Capitulo 2 Ñanderu Tumpa hai hekopekavi ñandimbivachea
1
Hameara nde kuimbaé haere taupere mbaety jyrurendeva opava ndaipichare rimbivache ria kyrãnkatijypo Ñanderu Tumpa nimbivache jyve Ñanderu Tumpa nimbivachejy kavipo rijapovekuare.
2
Ñande jaikuakavi Ñanderu Tumpa mbivache hekopekavi kuimbaé haere taupere japavekaure.
3
nde kuimbai haere taupere rimoara riñemichi Ñanderu Tumpa nimbivacherã nde rimbivacherei ndapicha heko poramba
4
Rimoara rimbijiche rei katy Ñanderu ñandyraihuiteve hai pyarehei iva pyakávi heikaviñande hairã pota ñavahéjyshu ẽvape
5
nde ndypyavasu rypoitashi porãmbavekuara rymbaty ryrá porã rambavekuarã vahenpo pentera jaheándyreverã Ñanderu Tumpa mbívachepokui opaiteva kuimbaé taupereta japovekuare
6
Heiteipo menjyñande ko yvy airejajapovekua jairure shuaraimĩ
7
Ñanderu teipo meñande tykove opambava iñehendushuare Ñanderu heiva japovare añehaãpaite hipityverã Ñanderu heko kaviva tykove opamba Ñanderu mbyveteva haéi ñanderu.
8
Haima Ñanderu Tumpa rojambaiva ñymbyvaisho ihea Ña amporai heka hakavishuveraĩ potañoi haepaite jahẽapohẽ kyrãia Ñenderu Tumpa nupapo kuaverã
9
Porã ãitete haere akyjerã haere Judeaipiãre opa mamaipiore ñehẽndumatevera añẽntevape potai japoreta porãmbava
10
Ñanderu Tumpa mẽpo tykove opambava haikavai japoĩa mbae kavivai heka Ñanderuvi Tumpa hai hekokyambava jyrajava Ñanderu Tumpa tynondepa me Judeape pyakavi tykove opambaberã haima mepojy iru tijypape kyrã heí
11
Ñanderu Tumpa ñandimbivavya hai ñandimbivache hai hekope kavi opvare
12
opaiteva porãmba japo iare kuambere Moises japovekua jajapote verã vekua jajapo ãrã ñamanoverai Moises japovekua opapohai Moises japovekuare ñanimbiveche hekopetei jajapovekuare.
13
Moises japovekua henduva katy haẽa heka kyaveeinte mava Ñanderu hynonde haijapovaijyve
14
imeẽ ñandapicha kuambava Moises japovekua kuakavimbatea ijyhuvi japoreta Moises japovekuare haretai mejy ijype reta japoverãre haikaviva
15
haireta jaheshahe japorã Moises japovekuarã mbyparahejavekuarã pyavitaijapo (Genisis 3:22) mbahapy heshaverã tijupape õivare mbaty terevara Moises japovekua heivekuaraimi ha earañanea ñandypya ñambijeta (corazón) conciencia ha pensamiento pi henta óvare opahai kaviẽ japo vekuare
16
vahepokui pente ara Ñanderu ñandimbivacheverã vahema ñandimivachea verãpe opa tentaipi'õ ñomiareare pyape Judeapeiareta haima Moises japovekuare
17
nde rynoava Judeari Moises japovekuare rijekoteriva rimbyvateveriva rikuakavi Ñanderu Tumparã
18
Haima rikuakavi Ñanderu Tumpa potava ryhẽka kavipopy mbaiporãmbava ñanymboi kavi tera
19
Haima rirojatendijehe ryshambekyverã heshambavare potarynohete sankavape pyntuaipiiare
20
Haima potaten rymbai mbaimbaeite kuavekuare rikuakavi añeteva Moises japovekuare heiñandevarãimi
21
marãirapota rymbai mamaipiore nde jyve nymboéamba nde rymboi oparupiioreta potá manarõrã tea nde rymanarõi reijyve
22
nde rere ovypymbai imeiare tea kyrãnteria rijapoteria porãmba nde ere avyroja Tumpa raagápe katy nde tei rymanararia
23
ÑANDERU HOPEEVA nde rimbyvateria rikuakavi Moises japovekuare de nynoti Ñanderupe nde tei rijapoajyve haikaviva rijapoteverã
24
Ñanderu iñenpetei heiñandyrehe opamamaipi ore imjetavai he Ñanderure pyndyrevairã haima chichiashi jajare Judeapevarã japoreireta haire japoã Moises heivekuaraimirã
25
jajapire chichiavare haikavi Israelpe iarepevarã japoreta Moises heivekuaraimirã nde rijapoã Moises heivekuaraimirã ni chichiambava
26
Haima akua chichimbachia jajare jápo Ñanderu heivara haite chichiamba ajemainte kyrambava
27
japovare Ñanderu heivaraimi chichiachi jajapire mbivacheapohandi Israelpe iare ñanduru ñandimbivache erã jaikuakavi vahema ñandimbicheara Moises japovekuare chichiave ñynonti tevare
28
Judeape iare chichihã heteipo haea Judeapeite iare añeteite chichiáva hete japova kuimbaire hetereiva haeã añeeteiteva haeã oñeteiteva
29
kochichiava añeteitea japova Judeape iare py pyape chichiava japova añeetẽiteva ha vokai Espiritu Santo heivarãnga.