ್ಮು ಹೊಂದೆ ಅಟ್ಟನು ದೇವುಡು ಮಮ್ಮುಲ್ನೀ ಮಾ ಮುರ್ಲಾಯೀನ ದುಷ್ಟ ಜನಲು ಸೆತೀಂಚ ತಪ್ಪೀಚ್ಚೆ ಅಟ್ಟನು ಪ್ರರ್ತೀಯನ್ದ್ರೀ ಅಂದ್ರುಲಾನು ಕ್ರೀಸ್ತುಡು ನಂಬೀಕ್ಮು ಲೇದೆ. ³ ಆಯ್ತೇ ಕರ್ತುಡು ನಮ್ಬೀಗಸ್ತುಡು ವಾಡು ಮೀಮ್ಮುಲ್ನೀ ದ್ರುಡ್ಮು ಪಡೀಚ್ಚೀ ಮೀರು ಕೆಡುಕುಡು ಸೆತ್ನೀ ಸೀಕ್ನತ್ಗ ಕಾಪಾಡ್ತಾಡು. ⁴ ಮಾಮು ಅಜ್ನಪೀಚ್ಚೆ ಪ್ರಕಾರ್ಮು ಮೀರು ಸೆಸ್ತಾರು ಅನೀನು ಮುಂದ್ರನು ಸೆಸ್ತಾರನೀನು ಮೀ ವೀಶಯಮ್ಲಾನು ಕರ್ತುಡು ಮೂಲಕ್ಮು ಮಾಕೀ ಬರವಸ್ಮು ವುನ್ಡಾದೀ. ⁵ ದೇವುಡು ಪ್ರೀತೀಲಾನು ಕ್ರೀಸ್ತುಡು ತಾಳ್ಮೆ ಲಾನು ಸೆರೆಅತ್ಗ ಕರ್ತುಡೆ ಮೀಮುಲ್ನೀ ನಡ್ಬೀಯ್ನೀ ⁶ ಸಹೋದುರುಲಾ ಮಾಯೀಂಚ ಹೊಂದೀನ ಬೋದನೆನೀ ಅನುಸರೀಯ್ನುನ್ನ ಅನುಕ್ರಮಮಾಯೀ ನಡ್ಸೆ ಪ್ರತೀ ಸಹೋದುರುಡ್ನೀ ಮೀರು ಮಾರ್ಮಾಯುನ್ದಾಲನೀ ಮಾ ಕರ್ತುಡೈನಾ ಯೇಸು ಕ್ರೀಸ್ತುಡು ಪೆರ್ಲ ಮೀಕೀ ಅಜ್ನಾಪೀಸ್ತಾಮು. ⁷ .ಮೀರು ಮಮ್ಮುಲ್ನೀ ಅನುಸರೀಚ್ಚೀ ಎಟ್ಟ ನಡೀಯಾಲನೀ ಮೀಕೀ ತೀಲ್ಸ್ನಾರು. ⁸ ಮಾಮು ಮೀಲಾ ಅಕ್ರಮುಮಾಯೀ ನಡೀಲೆದು ಮಾಮು ದುಡ್ಲು ಮೀಲಾ ವಕ್ಲುಕು ಬಾರ್ಮ ವ್ಗುದ್ದು ಅನೀ ಪದ್ನಾ ರಾತ್ರೀ ಕಷ್ಟಮು ಯೀಂಚ ಪ್ರಯಾಸ್ಮೀಂಚ ದುಡ್ಸೀ ಜೀವನ್ಮು ಸೆಸ್ನೊಂಟ್ಮು. ⁹ ಪೋಷನ್ಮು ಹೊಂದೆದಾನ್ನು ಮಾಕೀ ಹಕ್ಲೆದು ಅನೀ ಅಟ್ಟ ಸೆಯ್ಲೆದು ಮೀರು ಮಮ್ಮುಲ್ನೀ ಅನುಸರೀಚ್ಚೆ ದಾನ್ನಯೀ ಮೀಕೀ ಮಾದರೀಯಾಯೀ ವುನ್ದ್ದಾಮು ಅನೆ ಸೆಸ್ತ್ಮೀ. ¹⁰ ಈದ್ನಾಕುನ್ನಾ ಮಾಮು ಮೀ ಜೋತ್ಲ ವುನ್ದ್ನಾಪ್ಡೀ ಕೆಲ್ಸುಮು ಸೆಸೆಕಾವ್ನೋಡು ಉಟ್ಮು ಸೇಯ್ಗದ್ದನೀ ಮೀಕೀ ಅಜ್ನಪೀಚ್ನಾಮಂತೆ. ¹¹ ಆಯ್ತೇ ಮೀಲಾ ಕೆಲುವ್ಳು ಯಾವ್ ಕೆಲ್ಸುಮ್ನೀ ಸೆಯ್ನುಣ್ಣ ಬೆರೋಳ್ ಕೆಲ್ಸುಮ್ಲ ಮಾತ್ರ ತಲಕೈ ಏಸೀ ಅಕ್ರಮು ಮಾಯೀ ನಡ್ಸಾರನೀ ವರ್ತಮಾನ್ಮು ಈನ್ನಾಮು. ¹² ಈಟ್ತೋಲ್ ವಾಳ್ ಕೆಲ್ಸುಮ್ನೀ ಸುಸ್ತ ವಾಳೆ ಸಂಪಾದೀಚ್ಚೀದಾನ್ನೀ ಉಟ್ಮು ಸೇಯಾಲನೀ ಕರ್ತುಡೈನಾ ಯೇಸು ಕ್ರೀಸ್ತುಡ್ಲ ಮಾಮು ಅಜ್ನಾಪೀಚ್ಚೀ ಪ್ರಬೋದೀಸ್ತಾಮು. ¹³ ಸಹೋದುರುಲಾ ಮೀರಾಯ್ತೇನೋ ಮಂಚೀದೀ ಸೆಸೆದಾಂತ್ಲ ಬೆಸರ್ಮುಸೆಸ್ನೋವದನ್ದ್ರೀ. ¹⁴ ಪತ್ರೀಕ್ಮು ಮುಲಕ್ಮಾಯೀ ಸೋಪ್ಪುನ್ದೆ ಮಾ ಮಾತ್ನೀ ಯೋಡಾಯ್ತೇನು ನೋನಾಯುಂಟೆ ವಾಡ್ನೀ ಗುರುತುಪಟ್ತೀಕೊನೀ ವಾಡ್ನೀ ನಾಚ್ಚೆ ಆಯ್ತೇ ಅತ್ಗ ಆಯೆ ಅಟ್ಟ್ಗ ವಾಡ್ ಸಹವಾಸ್ಮುಲ ಸೆರೋದ್ದನ್ದ್ರೀ. ¹⁵ ಅಯ್ತೇನು ವಾಡ್ನೀ ವೈರೀ ಅನೀ ಎನೀಯ್ನುಣ್ಣ ಸಹೋದರುಡನೀ ಎನೀಚ್ನೋನೀ ಬುದ್ದೀ ಸೋಪ್ಪನ್ದ್ರೀ. ¹⁶ ಶಂತೀದಾಯಕುಡೈನಾ ಕರ್ತುಡು ತಾನೇ ಸದಾಕಾಲ್ಮು ಲಾನು ಸಕಲ್ಮು ವೀದುಮ್ಲಾನು ಮೀಕೀ ಶಾಂತೀನೀ ದಯಪಾಲೀಯ್ನೀ ಕರ್ತುಡು ಮೀ ಅಂದ್ರು ಜೋತ್ಲ ವುಂಡ್ನೀ. ¹⁷ ಪೌಲುಡನೆ ನಾನು ಸ್ವಂತ ಸೆಯೀಂಚ ವಂದನೆನೀ ರಾಸ್ನಾನು ಅನ್ನೀ ಪತ್ರೀಕೆಲ್ಲಾನು ಈದೆಗುರುತು ಈಟ್ಟೆನೇ ನಾ ಸೈ ಬರಹ್ಮು. ¹⁸ ಮಾ ಕರ್ತುಡೈನಾ ಯೇಸು ಕ್ರೀಸ್ತುಡು ಕೃಪೆ ಮೀ ಅಂದ್ರು ಜೋತ್ಲ ವುಂಡ್ನೀ.