Capítulo 6
Hesukristo manorameī ñandyreky ipoivi haereka mbai porãmbaivi mbai katukue Jaiko handi verã Ñande ru heko kaviva
1
Akuarã mbaivara jaipo,kyrãmã jaha ñandy'reko porãmbape puãve oho verã Ñande ru Tumpa haíhu haereka jyparekokue.
2
Mba'ety, kyrãa rãnga, Ñande rãnga ñamanoma hãndi porãmbape marãirapo hai paūme īmeī jai.
3
Pikuã'ãitera ñande ÑAIMYNGARAIVA Tumpa ray heepe ÑAIMYNGARAIVA jyve hai manõvape.
4
Ñande ñaniñotyhama Tūmpa ray hãndi, myngaraipe ha'ereka Ñande ru pyrãnta mynguera jya rãimi kati Hesukristope mãnova mbyteivi, kyrã hai pota jaikoveshu , haikaviva pãupe.
5
Ñande ñandypya pēnteī hãndiva Hesukristo mãnoape ÑAÑYMYPĒNTEĪPO jyve hai kuerajy'vape.
6
Jaikuaa kaui rãnga ñandy'reko tujakue mbysavava'hava kurusure Hesukristo hãndi, opa mbaia verã mbai katukue porãmbava ñandy retere'ōva, ãteñoma jaiko verã mbai porãmba ñandokue'ia rãimī.
7
Hãma mãnovekua MYPYRÃNTAHÃMA mbai porãmba vekua mbai katuivi.
8
Ñamãnoma Hesukristo hãndirã, jarojapo'jyve ñapuãjy hãndiverãve.
9
Jaikuaa kavi rãnga HesuKristo mūpu'ãjyve mãnova mbyteivi, mãnõveãmapo, shara mãno jepyãhe.
10
Hesukristo mãnomarã hai ipope opama ñono mbai porãmbava mbai katukue, hãma hykove ã'ē hai ikoma Ñande ru Tumpa pevarã.
11
Kyrãipo jyvepe pikuaa kavipo'jyve pymãnomava mbai porãmbape pevarã, he'ereka pykuerajyma Ñande ru pevarã Hesukristo iko pyndypy.
12
Hãme rãnga ateñomãpo pyheja pijo kue'kashu mbai porãmbava pyndyrete mãnoverãpe hãme voka ikopo pijapoãshu hai heivarã pyndy rete potava porãmbava.
13
Avypo pyporyka pyndy'rete ryheva mbai porãmbape, mbai porãmbava poryverã,pikuaikaviva pehēmãshia manova mbai katukuevi piko verã tykove py'ahuva mbaikatukue ipe.
14
Hãme kyrãrã pikoveãma, mbai porãmba pokue'i verã. Pee pikoveama Moise mbypara vekua heiva ipe. Ñande ru jyhaihu ha'ereka jyparekakue ipe mã rãnga peī ã'ē.
15
Apyrãndupojy pee: Ñandyreko porãarapo jaijy ñaimeveama ñaīva Moises mbypara vekua heiva ipe. Ñande ru jyhaihu ha'ereka jypare kokue iperã? Mba'ety!
16
Pikuaa'aīteira, pimēē pēnte ijaperã piko hai jokueverã, pyhēnduposhu, hãma kyrãijy mbai porãmbava pyhendushurã, peja rãimi pokue'ijyrã, ko pyhendushurã manokue verupope, ha'ereka ñeē pyhendurã Ñande ru haipo opa pindijoheshi mbai porãmba vekuaivi.
17
Ã'ē vya ñomēshu Ñande ru, mbai porambavekua pokuetē iva, ã'ē ñeē pyhēndu, pyndy'pyaivive opa pimēē ñeē py'ahuva ipe, mboiva pyndy kove.
18
Pehēshira mbai porambavekua, ã'ē ty kove py'ahuape pimēpopeī jokueverã.
19
Anijeta ko yvy iarē'iare īnjetava rãimī pyrete ipyteriã ha'ereka arykai pymēeva pyrete ky'akue, ha'ereka ñēē porambava pokue'ia rãimī, piñymby haikavi peo verã heko kaviva kyty.
20
Arykai pee piko terirã mbãi porãmba pokue'teri'irã mbyry pikoshi heko kyambava.
21
Marãva'iara heshahapyre pykove kuape. Hesha rãnga, heta mbai porãmba, kyava py kove kuepe ha'ereka ã'ē pymarã teri hai rehe. Vokava pymoña'i, pymãnõ veiãpeve.
22
Ã'ē pypyrãnta peī mbãi porãmba mbai katukueivi piko pei Ñande ru jokuereva rãimīrã, hejape voka pyndy kovepe pyñymby kapyry peho pei ha'ereka hai iãrē pipitypo tykove opãmba verãpe.
23
Mbai porãmba hepykue rãnga hai mano Ñande ru mēēreiiva hai tykove opambava Ñandeja hesukristo rupi.