¹ She hai Pablo, Hesukristo jokueva, Hai shyrēno haereka shypyhyrō ambeu verã Ñēē Kaviva ryheva hape. ² Ko Ñanderu hape Hai kuaaka vekua Tumpa iñēē mbeu'iare rupii ēē Ñanderu iñēēpe. ³ Hesukristo, Tumpa tay teiva rãnga hai pyrymondo jepeva hape, Hesu ho'o rupi David ñymoña hãndia. ⁴ Hama Espiritu Santo pyrãtakue rupii mbyheeha Ñanderu Tumpa tay. Shara hai kuerajy manovare paūvi. ⁵ Hesukristo rupii hipityha Ñanderu jyparekokue ore yryrēnoha, Apostoliã rahaha mbe'uha verã pyrymondo jepeva ryheva hape opai tēnta retaipi, jyrojahe verã haereka iñēē hēndushu verarē. ⁶ Vokava paūpe rãnga pynyrēnoãmave opaite Romape'ore piko verã Hesukristo ña'amporãva. ⁷ Opaite Romape pime peīvavivee Ñanderu Tumpa pyndyraihu haereka PYNYPYHYRÕ pyndyreko kavi verã. Ñandeja, Ñanderuite haereka Ñanderu Hesukristo jyparekokue haereka jyhaihukue toī penendie. ⁸ Avy'aue amēē rãnishu Ñanderu, Hesukristo rupii pyndyrehe, p ynymbe'uha kavi haereka piroja kavitehe Hesu reherã. ⁹ Ñanderu rãnga hai shyreshava, she espiritu rupii amba'apo kavishu verã hai pevarã, ambeu verã Hesukristo hai pe pyrymondo jepeva, haereka koñeī hai apa kuaa marãra shymãndua pyndyrehe airurerã. ¹⁰ Airureñoīshu Ñanderu, Hai potamarã avãhe ahape verã pēīvape. ¹¹ Shykyrē'Yite apyryresha mishī amēēpe verã jyve Espiritu haikaviva, pynymypyrāta kavive peho verã. ¹² Haereka ñañymbypya kavi ijupii verã. Ko jyrojakue imē jareva rupii. ¹³ Shyryvy reta ahaihuva, aipotaã pikuaamba ryheve pyta, she heta añehaãva apirīñãndu verã tēvã ã'ēpeve katuã, apity verã tēvã ã'ēpeve katuã, apity verã jyve pynymbytepe, she añoyvare apityva rãimi jyve yngava tēntaipi. ¹⁴ Opaite Greciavare haretēnta yngavaretaipi, mbai opa kuaava hare mbaimba kuavare, ambeupo jyveshu reta ko pyrymondo jepeva hape ryheva. ¹⁵ Hãrã she ambeu jyve Romape kova pe Ñēē kaviva ryheva. ¹⁶ She anotiã ambeu verã ko pe Ñēē kaviva ryheva, Ñanderu ñymbai katu ēēpyrã mondojepe verã opaite Hesukristo jyrojahe avivee, Judeape'õrerãni haivi opaite tēnta YNGAVAPE. ¹⁷ Ñanderu mbai hejareiiva ryheva mē'ēha opaite tēntaipi añete Hesukristore jyrojava pevarã, mbyparaha rãnga Ñanderu inēēpe: "Opaite ñymyngyavēãmavare iko pukupokui jyrojaherã rupii." ¹⁸ Ñanderu ñunūpa pohyva vate araivipo ouhe ñarõva haereka pyaivi mbijicheva. Ñandeu Tumpa, hãndi opaite oñehãã mbai ãneeva jochava. ¹⁹ Heta mbai katu jaikuashi Ñanderu Tumpa hãrã Hai heshakamashu reta. ²⁰ Ñanderu Tumpa heko haereka ñymbaikat heshahamba, heshaha mbaikavi japova rupi; Hai yvy haereka ēēpyvare japorã; hãndi Ñanderu mbijicheva yaivi mapeãpo vãheshukui hejahareishu vērã. ²¹ Kuaatevare Ñanderu Tumpa, omomba'ēãshu, kuãã mõndo reta hai Ñandejava, harã nãkape'õ ñymbai hekopekaviarã rehe haereka pyape'õ opa PYNTU shi mmbaimba vekua rehe. ²² Potatē mbai opa kuaavevare, kuaa ainteve reta. ²³ Mbijiche reta Ñanderu haikaviva japova, hēndakuepe kuaretare japova omombai verãre; hai kuimbai aereka taupe ha'ãnga, mymba, vyrare haereka mboi ha'ãnga jyve. ²⁴ Harã Ñanderu Tumpa poishi reta iko verarē mbai porãmba pya potavapy haereka hetepe myngyave raha verã. ²⁵ Haire myngovia Ñanderu añeteva, japure; omombai jyre Ñanderu japovare, omombaitē verã japovape, Ha'eimãtē oñemombai vasushu verã opa ara ñymbatyha'õpe. ²⁶ Hãrã Ñanderu Tumpa ma'ēimahe mbai porãmbal kyava pya potavape iko verãre ñukuñare ikote hãndi verã kuimbai tēvã ha'eire ijupii jyreko. ²⁷ Kyrãmi jyve kuimbaire, opa heja taupe hekope kavi poryva, harã ha'eire haku ijehe reta; kuimbaire ijupii japo mbai porãmba kyava, harã hipity Ñanderu Tumpa ñuñupa pohyva hai hete rupii mbai porãmba japovare oupii. ²⁸ Haire poishi Ñanderurã, Ñanderu pijyveshi reta hãrã ñymēē reta mbai porãmba pyare potava, japo verã mbai porãmba kyava japombatē. ²⁹ Hãmē rãnga tynyhē reta mbai heko kavimbape, hakujyre, ñarõ reta, ha'ei mbai potava, pyryreshataā, mbai mbojareii'a, pota puruka haereka ijetapaereii'ia, mbai potaraiva. ³⁰ Ijetapareihe hapisha haereka ijeta porãhe hapisha, Ñanderure oñemoiva, hapishatãã, ojejapo, juru vasu, hãrã mbai porãmbavai pya mbijetahe, haereka tuu, ishyre iñēē hēuduãshu, ³¹ ñaka porãveã, heiva pyrõhe reta, pyryhaihuveã, haereka pyryparekoã. ³² Haire kuaa kavi Ñanderu Tumpa potava haereka iñēē, harã kuaa jyve kyrãva mbai porãmba japovare jukaha verãre, kyratēvã timeī japo reta mbai porãmba vekua haereka vy'a jyre, hapishare jyveru mi'īrū reta heko porãmba vekuaperã.