Capitulo 4 Abraham oho'jepe jyrojaiterã, ha´ẽa japo´irã Moisés mbypara´vekuare
1
mbava kyrar yãishu jipityvera Abraham Ñanderu Tynondeva ñandyro rãĩmivuijyve
2
Abraham (rekohákavire) heko kaviiva mbai yapo kaviara hai mbitivishatevera hai mba teva rara Ñande Tumpa hynonde.
3
Marãra Ñadneru kuatia ñéépe heinmba arykáe. Abraham Jyroja hai Ñanderurera rekoha hekope kavi’iarãĩmi
4
imée mba’apova me’éaposho japova hepykue, japova hepykuerãnga há ea pẽnte meehaiva, kova japoava hepy kue
5
Tumpa te jyroyava, ayemaipo mbai peramba japo’ia vaikavire hekapekavi’arãĩmi heko kaviva yepepo jyrojara
6
Kyra David héijyve vyápo kuinmbai hareka taupe, Ñanderu ñonoa hekape kavi’iarãĩmira maínmbahea mbai japo porãmbateva
7
Vy’apo kuimbai hareka taupe ñynmbyhaikavỹy javyvekuaivira hara japovekua mby’opaposhi
8
hara vy’apo kuinmbai Ñanderu mbijicheshira opaĩ japovaivekuara (Salmo 32:1-2)
9
Kova vy’ara me’eha Juda pe’iare pevarãĩra me’éha (oñecircuncida) rã terã me’ehajyve ynga tẽntape’óre pevara (oñecircuncida) rami rapo Ñande ñambyhovai mokue’óre pevara me’éavera kova túnpa meeva
10
haima mbaiperaikapo hakava Abraham ndeira (oñecircuncida) (háihera) (oñecircuncida) marara jaikoa kavi rãnga ko vy’a hareka teko kavi me’ẽhashura hai (oñecircuncida) teriravai
11
ko (circunsida) me’éhaishu pẽnte hesha vera jyrojaite Ñanderu ĩñerera, kova yy’a hareka teko kavi me’ẽha Abraham pe’heta año hai (oñecircuncida) teri rave kua
12
Kyra Abraham pyta mokue ryheve tu órãĩmi, hai iko hoka (oñecircunsida) vare to rãĩmi jyroyaiteretara Ñanderu rehera hareka ime’é (oñecircunsida) mbava tu rãĩmi jyroyaite reta Ñanderu rere Ñanderu my’áñete mee hava Abraham pe hai yyrayaitera
13
Abraham hareka ñymoñahãndiare meeha kó msehara ko yvy’iare ña’ãpora hai jyroja Ñanderu rehera ha’eajapo’ira Moise japovekuare Abraham terira mba’etyndateri Maises japovekua
14
Me’ẽhara ko yvy’íãre haire jãpova Moise japovekuare ña’ápovarãĩmi jyrojakue Ñanderure haipo mbaimbava hareka Ñanderu ipromesa reia po
15
Moise japovekuare ia porán mba’ety’onpe Moise japovekoapy mba’ety poranmbá té, jaivavy kuaretara Moise japovekuaretara
16
Harameara kova (mee ha) Ñanderu meevekuanmba Abraham ñymy’añetera haire Ñanderu rehe yyrojahe ikovaipi. Ñanderu mee ipromesa pẽnte meéhaivarai ha’ea kuinmbai japokaviva rami kyra kova promesa kova pyta opaite Abraham ñymoñare pevara haire judape’õre (oñecircunsida) vekua jyrojaiteretara hara rami tẽnta ynyareta (oñecircunsida) mbavure jyroja jyvera Ñanderu rehera
17
Ñanderu jykuatiape hei Ñanderu hei Abraham pe che ariñonoma heta tẽnta tu rãĩmi shy nonde nde rirojaiteshyrera che me’eava rehe hara rikuara che amymyverayy aiva manovupe hareka amyngueraipoyy haire kuambateriapevara
18
Abraham jyroja hara haro’é mbaetyra timeipo mba’ety haro vera hai jyrojaite iko shivera heta tẽnta tvvru he’iashvarãĩmi nde neñemoñare ambyhetapo haira jasy tata ara re’õre rãĩmi (Genesis 15:5)
19
hai kangya jyrojape kvakavi rame hete ikoma manvekuurãĩmi rekama 100 año hara ojepy’apya hyreko Sara hyepy kua, kuamara
20
hai pya poshya Ñanderu mee vare rehe pyranta jyrojape hara jyrojahea Ñanderu heka rãĩmi
21
hara jyrojaite Ñanderu pyranta nuke opa japo peve hai mbeu cha rãĩmi
22
hamera Ñanderu maikavi jyveshu heka kavi raima
23
haima haitambatevara mbypara Ñanderu jykoatia ĩñẽẽpy Abraham jyrojara iko heko kavi rãĩmi
24
Mbyparaha jyve ñandyrehe hape ñande jarojavera jyve Ñanderure hareka jarojavera jyve hai mynguerajy rã Ñanderu Hesupe mano vekua mbyteivi
25
hara Ñanderu mee Hesu Kristope jukahavera ñande ñandy pyaporambara hara ñymano rupii hai ñandy’ova porãmba hara aña ipoivi hareka jaikovera hai rupii heko kaviva rãĩmi.